افضل وسيله للتنقل من مطار كازا الى مراكش

سلام عليكم

انا حجزت تذكره من الخطوط السعودية بس مراكش الغوها ماعاد فيه مباشر وحجزت على اغادير ( جده- كازا-اغادير)

بس ناوي اروح مراكش
كيف اتنقل من مطار كازا الى مراكش ؟

كم سعر التاكسي تقريبا

هل ينفع اقص تذكره جديده لمراكش بس كيف طريقتها اوصل المطار واخلص اجراءات واحجز من جديد ولا كيف الوضع

والقطار ايش وضعه ؟ بس سمعت انه يطول و4 ساعات وحوسه صحيح الكلام ولا ؟

لحد يقول استاجر وسوق بنفسك العام رحت مراكش وانواع الحوادث قدامي تصير سيارات مقلوبه ودبابات صاقعين عند اشاره هههه وافلام

وشكرا

وعليكم السلام ورحمه الله وبركاته

انت حاجز ‏جده كازا اكادير تبي تطلع لمراكش عن طريق كازا او اكادير

أذا تقصد من كازا موجود القطار تاخذ تكت من المطار اربع ساعات ونص تقريباً وانت بمحطة مراكش،

أو تاكسي يوصلك من 1200 درهم الي 1400 درهم حسب اتفاقك

__________________
‏هلا بالصمت دام الصمت ما يجرح مشاعرنا.

بسحب على رحلة اغادير وبروح من كازا الى مراكش هذا قصدي

اما توصل 1400 توقعت ارخص من كذا :(

‏ارخص شي القطار

__________________
‏هلا بالصمت دام الصمت ما يجرح مشاعرنا.

دامك بتسحب عليهم اكد عليهم ينزلو شناطك بكازا لان احتمال تستلمها من اكادير اذا ما خبرتهم .

نعم الانسب القطار بس مايبي القطار يتاخر و مايبي القروشه.

اذا ناوي تسحب وتذكرتك تذكره وحده، كلم الخطوط وبلغهم من قبل لأنها اذا تذكره وحده وسحبت على احد محطات رحلتك خاصه اذا ما قصيت البوردنق راح يأثر على رحلة العوده واحتمال انها تتكنسل..

مو أحتمال تتكنسل الا أكيد.
إذا نزلت في محطة تزانزيت ولا واصلت رحلتك للمحطه النهائيه، كل الرحلات التاليه تلغى تلقائيا.

ايه والله كلامك صادق

دقيت على الخطوط وقال فييين تسحب يالحبيب كل التذكره تتكنسل وراها وبعدها روح المطار اقعد قشر بصل

كووويس انكم نبهتوني والله كنت ناوي اسحب بدون ما اعطيهم خبر

المهم بطلووع الروح عدلو التذكره

شاااكر لكم جميعا

وعليكم السلام

مثل ماقال مشعل
او
استاجر سياره بسائق واعرف الي له وعليه من المكتب نومه اكله .......
ومنها توفر وقت وترتاح من الانتظار والشنط ودامك ماتبي تسوق تفادي الحوادث
مبلغ التاكسي هذا فيه يومين ايجار واذا العوده تاكسي توفر حق4 ايام
والقرار قرارك.

سفره موفقه

صحيح قطار ارخص شيء