تجربتي مع الصرف الدراهم في المغرب
السلام عليكم ورحمة الله وبركاته
مثلي مثل الكثير من المزاعيط لما اسافر اخذ مبلغ السفرة معي كاش واصرف اللي احتاجة والباقي اخليه معي
المره هذي اعجبني الجو قررت امدد الرحلة والمبلغ انتهى قلت يا ولد الله يعينك تسحب بالبطاقة مع معرفتي مسبقاً بالعمولة العالية اللي تنخصم من الحساب
المهم سحبت في البادية 2000 درهم الا العمولة كانت عالية على غير العادة بلعتها ومشيت لكن غصيت بالعمولة وانا ماشي على طريق محمد السادس بطنجة الا تطيح عيني على ويستر يونيون وقفت قريب منهم ونزلت للمكتب وسألت الأخ الموجود فيه ممكن احول من حسابي باسمي قال ما فيه مشكلة قلت متأكد لأني راح احول مبلغ 5000 ريال قال حول ولا تخاف
رجعت لسيارتي وجوازي مخبيه فيها ودخلت تطبيق stcpy وسجلت معلوماتي وبعدين حولت المبلغ من حسابي البنكي إلى stcpy وفي ثواني الا المبلغ في التطبيق ورجعت للمكتب واعطيته جوازي ورقم الحواله الا والله الرجال صادق قارن الاسم مع الحوالة الورده واعطاني المبلغ بالدرهم
وكانت العمولة 23 ريال فقط
والسحب بالبطاقة مباشرة من الصراف تصل 40 ريال تقريبا او اكثر لكل 2000 درهم
هذا علمي وسلامتكم
2021-10-01, 10:24 AM
المواضيع المتشابهه للموضوع: تجربتي مع الصرف الدراهم في المغرب
العرض الشجري
الدرهم المغربي مقابل عملات الخليج