اقتباس:
المشاركة الأصلية كتبت بواسطة The only one
بالنسبة لي ماعندي مشكله بالطياره مريح ومبسوط ولكن القلق الانتظار في المطارات .
أنا مفروض أدخل الموسوعة بأطول رحلة وكانت رحلة عمل من أوكلاند في نيوزلندا مرورآ بمطار سنغافوره ومطار دبي حتى وصلت الرياض وهذا طبعآ مسار الخطوط السنغافوريه لازم تنزل في دبي سواء في الذهاب او الاياب وجلست يومين بس عطونا راحه بالرياض وكملنا الى لوس أنجلوس
يعني من اقصى شرق الأرض إلى اقصى غربها خلال أربع أيام فقط!!!
والله متعبة
شكلك جلست لك أسبوع جيت لاق هههههههه يا كرهي له تجلس ما فيه احسن منك تلقى نفسك بسابع نومة
***************************
انا قد صار لي تجربة مشابهة لتجربتك قبل سنتين تقريبا ولا أعرف أيهم أسوأ
طبعا سببها الكامل سوء تخطيط مني وهي سفرة خاصة
وهي اني كنت بكازا اخذت رحلة كازا-مسقط وصلت مسقط 8 مساء انتظرت بمسقط 5 ساعات بعدين مسقط الرياض وصلت الرياض 3 الفجر
رحت البيت نمت صحيت تغديت روّقت بعدين على المطار رحلة الرياض نيويورك الفجر
وصلت نيويورك انتظار بنيويورك 4 ساعات بعدين نيويورك لوس انجلوس (الوجهة)
ما هي بذاك السوء خاصة اني ارتحت بالرياض لكن والله متعبة وبعدها صرت انتبه اكثر
***************************
انا عكسك
افضّل المطارات على الطيارة نفسها لان المطارات مطاعم وكوفيهات وتسوق لو ما يجي الا انك تقدر تجلس ببار تتابع لك مباراة لين رحلتك والا تدور لك مكان تدخن فيه
واذا كان معك جوال او ايباد الانترنت سريع وتقدر تتابع لك حاجة
انا ما يفرق معي الانترنيييت لان ما عندي جوال ايفون (ما وصلتني الموجة هههه) لكن احيانا اخذ اللاب توب وفعلا الوقت يمشي يا اخلص شغلة او اتابع لي حاجة
الطيارة قلق خاصة اذا الرحلة طويلة وفل خاصة للمدخنين
طبعا ترى كل رحلاتي على الدرجة الاقتصادية ما اتكلم على البزنس ولا اعرف عنها شيء ابد