اريد سكن فيلا بالرباط

مساء الخير
من خابر لي فيلا بالرباط امان وزينه وسعر مناسب

مساء الورد

بختصر لك الوضع افضل شي انك تحجزون يوم في فندق اشقة عن طريق بوكينق واذا ريحتو تنزل لطريق اسمة طريق ازعير لو تكتب بقوقل ماب طريق ازعير وداك للموقع في الرباط فية فلل هناك ...

بتقولي حي الرياض فية فلل بقولك جار عليه الزمن الان و90 ٪ ماراح تحصل شي يناسبكم بحكم انه منطقة سكنية

الاسعار في الرباط الفلل اغلا من مراكش معلومة


وبالتوفيق سفرة سعيدة

__________________
‏هلا بالصمت دام الصمت ما يجرح مشاعرنا.

فيه فلل بالهرهورة تلقاها من ١٤٠٠ درهم حتى ٢٠٠٠ ل٤ اشخاص
بوسط الرباط تلقى فلة ل٤ اشخاص ب٣٥٠٠ تقريبا تزود او تنقص حسب مستوى وحجم الفيلا وموقعها ومدة اقامتكم .
قانون المنتدى يمنع تداول الارقام فحبيت اوضح لك طبيعة الاسعار لأني شايف البعض شغال تدبيل في الأسعار والشباب مطفين النور.

بعيدا عن موضوعك حبيت اشطح شوي عن موضوعك:
على طاري الفلل عرض علي صديق قبل شهر اجار فلة بالسنة واجارها الشهري ١٢٠٠٠ درهم مغربي بدون اثاث طبعا لكن رفضت لعدم حاجتي لها لكني اتخيلها قريبا يجيك واحد يأثثها ويأجرها باليوم اقل شي ٢٥٠٠درهم وخلال ٥ شهور مدخل ارباح، يعني دورة راس المال بسرعة الضوء لكنه المشكله مال حرام !

حي الرياض مازال في قمة جماله..
ومن الخيارات اللي تستاهل السكن فيه.
وعندك..السويسي..حي السفارات..بير قاسم .
وفالك التوفيق..

بالنسبة لهرهورة..كانت جميلة وهادئة .
لكن الآن ماانصح أحد بالسكن فيها..
ودام الواحد بيتقرب من شاطئ هرهورة..عليه يبحث سكن في تمارا..

عكاشة السبب لو سمحت

في اي مدينة الفيلا الي ذكرت
والله لو تاخذها انت ومجموعة شباب ماتكلف شي

لو حصل لي العرض هذا في مراكش اخذتها وانا مغمض وما راح اجرها بخليها لي وللقروب الي معي

السبب ياسيدي..ان الفلل اللي بهرهورة قليلة جدا..
والعين عليها من كل حدب وصوب..وثانيا..اغلب الفلل تلاقيه يأجر لك مثلا دور..والدور الثاني تلاقيه مؤجر..يعني الفيلا فيها كم مستأجر.

متى تبيها أي وقت