رحله الى اغادير من تاريخ 27/8/2019

بسم الله الرحمن الرحيم
نبداء التقرير بعد الحمد لله رب العالمين
اولاً كانت الرحله جميله في كل المقاييس بالبدايه كان هناك تخوف بصراحه لان اول رحله بحياتي تكون لوحدي وهذا الشي ممكن اللي اضاف للرحله رونق خاص وجميل بالنسبه للمتعه الفرديه اجمل لان راح تكون انت ملك يومك مايحتاج يكون فيه تشاور تختار الوقت والمكان باريحيه ممكن هالشي اضاف على هالرحله رونقها الجميل نبلش بالبدايه نتكلم عن حجز السياره حجزت سياره مع سائق وهالشي ريحني من حاجتين الاولى ان السايق راح يكون مرشدك السياحي والشي الثاني ونيس وياك تم الاتفاق مع شركه معلنه في المنتدى هنا الحج عثمان نسيت اسم الشركه يعذروني بس الاخت ليلى كانت بقمة الذوق اهي والسائق للامانه الشي اللي لازم اذكره ان المغرب بلد حلو جداً وتعتبر من البلاد التي توفر لكل قادم اليها كل السبل الممكنه ليكون مطمئن بعد اول يوم عرفت ان الخوف اللي كنت احس فيه قد تلاشى وحجزت في فندق صحارى ولو كنت اعلم بشقق مارينا لما حجزت فيه ولكن صار اللي صار وجدت الفندق اغلى من الاخوه المعلنين ومن بوكنق ايضاً ولكن تم الحجز لان تعبان كنت بوقتها بعدها رحت عملة مساج وحمام مغربي ب800 درهم وتغديت في مطعم اسماعيل وبعدها نمت صحيت ورحت حجزت بالتايقر اللي من وجهة نظري افضل ديسكو في اغادير وكل شخص له معيار في الافضليه ماراح نتكلم على السهر لان مثل ماقلت لكم كل شخص ومعياره وكيف يحسب الجمال بالمكان او برواد المكان عموماً كل ديسكو كان له نظامه في اللي البست عنده بثلاث الف وفي ست الف وفيه الف وخمس ميه وفيه بار اللي بالدخوليه وانا لا احب الخيار الاخير لان انت جاي تنبسط فاخذ شي يستاهل ولا تكون مقتصد لان انت بالاصل جاي توسع عن خاطرك عيش يومك صح ولا تكون ابله ولا تكون جعص خلك انسان متوازن الحين اقدر اقارن بين مراكش واغادير باريحيه من وجهة نظري
مـــراكـــش أغــــاديـــر
السهر : افضل السهر : لاباس به
الاكل : غالي وعادي الاكل : ممتاز ومتوسط
السياحه : عاديه جداً السياحه : جميله جداً
المصروف اليومي : عالي المصروف اليومي : متوسط
الراحه : موجودهالراحه : ممتازه
تستحق الزياره مجموعه تستطيع الزياره لوحدك
بالنهايه هذا رأيي وانا احب المغرب لان بلد عربي وفيه كل سبل الراحه من كل باب ومرآب واتمنى وافيتكم بالتقرير المطلوب ودمتم بود