نبي الزبده (لا للمتشائمين)

السلام عليكم

اولاً اشكركم على طرحكم .. وكلام كثير فيه شكر وكذا ...

ثانياً اللي يجي ويقول اذربيجان ماتنفع ومليت وقدمت سفرتي ترا كل واحد وجوة انا لقيت ناس طفشانين بالمغرب ولقيت ناس متبطحه بالفلبين ويقولون احسن ديره هي تعتمد على الشخص وطبيعته ونفسيته ..
واللي يقول مشاكل ومدري ايش ترا الرياض بالفيصليه لو تدخل شلحوك وانت تناظر .. (لا للمتشائمين)

ثالثاً ابي جواب شافي للاسئله الجايه اذا ماعليكم امر :

- هل فيه احد جرب فندق Iron hotel ؟
- هل فيه احد جرب شقة عن طريق شخص او Airbnb وينصح فيها ؟ اللي ابيه شقة فري مافيها مشاكل لا طيور ولا صوت


شكراً لكم يا احلى مزاعيط (ترا امزح لا احد يحسب اني معصب )

انا قبل شهر رحت الفلبين رحلتي الخامسه جلست اربع ايام وقدمت حجزي طفشت منها الصراحه با النسبه لي اذربيجان جربت شركه Airbnb استاجرت استديو وغالي بي ٢٠٠ ريال بالمنطقه القديمه جلست يوم واحد هو قال عادي الضيوف بس ماجربت عنده جربت في فندق ياخذ ٣٠ مانات بس تدخين صون ممنوع تحياتي

الصوت العالي والتدخين ممنوع الشقق كثير في البرنامج وقريت انه ابعد عن شقق شارع نظامي خلك بعيد امن

شوف في طريقه سويتها مع مالك شقه في الفلبين عن طريق البرنامج ارسلت له رقمي كاتبه وقلت له راسلني وات ساب واستاجرت الشقه بدون اابرنامج وخصم لي كثير

بصراحة اذربيجان ماقد جيتها
ولكن بالنسبه لairbnb احرص ان اللي بتستأجر منه يكون حسابه موثق واقرأ تقييم العالم اللي استأجروا عنده واتفق معه بكل صغيرة وكبيره بالرسايل داخل التطبيق عشان لو اخل بشي من المتفق عليه تحفظ حقك وبيرجع لك فلوسك حتى لو هو غير مسترجع الحجز .

وأهم شي اقرا الشروط والقوانين اللي هو حاطها لك

Iron ماجربته بس تعرف مكانه بعييييد ولا يسوى اسكن ب sapphire city او bolivard autograph او winter park

الشقق ماجربتها بس اتوقع امنه لانها معترفه بأكثر من موقع حجوزات فنادق زي booking و agoda