رحلتي الاولى للمغرب.. هل من مساعد

أنا زرت المغرب في أكتوبر و لمده ١٤ يوم و سكنت في فنادق ه نجوم و كنا أثنين و تمشينا الين دخنا زرنا كازا، الرباط، طنجه، تطوان، مارتيل، المضيق، مراكش. ما نعرف الخرابيط و كلفتنا الرحله بالتذاكر و الهدايا 27 الف ريال.

ماشا الله رحلة جميلة ... وين رحت اماكن مشية بالمدن اللي ذكرتها .

ممكن لو سمحت افضل الاماكن من حيث السكن والسهر والمطاعم في مراكش واغادير والمتوسط السعري واكون شاكر لكم

بالنسبة للسكن
الروز غاردن ، منوار النخيل ، سكرة بيش او الاوليفار
السهر : الدبليو ، الكي ، ستيج ، والكاش ..

تعبت وانا أرد
وترا بالأول والأخير كلن يحط رايه
ولكن لما يجيك واحد مدرعم ويقول له 15 أو 20 ألف تكفيك لمدة أسبوعين هنا ممكن توهقه لأن الرجال كاتب بالبداية انه أول مرة بيروح ولازم تخليه ياخذ احتياطاته مو شرط كل الناس تصرف مثل بعض كلن وجوه مالها شغل ذيبان و مدري ايش وبعدين حط بالردود انهم راعين سهر وبعدين قال سهر على خفيف وبعدين قال هذي ثاني مره يروح ، مع كامل احترامي وتقديري لحسة مخ بصراحة الموضوع والمشاركات.

ههههههه.. طيب انت ليه زعلان

الامور طيبه وبسيطة انا ثاني مره اروح والسفرة الاولى كان سهر خفيف وصرفت مبلغ لو قلته لك ماراح تصدق ترى فيه ضحك واستغلال فلل امان وشقق امان هذا اللي ضيعتنا ومبلغ الشقة بيكون اضعاف ...
باقولك شي اخذت شقة في طنجة من عرفتين وبلكونه 350 درهم تصدق ولا لا

الله لايجيب الزعل
بس موضوعك لحسة مخ بالبداية تقول اول مره مسافر وبعدها تقول سافرت قبلها وتقول راعي سهر وبعدها سهر خفيف والحين سبحان الله طلعت خبير امسك لك جاده من البدايه
دامك خبير ليش تسأل من الأساس؟؟؟

غالبا فندق 5 نجوم لايقل عن 500 ريالا ايجار سياره 250 ريالا اكل وتماشى 250 هذا اذا انت قارص نفسك لو بتسهر اقل شيء المجموع 2000 مع الحرص
صدقت اخى

يعطيك الصحة علي التوضيح

من قال لك اني خبير مبتدي واتعلم منكم ... بس حبيت اوضح لك وانا كنت بزيارة للمغرب ضيافة عند احد الاصدقاء المغاربة والان طالع لوحدي فتعتبر اول زيارة هذا كل الموضوع ... كل شي اشوف سعره مقبول الا السكن وهذا ملاحظتي نحن طلعنا عن صلب الموضوع الاساسي اعطونا برنامج يومي باكادير