مصر في الوضع الحالي

لأهل الخبرة كيف مصر في الوضع الحالي من ناحية الأمان والأسعار

سافرت دبي مرتين وودي ذي المره اروح مصر ،بس ما اعرف فيها شئ ،

اذا اول زيارة ولحالك مامعك واحد يعرف القاهرة الحل لك سواق من 110 الى 130 ريال يوميته شامل البنزين طول يومه معك تاخذه ثلاث ايام اربع ايام يدبر لك سكن ويعلمك وين الاماكن حتى وان خذا عموله من وراك اهم شي تتعلم منه وبعدها تعتمد على نفسك اوبر
السكن اذا كان شقه الايام هذي من 600 الى 1000 جنيه ماتزيد جنيه مع الشغالة لان الشغاله ما تنزل لك مخصوص تلقاها ماسكة ثلاث اربع شقق في نفس العمارة
بحكم انها اول مره حاول تسكن في الجيزه مثلا المهندسين او الزمالك او الدقي لكن ما انصح في المعادي اكتوبر الشيخ زايد او المناطق البعيدة كشخص يسافر اول مره لانها بعيده ومتعبه في التنقل
واكرر لازم معك سواق والا راح تتعب
الشعب طيب جدا ومرحب ولايقل ادبه على السياح او يتعرض لهم و هذي ميزة مصر

الله يسسعدك افدتني ماقصرررت ،مسافر لوحدي بصراحة من كثر ما اسمع قصص
صرت اخاف من السواقين اقول ممكن يكون متفق مع اصحاب الشقق

ما في خوف من السواقين لكن في المقابل لا تثق فيه بدون حد ولو كان شايب مصلي
انا حصل لي موقف مع سواق ابو 56 سنه يصلي كانه مطوع وفي الاخير طلع حرامي
بمجرد ما تفقد حاجه تافهه مثل قبع راس و ولاعة كرت شحن خذ بالك منه.. (انا اعرف انها ما تسوى شي عندك ولا حتى تسوى شي عنده) بس هو حاطها اشارة اختبار يجس بها ملاحظتك ما قلت شي او استعربت .. ثم يطلع على نظارة سلك شاحن اصلي ورقة فلوس من ربطة الفلوس اللي معك بمعنى معك 1500 ياخذ منها مية نفس اللي حصل معي
اما خوف جنائي لا لانه عارف انها اخر مره يشوف فيها الشمس لو اعتدى على سايح او عمل سطو مسلح عليه
السواقين مالين توتير تقدر تراسله وتشوف كم ياخذ وسعر شقته ووين مكانها

من الاشياء اللي احمدالله عليها وافتخر بنفسي فيها إن مصر والبحرين ودول شرق اسيا جميعها لم ازرها ولله الحمد

على عيني وهذا حقكك وحريتك الشي اللي يعجبك واللي ما يصلح لك هذا من حقك..
بس الاجابة خارج الموضوع
يعني لو انك زرت مصر وشرق اسيا تقدر تقول انا زرتها ولا جازت لي.. لكن تحكم على شي ما شفته مايصير ابد
اما البحرين فلا تذم ولا تمدح في السياحه.. هي بلد اليوم الواحد

ردّك مناسب
يعطيك العافيه

__________________

ولماذا

اضحك الله سنك يا فهد

عشان تكون سفرتك ناحجه لازم شروط معينه تتوفر حسب خبرتي المتواضعه

اذا رايح عمياني وساكن بفندق انت بتدفع مبلغ كبير ضيوفك مو من اهل البلد وحط
في بالك يوميتك 3000 ريال لا ويمكن تقل عليك

اذا لقيت شقه حلوه ووضعها ممتاز ممكن تكون التكاليف من 2000 لليوم واقل بالريال

اذا لقيت شقه حلوه وعتبتها حلوه والبواب مورد رئيسي والضيوف من النجمه يمرونك مسيرين هنا اقولك سفرتك جميله وغير مكلفه ان وصلت في اليوم 1000 انت مبذر

كيف تطيح على الاخيره حقيقه لا اعلم