رحلة الشوق و الحنين لكازا العشق و الحب 2011/6/8

walhan1973 · 2011-06-26T12:07:56+00:00

[B][SIZE="5"][COLOR="Indigo"]المغرب و اااااااااااااه من عشقي لك عشر سنين كاملة فصلتني عن اخر زيارة لي للمغرب و ظنيت خلالها اني ما راح ارجع له مره ثانية ولكن رحلتي الاخيرة اثبتت لي اني كنت غلطان وان السنين اللي فارقت بها بلد السحر و الجمال كانت خسارة من عمر ما اقدر استرجعه ، جلست على البحر افكر بالسنين اللي مضت من دون ما ازور معشوقتي وكيف اني ضيعت عمري و فلوسي في دول اوروبا ، وتمنيت لو الوقت يرجع بي وانيما فارقت متي ابد. تجديد العهد بمتي كانت له قصة ، بالأول كنت ناوي على ايطاليا وفعلا رحت للسفرة الأيطالية و استخرجت التأشيرة بعد ما حجزت للفندق و التذكرة لميلانو ، ولكن قبل السفر بأسبوع وانا كنت قاعد لحالي افكر مرت بي فجاءة ذكريات ظنيت الزمن محاها ، ذكريات من عشر سنين لكازا و اغادير وليالي السهر و الفلة. الأجازةاللي كنت مقدم عليها ابتدت وايطاليا خلاص طلعت من بالي وعشش المغرب براسي بدالها ولكن الزمن لا بد وانه تغير و يا ولهان وش تسوي !!!؟؟ تروح ولا شلون !! وبين التردد والاقدام طارت 8 ايام من الأجازة وباليوم التاسع يوم 2011/6/8م قلت انا مسافر مسافر ويا مطار محمد الخامس انتظرني انا جايك وعلى طول جهزت الشنطة و طلعت للمطار وعلى اقرب مكتب سفريات بصالة الوصول وايتسمت للموظف وقلت له دخيلك تذكرة الليلة لكازا ، ورد الأبتسامة بأحلى منها و قال لي موجود مقعد على الأماراتية قلت له احجز واطبع التذكرة لا هنت ، ويا ولد و انا اسمع صوت الالة الطابعة وهي تصدر التذكرة الضحكة شقت وجهي والموظف يتبسم لي وكأنه داري بحالي و عاذرني ، سلمني التذكرة وقلت له كم تامر قال 2800 قلت له على هالخشم و اطلع المحفظة و اسلمه الفلوس ،قال لي الطيارة تقلع بعد 3 ساعات قلت خير ان شاء الله وامشي على طول لمكتب الصرف واحول فلوسي لدولارات وبسرعة البرق على مكتب الخدمات و اسلم الموظف الجواز و التذكرة واشحن الشنطة و ما صدقت سلمني البوردينق كارت ، خلصت من الجوازات وبعدها عبرت البوابة الالكترونية والا الجهاز يصيح قال لي الشرطي : عندك شي قلت له لا ، قال لي نفتشك يدوي قلت له فتش والا هو يتحسس جيبي و يقول ايش هذا قلت له فلوس قالي لي طلعهم قلت امري لله وطلعتهم له قال لي كم معك قلت له 7500 دولار و 10000 ريال قال لي ليه شايل كل هالمبلغ معك قلت له يا شيخ انا رايح للمة وابغي افلها فل والا هو يبتسم و يقول يا هني يالك يا ريتني معك الله يسعدك و سلم لي على اهل المغرب ، طلع الولد عاشق مجنون بالمغرب قلت له ما تنلام وسلمت عليه وعلى طول للسوق الحرة وتقضيت منها العطورات و القهوة الاسكتلندية الطيبة و السجاير، واشوف ساعتي الا باقي على الرحلة ساعتين تقريبا قلت اروح للمقهى اللي بالدور الثاني اتقهوى لما يجي موعد الرحلة. وللحديث بقية [/COLOR][/SIZE][/B]

الوافي

مزعوط مميز

المشاركات: 407

تاريخ التسجيل: Jun 2011

الدولة: بـــريـــدة

2011-06-29, 03:08 PM

المشاركه #11

رد: رحلة الشوق و الحنين لكازا العشق و الحب 2011/6/8

لبى قلبك يالولهان ابوك يالزعطة

تخيلت لحظة الخروج من المطار تاخذك دوخة خفيفة

مابين مصدق ومنبهر

الله يسعد ايامك ويفك زعطتك

__________________

الآدمـي تـكـشـف مع الوقــت خافيه
ويبين لك طـيـب الرجـل من خماله
لا طـالـت الـخــوه ظهــر كل ما فيه
وعـرفـت دقــه وقــتـها من جــلاله
أما طــلـع خــويـك الـلـي تــخـاويه
والا سـمـحــت وقــلـت مالي وماله

المواضيع المتشابهه للموضوع: رحلة الشوق و الحنين لكازا العشق و الحب 2011/6/8
الموضوع	آخر مشاركة
أكادير العشق ومراكش الحب	2015-06-29 03:35 AM
رحلة قصيرة لكازا	2015-02-21 03:21 PM
اول رحلة لكازا	2013-10-11 01:15 PM
تقريري الأول لزيارتي الأولى لكازا بلانكا الحب	2012-10-26 03:56 AM
املشيل,موسم الخطوبة الجماعي في أرض أسطورة العشق ايسلي وتسليت موضوع اهداء للاخ مراكش الحب	2012-04-19 06:25 AM