مشاكل المواقف المدفوعه

الكارثه انه يدخل بعينك كأن الحق معه وقد قال اطلب الشرطه وقد اعطيته 30 ورفضها
بلطجه عيني عينك
ومافي اردى منهم غير الدرك
مسكني واحد بليا تهمه وطلب مني قلت مامعي ولمن جا اليوم الي بعده وشافني ع شارع الموجع للمارينا زمر لي بالصفيره وجاني يركض قلت ماصرفت واليوم الي بعده مثل الحركه كأنه يراقبني من يشوفني دخلت هالشارع وقفني اضطريت اطلع من المارينا واسكن في فندق ثاني

وانتبهو من حركه عند الدرك
يوقفك ويوهمك انك مخالف
مثلاً انا وقفني عسكري ومعه ضابطه قال العسكري عندك مخالفه ماسك جوالك وانت تسوق
وانا والله وقتها حسيت اني مسكته وانا مامسكته اوهمني اني مسكت الجوال فتبرمج مخي اني مسكت الجوال
وافكر وادخل بعينه ونتشاد بالكلام وشافني صامل قال دقيقه
وقاعد يقول انت مخالف ويفرك اصابعه وبعد مادخلت بعينه راح للضابطه وهو يجي بيني وبين الضابطه وينادي علي وانزل من السياره واجيه قال سألت الضابطه قلت مانبي نظلمه انتي متأكده شفتيه قالت لا مو متأكده وتقدر تمشي ومشيت
طايحين فيها بكثره هالحركات

ليش مافيه ماكينات زي اوربا او عندنا في السعوديه تدفع بدون ما تحتك بحد ؟

البلد ضعيف لا تقنيه ولا امكانيات
حصل لي موقف واحتاج فيزه ضروريه جدا لان فيزتي ماتعمل في المغرب لان الرمز بيوصل ع رقمي ورقمي مقفل وبحثت ماتركت احد ولا حد معه فيزه وهي اقل المطلوب ويقولوها كذا الفيزه نادره عندنا فقط مع التاجر
اضطريت اكلم صاحبي بالسعوديه اخلص شغلي بفيزته

مشكلة المواقف صراحة بكل محل ماتدري وش وظعهم هل ذول تابعين لمواقف ولا شفارة ماعقلتش واذا عطيته مبلغ انسى الباقي
واحد بالمارينا حق المواقف قالي اغسل سيارتك قلت صافي واتفقت معه من البداية اعطيه خمسين درهم يوم خلصت تفرر وارجع لسيارتي واحاسبه حق الموقف و فوقها خمسين درهم غسيل سيارة طلع لي بفلم قال انا موش لحالي غسلت السيارة معي صديقي وكل واحد خمسين قلت له سير لاخربها معك يسوقونها

موحودة مكاين ومع ذالك تلقى الجارديان قدامه وهو اللي ياخذ فلوس ويقول لك لاتقطع تكي حاسبني انا والمعروف انك تعطيه مبلغ بسيط درهمين او ثلاثه وتمشي ..الموضوع باختصار مافيا ،الجارديان هذا يخلص للشرطه مبلغ متفق بينهم اما لو دفعت في المكينة فهي بتروح للدولة ماراح يستفيدو شي نفس وضعية المخالفات والتدويرة..فيه ناس تستثنيهم من هالفئة وهم اللي يستأجرون الموقف من البلدية وهذولا مبالغهم معلومه قبل لاتوقف وشغلهم نظامي .

مشاكل والله ههههه

غسيل السيارة 20 درهم دايم اغسلها هناك يبي والا بتلقى الف غيره

لو رحت محطة بنزين يغسلها لك 30 درهم

هههه نصب شغال اتوقع ياخذون الموقف من البلدية مقطوع وكل ماكان الموقف بمكان شغال وعليه حركة السعر يرتفع
وفيه حاجة لازم ننبه المزاعيط عليها يوم توقف عند محل بقاله او مكان بتمشي فيه بسرعه نظاما ماياخذ منك بس هذي ثغرة يستغلونها لعدم معرفة السائح
انا ما يخلعني الا لا شفت واحد طلع لي فجاءة يدق الجام ويقولك باركنج يقهرني

التسعيرة الرسمية كل 20 دقيقة درهم واحد وفي بعض المدن كل 30 دقيقة درهم

اقل من كذا لاتعطيه وحتى لو بغيت تعطيه درهم يكفيه مثل مايسوون المغاربة

كما حصل معي ولكن ما اذكر والله اتفقت معه 30 او 50 ولكن بعد ماخلصت ورجعت السياره طلع لي بفلم والمويه انا اشتريها ومعي ناس تشتغل مو بروحي
فتحت الشباك سانتي واحد وطلعت له المبلغ المتفق عليه وقفلت الشباك ومشيت

على طاري الشرطه والمخالفات
انا ماقد اخذت مخالفه لاني اخلص معه بنص مبلغ المخالفه
لكن لو مسكت معي وما اعطيه درهم وباخذ المخالفه وين ادفعها ؟؟
هالسؤال يدور بمخي وحتى انا بالمغرب ماعرف وين ادفعها لاني ناوي ادخل بعين الدرك