حفظ البيانات؟ هل نسيت كلمة المرور؟ تسجيل عضوية جديدة

الرحلة المجنونة ( نقض العهود ) وإعادة رسم الحدود

Khaled_M · 2020-01-05T01:56:59+00:00

السلام عليكم ورحمة الله وبركاته أسعد الله جميع أوقاتكم اخواني المزاعيط تم التسجيل في المنتدى لمشاركتكم التقرير المتواضع والذي ( وبكل تأكيد ) لن يرقى لمستوى تقاريركم النارية والرائعة والمفيدة ولن يضيف لكم الجديد ولكن لمجرد مشاركتكم فقط وأعتذر مقدماً عن أي خلل أو قصور أو تأخر ( لأن التقرير متأخر أساساً 3 شهور ) بسم الله نبدأ [COLOR="Red"]الفصل الأول (بداية الحكاية) [/COLOR] كاتب مسرحية انت؟؟ البداية يا أعزائي من عام 2016 اعتزلت الساحات وأسدلت ستار السفر للمغرب وأنا بكامل قواي العقلية وبقرار جمهوري حاسم لماذا ؟ لايوجد سبب محدد ولكن من مبدأ ( الى متى؟؟ ) فقط هذا هو السبب ولذلك كانت السفرة الأخيرة في 2016 هي سفرة الوداع وكانت سفرة ختامية لمدة 28 يوم ( في الأساس 22 يوم وتم التمديد ) واتخذت القرار أنا وصديقي الصدوق ورفيق دربي وكاتم أسراري وذراعي اليمين ( أبو ليل ) ( مع العلم انه خانني وسافر عام 2017 وجاني الخبر وهو في الطيارة من صديق آخر معاه في نفس الرحلة صدفة ) وبعدها رجع لاعتزاله بالفعل مثلي صرفت النظر عن المغرب بقناعة وجاتني فرص مناسبة للسفر ورفضتها وحولت على وجهات أخرى ( لا يسع المجال لذكرها ) لا أقول انها أجمل من المغرب لا والله .... لكن خلاص المهم حتى لا نطيل عليكم وقفت عند أحد المكاتب السياحية مصادفة وقريت اعلان تذكرة ( جدة - كازا - جدة ) بسعر 1799ريال وقعدت أناظر اللوحة يمكن 5 دقايق ما أدري وش جاني ويشهد الله ان عيني طاحت عليها صدفة ومافيه نية سفر نهائياً لا للمغرب ولا لغيرها أخذت غرضي من المحل المجاور ومشيت ومارست جدول أعمالي بالوضع الطبيعي ورجعت البيت ويوم حان وقت النوم ( جتني الهواجيس والتفاكير ) بالمصادفة كان اليوم الثاني مناسبة وعشاء عند صديقي الصدوق ( أبو ليل ) بعدما تعشينا عنده أخذته على جنب ودار الحوار التالي: أنا: اليوم وقفت عند المحل الفلاني ولقيت اعلان للمغرب وعلمته بالسعر ابو ليل: طيب وش تبغاني أسوي لك؟؟ أنا: لا تسوي شي بس حبيت أعلمك أبو ليل: السعر هذا ماكنا نفوته ويضحك عرفت انه ماله نية ولا ودي أضغط عليه وطفي حماسي شوي لأنه لو قال مشينا وافقت سريت ذاك اليوم ومانمت جتني مشاعر غريبة والقلب يخفق بشكل غريب وأقلب الفكرة وولعت اللمبة فوق راسي وقررت أتراجع عن قراري الحاسم اللي حميته أكثر من ثلاث سنين وأرفع السماعة على أبو ليل أنا: سلام يابرنس تخاويني المغرب ابو ليل: من جدك انت؟؟ أنا: ايه والله من جدي وتراني رايح الصباح أحجز وأرتب أموري أبو ليل: من جدك يابو خلود؟؟ أنا: اي والله أبو ليل: وين اللي يقول ويقول أنا: تخاويني والا لا؟؟ ابو ليل: والله فاجأتني ياخالد ما أدري اش أقوللك .. ليش ماكلمتني في العشاء ؟ انا: فكر الين بكرة الصباح ورد لي خبر ابو ليل: خير ان شاء الله طبعاً انا عارف انه تفاجأ وماتوقعها أبد لكن كان عندي خيارين أسافر مع أبو ليل أو أسافر لحالي فقط على وقت الظهرية ما اتصل علي ابو ليل عرفت انه ما بيخاويني وعزمت أسافر لحالي وتوجهت للمكتب ويوم جلست عند الموظف قال لو جيت قبل يومين كان لحقت على العرض قلت ليش؟؟ قال انتهى والله والسعر الان 2700 ويوم طلعت أقرأ الاعلان مرة ثانية بالفعل تاريخ انتهاءه مكتوب بخط صغييير وطلع منتهي من يومين لكن الريوس قد انفصل ولو قال التذكرة 5000 باقول تم وأتوقع الشعور هذا موجود عند غيري حجزت التذاكر على يوم 26 سبتمبر ( بعد اسبوع من الان ) اتصل بي ابو ليل وقال وش سويت ؟ علمته اني حجزت والعرض منتهي قعد يضحك وقال الله يستر عليك جاء اليوم الموعود [COLOR="Red"]( الفصل الثاني - تجهيزات المغادرة )[/COLOR] جهزت أغراضي وهي عبارة عن حقيبتين ( واحدة يدوية والأخرى شحن ) واتجهت على مدينة جدة في وقت مبكر ودخلت المطار وضبطت الأمور والقلب يرفرف ومعي مبلغ طيب ( درهم كاش ) والباقي في البطاقات ووقفت عند محل الصرافة والعالم واقفين صف للصرف وانا تجاوزتهم وقاعد أقرأ أسعار الصرف في الشاشة فقط للمقارنة ويطمر علي أحد الأشخاص المنتظرين وده يصرف (ركزوا معاي في هذا سالفة هذا الشخص) هذا الشخص لابس قميص أحمر مربعات ( أو كاروهات ) وبنطلون بيج مقاس L مع العلم انه يكفيه مقاس M كأعلى تقدير وقال بأسلوب مستفز : يا أخ احنا واقفين ننتظر هنا وانت متعدينا ما انت شايف أحد ؟؟؟؟ قلت: ياحبيبي أنا أشوف الاسعار بس الله يحفظك ماني حولك شعر الشاب اللطيف بالحرج قليلاً قال بصوت عالي وبأسلوب همجي ومتخلف: الدرهم المغربي بكم بالله ؟؟؟ قلت شوف الشاشة قدامك ماعندي علم ومشيت فتحت البوابة صعدت الطائرة في وقت متأخر شوي بعد الزحام وجلست في مقعدي المحدد وإذا بالشاب اللطيف أبو مربعات حمراء قاعد في الصف الأول أمامي يسار وأنا في الصف الثاني يمين أقلعت الطايرة وفيه إحدى المضيفات من الجنسية المغربية (حسب ما عرفت لاحقاً) وكان واضح عليها تعب شديد وإعياء وتتظاهر بالابتسامة للقيام بعملها قام الشاب اللطيف أبو مربعات وسألها ( والله ان صوته عالي وسمعته وانا بعيد شوي عنه ) وين الحمام ؟؟؟ أكرمكم الله ودلته المضيفة المغربية بابتسامة لطيفة ( وكما أسلفت - واضح عليها الاعياء ) شوي قام الشاب المليح أبو عيون دراميح ويمسكها سوالف مع المضيفة وهي ماهي طايقة نفسها والله اني حزنت عليها.. والمصيبة انه يحاول يسولف بالمغربي وصوت عاااالي بعدها بشوي مرت بجانبي المضيفة المسكينة وقلت لها ( الله يعينك ) وهي فهمت قصدي وقالت عملنا ومتعودين بعدها انتقلت المضيفة انتقال استراتيجي من الممر الأيسر عند حبيبنا ابو مربعات الى الجهة اليمنى قريبة مني وتبادلت المواقع مع المضيفة الأخرى وهنا استلمتها أنا وقلت لها سلامات لاباس عليكي. واضح عليكي التعب قالت: أصلاً المفروض ما أطلع هادي الرحلة بس الظروف قلت الله يعينك شوي قالت تدري اني مسوية 12 عملية في بطني خلال 9 شهور؟؟ والحين يبدو اني حامل وممنوع اصلاً أطلع وماعرفت الا البارح وهذا الحمل الأول بعد سنوات. باركت لها ( والله انها دمعت عيونها المسكينة ) وصلنا كازا بالسلامة [COLOR="Red"](فاصل اعلاني)[/COLOR] طبعاً قبل السفرأخبرت أحد الأصدقاء المغاربة الأعزاء ( يوسف ) من أبناء كازا الأصيلين واللي أعرفه من السعودية قرابة 13 سنة وبدون مبالغة أستامنه على روحي قلت له اني جاي المغرب وفرح كثير ووده يقدم لي أي خدمة .. مع العلم اني ما احتاج شي الحمد لله قد سافرت لحالي أكثر من مرة والأمور في السمبتيك (يعني تمام) لكن الرجل عزيز علي وودي أترك له مجال يخدمني لأني عارف مودته الصادقة فأخبرته ان ودي يخاويني للشمال انا واياه سياحة لمدة 5-7 أيام أصر يوسف انه يستاجر لنا موتر وأنا ماودي لكن ألح علي فوافقت فرحب كثير وزبط أموره عشان يخاويني في هذي النزهة الشمالية ( لأن باقي المدة بتكون سياحتي الثانية والخاصة ) وشددت عليه في موضوع السيارة انها تكون حديثة حديثة ومرتفعة ان أمكن لأني ناويها نية قشراء [COLOR="Red"]صبحكم الله بالخير... وللحديث بقية[/COLOR]

DarkMoon

مزعوط مميز

المشاركات: 458

تاريخ التسجيل: Feb 2018

2020-01-05, 06:48 PM

المشاركه #8

مشاء الله سرد جميل ومشوق وبدايه جباره..

بنتظارك ولا تطول علينا ❤️

الرحلة المجنونة ( نقض العهود ) وإعادة رسم الحدود

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: الرحلة المجنونة ( نقض العهود ) وإعادة رسم الحدود
الموضوع	آخر مشاركة
وهل نحن سبب إغلاق الحدود ودمار السياحة	2022-07-17 05:27 PM
تأجيل افتتاح الحدود الجوية في المغرب إلى 10 يوليو 2020	2020-06-24 12:15 AM
فتح الحدود الجوية للرحلات الداخلية والخارجية بالمملكة المغربية	2020-06-19 08:12 PM
كلينتون تعبر عن أملها في فتح الحدود بين المغرب والجزائر	2012-02-27 08:08 PM

الساعة الآن 04:31 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

الرحلة المجنونة ( نقض العهود ) وإعادة رسم الحدود

روابط سريعه