عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


طنجة وما حولها صباح مساء الخير

إضافة رد
 الصورة الرمزية أخصائي ولكن
أخصائي ولكن
مزعوط جديد
المشاركات: 1
تاريخ التسجيل: Oct 2019
أخصائي ولكن غير متواجد حالياً  
قديم 2019-10-06, 03:52 PM
  المشاركه #1
طنجة وما حولها صباح مساء الخير

أعتب كثيراً على المنتدى لعدم وجود تقارير سياحية سياحية ، في كل مدن المغرب ، أكثر ماهو موجود شقق سيارات قليلا أماكن سهر ...!!
وكثيرا مايتكلمون عن الخبرة لو سئلت وين أروح يعطيك فندق أو مكان سهرة بس !! طيب الي له باع طويل بالمغرب يفيد غيره مثل ( أماكن تمشيه على الأقدام ، أماكن يجيب زيارتها (( متاحف ( هههههه تذكرت واحد سافرت معه اول مره واخر مره ههههه سفرته دشره بس يوم قلت له نبي نشوف الديرة يقول مثل وش قلت متاحف مثلا قالي أنت حق متاحف وأستلموني طقطقة ) ، جدول ماء ، جبال ، أماكن تخييم ، مطاعم مأكولات مغربية ممتازة ونظيف ، اكتشاف ثقافة الشعب من اكلات غريبه ( ببوش مثلا ماعرفته غير واحد الله يجزاه الجنه كبير بالعمر من العشاق للمغرب صدفناه لما تاخرت رحلتنا بكازا مشانا فيها ) نرجع لحديثنا ، اطلالات وووو.
ويفيدونا في الطرق بين المدن هل هي بعيده او لا خطيرة او لا يعني مساو وحسنات اوقات الشتاء هل ينصح بالمشي فيها او لا في الصيف كمان الحرارة تأثر اذا المسافه بعيده وسهولتها
احد الخبراء يفيدنا برحلته من الاماكن الي زارها وهل تستحق انك تضيع وقتك وتجيها والا لا لان في اماكن ممكن تشطبها من الرحلة تكون بعيدة عن المدينه لو تجيها ماتستفيد مثلا ( نهر او عين ماء على بعد ٣٠ كيلو من المدينه وماعنده جلسات ولا تقدر توقف سيارتك وتجلس عنده مده كشته يعني او اماكن توحي بسياحه ف ماله داعي تجيه يضيع وقتك بس ) .
ومن ناحيه الي يعرضون سكن اتمنى انه يعرضون مره وحده كل شي انواع السكن عندهم وقريبه من كذا والسعر طبعاً يحدده شتاء او صيف او وقت ذروه مع رقمه فقط للحجز او التفاصل بسعر مو كل واحد يقول ارسل لي واتس كلمني !!! اتعجب طيب اكلمك وتعطيني سعر عالي لو انا اول مره اجي ومايعجبني واطلع منك و اقرا عن واحد يمدحك بالسعر اتعجب ابدا افكر هل هو السعر كذا او ان الاسعار تختلف حسب الشخص والي يقول لا أنا زبون غير سعري ترا انت الي رفعت الأسعار لانك سكت لما تعرف ان غيرك سكنت مبلغ اكبر او تساعدت معهم على السعر يكون اعلى ويجي بعد فتره يكت الاسعار زاده عن اول وش الموضوع ههههههههههههه انت الموضوع
والكلام ينطبق على كل الدول مو بس المغرب .
وأخيرا ماكتبته الأ من التعب الي جالس اواجهه لتخطيط لرحله ثاني رحله لي الاولى كانت مريره واتمنى اني اعوضها بالثانيه والا وقفنا مغرب @.@ .
وانا أشكر الي حاطين او مدحو سكن او خدمه اتصال او تأجير سيارات . لكن اتمنى الاجتهاد أكثر
الرحلة راح تكون أن شاء لله بعد عطلة المدارس يناير 2020 ( من مطار كازا الي طنجة يومين ( يوم راحه ويوم تمشيه - شفشاون يومين يوم راحه يوم تمشيه - كازا يوم راحه - مراكش أخر معقل للأستجمام وبكذا أن شاء لله اكون غطيت جزء من المغرب .
المطلوب : سيارة ، أماكن لستكشافها ، سكن الله يخلي البوكينق ، الأ مراكش الله يخلي الشعب العظيم هههههه
السياحة أكتشاف أماكن وثقافات ، أستمتاع بالوقت، أستجمام ، .... لاتضيع أجازتك كلها في الدشره بس او العكس خل كل الأجواء تناسبك مو أنت الي تناسبها
أسف على الإطالة ودمتم بود :)
رد مع اقتباس
 الصورة الرمزية mmmsultan
mmmsultan

طنجة وما حولها صباح مساء الخير

المشاركات: 2,037
تاريخ التسجيل: Nov 2013
الدولة: بين العاصمتين
mmmsultan غير متواجد حالياً  
قديم 2019-10-07, 12:45 AM
  المشاركه #2
عليك ببرنامج تريب ادفايزر يفيدك كثير .

مع ملاحظة ان جميع ماتحتاجه عن المغرب من معلومات بتجده هنا اما في تقارير سياحية مكتوبة او اجابات اسئلة بس يبيلك تتعب وتقرأ شوي .
شخصيا تكلمت عدة مرات عن طنجة وابرز اماكن الجذب في الشمال عموما من معالم سياحية، اما مراكش فالمنتدى غرقان معلومات عنها ،وكذالك كازا واكادير .

التعديل الأخير تم بواسطة mmmsultan ; 2019-10-07 الساعة 12:50 AM
رد مع اقتباس
 الصورة الرمزية مشعل
مشعل

طنجة وما حولها صباح مساء الخير

المشاركات: 3,966
تاريخ التسجيل: Apr 2013
الدولة: KSA
مشعل غير متواجد حالياً  
قديم 2019-10-07, 01:03 AM
  المشاركه #3
موجود في قسم التقارير المصوره او تقارير الاعضاء


طنجة والمناطق المجاوره لها

المنتدى ثري بالمعلومات عن جميع مدن المغرب

ادخل محرك البحث واكتب طنجة او شفشاون وشف وش يطلع لك

ومثل ماقال mmmsultan اتعب شوي
__________________
‏هلا بالصمت دام الصمت ما يجرح مشاعرنا.
رد مع اقتباس
آبوصالح
مزعوط مبتدء
المشاركات: 30
تاريخ التسجيل: Oct 2019
آبوصالح غير متواجد حالياً  
قديم 2019-10-09, 07:14 PM
  المشاركه #4
عن نفسي السفره ذي مدري وشلون بس بخليها هجوله الحمدلله قصيت تذكره وحجزت موتر وحجزت اول ليله بفندق بكازا ومن اصبح ان شاءالله بشغل الموتر وادز الرباط ثم مكناس الى افران ثم فاس ثم شمال ل شفشاون تطوان الين طنجه وبكل ديره بتكي يوم وبطنجه بقعد ثلاث ايام وبعدها برجع جنوب على ساحل المحيط لين اوصل كازا وبقعد فيها باقي الايام
طبعاً هذي الخطوط العريضه اما التفاصيل وين بروح بكل ديره لين الحين مابعد قررت وشغال بحث وتحري وتحفير ومثل ماقال م م م سولتان تريب ادفايزر فيه اللي يسد وكفايه ولايهون اليوتيوب فيه تقارير مصوره جديده تقدر تلطش منها وتحط جدولك و ك شي اسويه انا خل لك اكثر من خيار في كل مكان سواء بالفنادق او المطاعم او باماكن التمشيه يعني سو لك تشيك لست وانت ادرى مني اكيد لكن الله يستر الروحه ذي متاهل وابغا طريقه صهيونيه ناجحه تهجج الطيور يعني من اقرب يطيرن ياااااوك وعليها يويلنا ويلاه ظنكم اكثر ثوم وبصل ينفع خخخخخخخ
المهم ريلاكس يامان وعندي احساس ان سفرتك ذي بتهرج فيها لين تطيح سنونك من زود الفله اللي بتمر عليك واحد يقولي رح كتامه مافيها طيور خخخخخخخ
__________________
يامراحب يامراحب
ياسفينة مراحب

التعديل الأخير تم بواسطة آبوصالح ; 2019-10-09 الساعة 07:16 PM
رد مع اقتباس
متقآعد
مزعوط جديد
المشاركات: 29
تاريخ التسجيل: May 2020
متقآعد غير متواجد حالياً  
قديم 2020-05-03, 09:36 PM
  المشاركه #5
طنجة احسها مجهوله والعاشق له مايدلي بمعلومات عنها
رد مع اقتباس
Mohanad77
مزعوط مبتدء
المشاركات: 31
تاريخ التسجيل: May 2020
Mohanad77 غير متواجد حالياً  
قديم 2020-05-13, 05:25 AM
  المشاركه #6
والله يالغالي ان المنتدى ثري ومتشبع بجميع المواضيع والاستفارات دور وبتحصل كل شيء تبيه صدقني
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: طنجة وما حولها صباح مساء الخير
الموضوع آخر مشاركة
[فندق ] صباح مساء الخير على الجميع 2017-07-21 02:48 PM
مساء / صباح الورد .. 2014-08-18 04:29 AM
صباح الخير-مساء الخير للجميع 2014-05-04 02:15 AM
صباح / مساء المحبه 2013-04-30 03:07 PM
صباح الخير ع الدنيا..صباح الورد والياسمين 2013-02-13 08:21 AM


الساعة الآن 09:13 PM