قسم الاسئلة و الاستفسارات عن المغرب اطرح استفسارك عن اي شئ يتعلق بالسفر للمغرب في هذا القسم .. للحصول على مزيد من المساعدة

رحلتي للمغرب مابين نوفمبر وديسمبر2019

DarkMoon · 2019-12-27T09:54:14+00:00

السلام عليكم ورحمة الله وبركاته حيالله جميع الأعضاء [emoji106][emoji106]❤️[emoji120][emoji257] حبيت اعطيكم مخلص بسيط لرحلتي الاخيره للمغرب اللي تابع سناب المنتدى وقتها يعرف كنت أغطي فيه واعذرونا ع القصور وشح المعلومات.. راح اكتب مخلص هنا حتى يستفيد منه اكثر عدد ممكن. بداية سفرتي كانت تاريخ ٢١/١١ والعودة ١٩/١٢ في البدايه تم الوصول الى مطار كازا الساعه ٨ و١٠ دقائق مساء رحلة الرياض كازا والحمدلله كان المطار فاضي وكونترات كثيره فاتحه تقريبا استغرقت إجراءات الدخول اقل من ربع ساعه تحسن ملحوظ في إجراءات الدخول يشكرون عليه الإخوة في مطار كازا .. بعدها طلعت شريحتين وحده اتصالات المغرب والثانيه قلت خلني اجرب شركة اورنج شحنت اورنج ب ١٠٠ درهم انترنت وكانت زحمه شوي ع اتصالات المغرب وقلت اعبيها اذا وصلت المدينه احسن وأفضل . بعدها توجهنا ع سير الشنطه وعلى طول طلعت شناطنا أخذناها وطلعنا للوفاء كاش تحويل المبلغ وفتح حسابات .. انا كان عندي حساب من اخر مره ما احتجت افتح حساب أودعت المبلغ فقط صديقي فتح حساب واودع كذلك المبلغ سعر الصرف على ما اذكر كان ٢.٥١ للريال بعدها جانا مندوب من صوفي كار وسلمناه الدراهم وطلعنا برى المطار لاستلام السياره .. ( نصيحه قبل لا تغادر المطار جرب تسحب اي مبلغ من صرافات الوفاء كاش .. فيه صرافه عند باب الخروج .. علشان بس تتاكد ان بطاقاتك تشتغل وماتتوهق بعدين ) بالنسبه للسياره كانت رنج روفر بيبي فيلار ٢٠١٩ اعتذر عن ذكر سعرها بناء على طلب الشركة بعدم ذكر سعرها لكن اللي اقدر اقوله اللي يبي يحصل سعر كويس يكون مفاوض لبق وذكي ويحترم الناس وراح يحصل الناس كلها تحطه فوق رأسه وياخذ سعر مزيان . طبعا بحكم اننا في غير موسم والوضع ركود ف اعتبر اخذتها بسعر ممتاز. طلعنا من المطار الساعه ٩ ونص تقريبًا بدون اي هدف وين نروح ولا اي ترتيبات مسبقة .. كانت خطتي اننا ننام الليله في كازا ومن بكره الصبح نتوجه الى اكادير .. صاحبي كان متحمس ونايم طول الرحله بالطياره وقال الوقت بدري خلينا نمشي لاكادير دابا احسن. انا كنت تعبان صراحه وضد السفر ليلًا لكن قلت خلني اكلم صاحبة شقة المارينا أتأكد اذا وصلنا اكادير هل نقدر ندخل الشقة في وقت متاخر لان وصولنا راح يكون تقريبا مابين ٢ الى ٣ الصبح الى اكادير .. ووافقت اننا ندخل الشقة وتحسب لنا يوم الخميس نص السعر .. توكلنا على الله وانطلقنا تجاه اكادير طريق مظلم وأغلبه شاحنات والطريق انهكنا صراحه. توقفنا في مدينه اسطات للعشاء في محطه أفريقيا وواصلنا حتى دخلنا اكادير الساعه ٣ توجهنا لشقق ملاك المارينا واستقبلنا السيدة الكريمة نزلنا أغراضنا وهاتك يا نومه تعب ٧ ساعات طيران +٤ ساعات طريق. بالمناسبة شقق ملاك مارينا غرفتين وصاله وحمامين مع الشغاله والطباخة بسعر١٢٠٠ في اليوم نعم الشقة صغيره وصالتها كذلك صغيره. لكن انا ارتاح بشقق ملاك المارينا اكثر من الفندق .. الصوت يكون بحدود الشقة ومايكون صوت عالي بحال الفندق .. جلسنا في اكادير ٥ ايام الأماكن اللي زرناها المطاعم -تفرنوت مقهى ومطعم جربنا عنده الفطور البلدي ممتاز جدا [emoji106] -مطعم البركة في اورير للطواجن وكان مميز ودايم ازوره -شواية النهضه بدا يعود لسابق عهده صراحه وخيار ممتاز للأكل خصوصا انه قريب . -مطعم الصياد الصغير في تاغازوت وإطلالته البحريه الساحرة -مطعم سوفيداس طريق مراكش ممتاز للمشاوي -المطعم البلدي في حي السلام مشهور بالرفيسه وأكلات مغربيه تقليديه -مطعم قلعة المؤيد صراحه مستواه في انحدار قلت خلني اجربه هالمره عساه تحسن .. لكن للاسف اثمنه غاليه جدا وجوده الأكل الله يكرم النعمه -مندي السلطان يعتبر حاليا أفضلهم بس برضو اسعاره غاليه واحيانا يسخن الرز -مطعم إسماعيل خيار لا باس فيه تحسن كثير عن قبل المقاهي مبروك جلسه المسبح (حضرنا فيه مباراه تتويج الهلال بدوري ابطال اسيا [emoji2]) سوفتيل جلسه رايقة سول هاوس في تغازوت جلسه ممتازه ومكان مرتب اغلب مرتاديه اجانب ريد مكان جديد تابع لفندق مبروك .. لكن ما عجبني جو الإزعاج اللي فيه خيمة خليج اكادير .. جلسه عاديه مقاهي المارينا اكيد فينيسيا ايس وطقتها سكاي جيته النهار حصلته مقفل اعتقد صار يفتح فقط في الليل الساعه ١٠ اماكن السهر (تايقر )سعر مرتفع ٢٥٠٠واجواء ممتازه والمكان عامر دائما مكان مرتب جلسات مريحه تعامل الإدارة ممتاز جدا ويحببونك في المكان من تعاملهم معك سوا في الحجز او في نص السهره او نهايتها .. ديجي واعر انسين زيكو (كاش )سعر ممتاز ١٥٠٠ اجواء جيده جدا .. مكان كبير جدا تحس كنك سهران بدار أوبرا وجلسه غير مريحه تكسر الظهر .. تعامل الإدارة غير جيد وشايفين أنفسهم خصوصًا الأخت مسؤلة الحجوزات تحسسك انهم هم اللي راح يدفعون لك .. ديجي واعر ايرون (مليونير )سعر ممتاز١٢٠٠ ..اجواء ضعيفه .. وسع المكان مقبول .. جلسات مريحه ...تعامل الإدارة ممتاز ... المكان فاضي .. ديجي مزعج.. إضاءات مزعجه للعين وجودة الصوت تعبانه . افتر بارتي خيمه خليج اكادير في الافتر يكون المكان عامر صراحه وتكون قعدته حلوه حاليا فتحو افتر تبع تايقر اسمه A8 لكن ما امدنا عليه هذي اغلب الأماكن اللي اذكر مريتها في اكادير وإذا فيه شي ذكرته بعدين راح اكتبه نهاية تقرير اكادير قريبا مراكش

DarkMoon

مزعوط مميز

المشاركات: 458

تاريخ التسجيل: Feb 2018

2019-12-28, 12:12 PM

المشاركه #11

اقتباس:

المشاركة الأصلية كتبت بواسطة karam211

حمد الله على السلامه انت ياواعر واعر انت يادونجي هههههههه
سفرتك احلى سفره اسماعيل خرطي والقلعه حق المويد كبسة حاشي وبس
ومطعم البركه فاورير مشهور بطواجن عساك زرت برادايس الجنه احلى وقت تغدى وتروح لها وتوصل الشلالات وترجع لتغازوت شاطي يرد الروح وتعشى سمك وترجع اغادير
اغادير مدينه صغيره وجميله تفرها فيومين واوووو اقليم شتوكا سلة المغرب تصدر منه الفواكه والخضار تجد الكاميون مكان الشاحنات التي تعبى فيه الفواكه والخضروات وتصدر لاوربا وتجد فيها مكان مخصص للكرفانات الاوربيين خطيريين خاصه الفرنسييين يجون بكرفانات الليله 50 درهم فساحه مخصصه للكرفانات وايت ملول يوجد سوق فيه معاصر الاركان بالرحا وجمعيات تعاونيه وعسل الدغموس ايش اقولك سفره سعيده وممتعه
المغرب الجميل

الله يسلمك ..

وانت الواعر ياغالي

شكرا لتوصياتك بخصوص الأماكن اقليم شتوكا يبيله زياره باذن الله

❤️

شكرا لك

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: رحلتي للمغرب مابين نوفمبر وديسمبر2019
الموضوع	آخر مشاركة
رحلتي مابين طنجه وشفشاون ومراكش وكازا	2024-02-03 11:30 PM
تقرير رحلتي مابين كازا ومراكش	2021-02-01 03:28 PM
مابين اقول الحمدلله رحت للمغرب ومابين متندم	2018-11-20 12:55 PM
استفسااار يا حلوين .. رحلتي 24 نوفمبر	2018-06-12 06:05 AM
رحلتي مابين طنجه و مراكش	2016-02-17 02:12 AM

الساعة الآن 09:14 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

رحلتي للمغرب مابين نوفمبر وديسمبر2019

روابط سريعه