ياحظ وينــك ....

الـزمن لاصـار ضدك واحتوى درب المصايب
لاتــحـاول تـنـكـسرله لاتــزيـد الـطـيـن طـيـنه

لـلزمن حـكمه غـريبه تـحكم بـدرب الصعايب
ويا كثر من ضيع الفرصه وهي فرصه ثمينه

عـز نـفسك فـي زمـانك لا تـقول الـحظ خـايب
وسـق عمرك للمعالى واكسر النفس الحزينه



والـطريق الـلى تـشوفه يـرسم الـدنيا عجايب
مــد يــدك فــي طـريـقه لـيـن مـاتمسك يـمينه

والـرفيق ان طـال وقـته لا تـحاتى وكل غايب
حـجـتـه دابـــم مـعـاه ولا تـقـول فــلان ويـنـه

ولا تـكابر بـالمصيبه لا حـكو باغلى الحبايب
قــول غـالـى وكــل غـالى تـكرم لـعينه مـدينه

والـبـلا واكـبـر مـصـيبه لا تـناسوك الـقرايب
وتـصبح الـدنيا ظـلام وتـصبح الـلحظه لعينه

وقـتـهـا لاعـــاد يـنـفـع لا عـتـاب ولا طـلايـب
والـزمن والـحظ الاقـشر ألـعنه وألـعن سنينه

خذ ردها
:

ياحـظ وش علمـك مــن سنـيـن غـافـييـــا مـــا نخـيـتـك بـــس مـابــك حـمـيـا
يـاحـظ قـلـي وش سـبـب هــا التجـافـيلو كان غيري كان واصل (ن) الثريا
تــري الـبـلا مـاهـو بـشـعـري وقـافــيمـيــر الـبــلا لـــو تـلـفـت لـــي شــويــا
يـا حــظ وش علـمـك تـعـدي السنـافـيو تـقـلــط لــلــي يـمــهــا مـــــا تـهــيــا

الشاعر / عبدالكريم الجباري

إن جاد حظك باع لك واشترى لك ... فوايده من كل الآفاق تاتيك

وان بار حظك عزي لحالي وحالك ... وبأردى الأثمان يبيعك ويشريك

وان جاد حظك بالمجالس حكا لك ... وصدّق مقالك كل من هو يحاكيك

وان بار حظك كلٍّ يكذب مقالك ... وتصير كذبات الملا كلّها فيك

وان جاد حظك بالمنازل بنا لك ... قصر رفيع شامخ الطول يذريك

وان بار حظك خلاك تنقل عيالك ... من دار الى دار والآخر يجلّيك

وان جاد حظك كل شي صفا لك ... وقرايب الخلان كلن يصافيك

وان بارحظك ضلّيت ما أخذ بحالك ... ولا بفنجال من البن يسقيك

وان جاد حظك قام واطلق عقالك ... ومشى معك في كل دار يباريك

وان بار حظك قيّد وثنّى عقالك ... وعن كل درب يردك ويثنيك

وان جاد حظك كل شي زهى لك ... وتوّجك بتاج العز من غير تشكيك

وان بار حظك شيّن حلايا خيالك ... الى اقبلت من كل عين تراعيك

وان جاد حظك كل شي سنا لك ... يوضي كما القنديل نوره يقدّيك

وان بار حظك خلاك تتبع ظلالك ... مالك دليل تايه الراي يعميك