تجربتي للقاهره وتحذير منها

اهلين يامزاعيط


رحت مصر من 8 شهور تقريبا والان بروح لها مره ثانية بعد كمن اسبوع ، اسوء مدينة زرتها في حياتي السياحية لكن مجبور اروح لسبب معين . المهم مالكم بالطويله ، لما رحت لها اخر مره كنت مسافر لحالي وانا امشي بشارع الدول العربية الساعة 11 صباحا وانا طالع من مصرف اصرف دولارتي مع انها كانت حوالي 100 دولار يعني شي بسيط مااخذ معي فلوس كثير ودايما حريص المهم قرب من عندي اثنين شباب مراهقين ويشحتون مني المهم قلت لهم ماعندي بنفس خايسه ولاعطيتهم وجه وحاولي يضربوني يفكروني بخاف وبهرب لكن قاومتهم وخافوا ومشوا الغريبه مافي احد بالشارع مع انه صباح وشارع عام . المهم ياشباب الحذر لما تمشي لحالك في القاهرة وخاصتن شارع جامعة الدول العربية يعني الي حصلي في عز النهار كيف في اليل ؟



ومن حركات النصب الي مرت علي ، اخذت اوبر ووصلني المكان الي ابي لكن ماقفل الرحله وكان ينتظر برا والحسابه بتحسب وانا ماقلت له ينتظر وكنت مخزن بطاقتي الائتمانية بتطبيق اوبر يعني ماادفع كاش ، المهم السواق غبي ، رفعت شكوا في اوبر وعوضوني عن الرحلة وحاسبوا السواق ورجعت فلوسي ببطاقتي . الي يروح مصر لازم الواحد يكون مفتح ولا يثق في احد ولا تروح عليه .

في حاجه نسيت اذكرها ، لما كنت بالمقهى كان فيه واحد من الي يشتغل في المقهى يدور ومعه ايباد ويركز على الخليجيين ويكتب حاجه وكل شوي يجي عندي يطالعني ويكتب حاجه بالايباد ويمشي ، طبعاً ربعنا مفهيين وخاشين جو مع الاغاني والطيور هههه لكن انا ماتركته ورحت تهاوشت معه ، حسيت نوع من انواع المراقبة بدون مااسوي شي ، لما رحت له يقول (انتا عام حاجه ياباشا ؟ انتا خايف ليه؟) انا بالعكس ماني خايف بس يمكن انه صورني بدون ماانتبه بدون وجه حق ، وليه يركز علينا احنا الخليجيين فقط ؟ ماطلعت منه بااجابة وتضايقت من التعامل والوقاحة والرقابة علينا يالخليجيين بدون سبب وطلعت . اعتبرها عنصريه مااردي

تحذر من القاهرة كلها وعشان كذا
ياخوي لاتكتب مواضيع

__________________
ليت لي من عناء البعد راحه
يابهجة الخاطر وكثر الأمنيات

من محقي اكتب الي ابي ، من انت تجبرني اكتب او لا ،اذا مااعجبك الموضوع مااحد اجبرك تشارك ! ملقوف

بص حضرتك أنت اخويا ارقوووك ما تنرفزنيـش

__________________
ليت لي من عناء البعد راحه
يابهجة الخاطر وكثر الأمنيات

أحسنت.

__________________
الله يعمرها دار

مايحدث بمصر يحدث بأي دولة اخرى سواء شي سلبي او شي ايجابي

تضخيم مواضيع وامور جدا سطحيه

لاتسافر سياحه لاي دوله اذا هالامور البسيطه تشوفها كبيره

من قالك يحدث في دول ثانية ؟ لاتدافع على باطل ، روح مثلا فانكوفر مااحد يقدر يتجراء ينصب عليك لان في قانون يحميك ويحمي السائح . ايه نعم اشوفها كبيرة شخص يتهجم عليك وتقول ماهي كبيرة وسطحية ؟ تعال اضربك وسامحني وقول بسيطة وشي سطحي

انت حساس قوي يابرنس مش كل حد باصص فيك يبقى هيصورك عشان انت خليجي والشباب اللي شحتوك دول بيهزرو ياعم متخدش الحجات على صدرك كدا

__________________
كيف يارب ندير من الي خلتني بحال خطير