تجربتي في الروز قاردن ديسمبر 2019

السلام عليكم
بحط ملخص تجرتي بالروز قاردن ان شالله احد يستفيد منها
الوصول الى مطار كازا على الخطوط المغربية ( الخطوط المغربية عندها برنامج اميال ممتاز للي يوون بشكل مستمر ) .. ختمنا الجواز وخذيت تكسي 1200 درهم من مطار كازا الى الروز قاردن بس قبلها رحنا المرجان شريت اغراض ( اشتروا من المرجان كل شي تحتاجونه و اللي ممكن تحتاجونه لانه بقالة الروز صلخ بالاسعار بدون رحمة ) ..

الروز الاستقبال عال العال من عادل رحت الغرفة كانت نظيفة وممتازة ..التنظيف كل يومين او لمن تطلبه يوونك وما يدخلون الا لمن تكون موجود ان تعطي خبر عند الاستقبال انه يدخلون حتى لو مو مووجود...( الدفع كاش و اذا بالبطاقة ياخذون خمسة بالمية عمولة لكن في مكينة سحب عند باب الاستقبال )

عند المسبح في بوفيه صغير مشاوي ريش وهمبرجر شي مرتب 120 درهم

الروز في افتر بارتي من خمس ونص لي ثمان ديجي خطير وقعدة حلوة

الروز فيه كل ما تحتاج مطعم ومصبنة وصالون و بقالة بحيث انك ما تضطر اصلا تطلع من المنتجع

اذا تبي مطعم برا الروز وما يوصل في ناس يوصلون من المطعم لي الروز ب 100 درهم اتصلت عليهم مرتين ويابوا الاكل .. يمكن شوي مو حار وايد بس مطاعم اللي برا احلى من اللي بالروز شريت من مطعم ليالي كارون و مطعم ازار اكلهم خطير ولذيذ

في تكسي وسايق بالروز 650 درهم 24 ساعة بس لازم تدفع 100 درهم بنزين
باختصار اذا وحداني مالك الا الروز

مافي جديد ومفيد

__________________
الشجر يموت واقف

حمدلله على السلامه

ملاحظه بالحسبه بسيطه لو اخذت سياره بسواقها من المطار ب٥٠٠ درهم كان استفدت اكثر بدل ما تستاجرها من المنتجع لانك بالاساس دافع ١٢٠٠ من المطار للمنتجع وراح تدفع نفس السعر من المنتجع للمطار يعني كذا بتدفع ٢٤٠٠ ذهاب واياب وهذا سعر سياره بسواقها لمده خمس ايام من مطار كازا ومعك طول الوقت ويرجعك المطار بعد..
مع الاخذ بعين الاعتبار انه التاكسي الموجود بالروز يوديك جليز ويرجعك ب٣٠٠ درهم غير اذا بغيت تطلع تسهر نفس السعر يعني السياره من المطار اوفر بكل الحالات.
مراكش بدون سياره تحت يدك مصاريف وما تسوى غير اغادير اللي ما تحتاج فيها موتر

الله يسلمك

بسس السواق اللي باخذه وين بيسكن وين بيقعد

اذا في مكتب يسوي اللي تقوله تكفه عطني رقم المكتب

انت ما لك دخل بسكنه او اكله هو يتصرف انت ما عليك غير تتفق على السعر معه وانصحك تتعامل مع مكتب الشمري معلن هنا بالمنتدى وهو يضبطك بالسياره والسواق المكتب راح يعطيك سياره ب٣٠٠ درهم ويقولك انت تصرف مع السواق حسب اللي تعطيه وانت خذ رقم السواق منهم وتفاهم معه وعطه ٢٠٠ درهم باليوم صدقني اوفر لك واريح والمكاتب كلها تسوي نفس الطريقه والمنتدى فيه معلنين كثير

مشكور يالحبيب

حمد الله على سلامتك
في طاكسي من مطار كازا إلى مراكش 1000 درهم وفي سيارة مع سواق 24 ساعة على 24 ساعة 500 درهم