بسافر للمغرب اول مره

السلام عليكم
مساكم الله بالخير

أنا نويت اطلع للمغرب ان شاء الله بشهر مارس القادم سبق وسافرت لكذا دوله لكن المغرب ماسبق وزرتها
وللاسف كلمت بعض الاصدقاء لكن ظروفهم ماتسمح يسافرون هالفتره ونويت اسافر لحالي لكن ابي مشورتكم ومساعدتكم
مدة السفره 10 ليالي
الميزانيه 30 الف بدون التذاكر والفندق

لكن ابي شوركم وش افضل مكان لسياحه الوحدانيه كازا او مراكش او اكادير واذا في خيارات وفنادق تنصحوني به او أي توجهيات
اكون شاكر لكم

لا تعلم احد بميزانيتك لانك راح تكون فريسه طيبه بنظر السماسره
10 ايام تكفيك 15 الف بدون تذاكر لسياحه طبيعيه فيها كل مالذ وطاب
التنقيط والرش والكلام الفاضي خارج الحسبه
اتفق اغلب عشاق المغرب ان اكادير الافضل للوحداني
مراكش حلوه لعشاق السهر والاشخاص الليليين وفي النهار مافيها فعاليات ممتازه
انا لو مكانك
استأجر سياره من المطار
والمعلنين كثير في المنتدى
واحجز يوم في فندق التوين تاور في كازا تريح وتدلع نفسك وبامكانك اخذ جوله في عين دياب ومروكو مول
وبعدها على اكادير وابحث في المنتدى تحصل كل الخيارات في اكتدير من ناحية سكن وسهر ومقاهي وافتر بارتي

ماقصرت يالغالي .. لا مالي بالتنقيط والرش ومو كثير سهر لذلك فضلت اني اروح اكادير مو مراكش

لكن كنت بحجز ف فندق رويال اطلس لكن ماعرف هل الاجرائات فيه ممتازه والفندق مناسب او لا

اذا مالك في السهر ابعد عن مراكش وآكادير، خلك كازا والرباط وطنجة واستمتع بطبيعة الشمال.

بما انها اول سفرة لك انصحك في اغادير لست هنا كي أسوق لاغادير فالاعضاء ما قصروا احطوها حقها واكثر وتعتبر وجهه سياحية فالمغرب الكل يزورها من المغرب ومن خارجه حتى الاوروبيين يزورونها . كل شي متوفر فيها البحر الجو الحلو المطاعم الكافيهات أماكن السهر . مدينة ملمومه كل شي قريب منك .
بالنسبة للسكن ارشحلك فندق خليج اغادير
- انا مع شقر دادي في عدم الاخبار بميزانيتك وايضا لاتخبر احد انها الزيارة الأولى لك ولا تخبر بجميع تفاصيلك .
- قبل ان تسافر دع قلبك فالمطار .
- أي استفسار احنا فالخدمة .

اتمنى لك سفرة موفقة

الله يوفقك يالغالي ماقصرت بتوجيهاتك ومساعدتك لكن للاسف سويت الحجز في رويال اطلس عن طريق مكتب المؤيد ف مادري هل مكان الاقامه غير مناسب ؟؟

بما انك سويت حجز في رويال اطلس مايمنع تستفسر منهم
عن دخول الضيوف اذا انخصم مبلغ الحجز انصحك تسرفسهم
وتحاول تضبط الوضع مع ابتسامة وضحكة لانه ماتدري كل شوي
لهم نظام ع حسب كلام الاعضاء .

رويال اطلس قبل سنة بضبط مريت عليهم مايسمحوا بدخول الضيوف فياليت تتأكد ممكن غيروا وسمحوا بدخول الضيوف.

__________________
G I N
! ! . . . ♥ . . . ! !

حلو الله يوفقك.. ١٥ الف تكفيك بالراحه اذا منت راعي سهر ورش وحركات... خليج اغادير حلو.. اذا ماعجبكم رويال اطلس تقد تغير.. وعطنا تقرير هنا بعد ماترجع.. أكادير صغيره وملمومه وجوها حلو وتعجبك.. وحاول تغير الخيارات عندك كثير لا ترتبط بأحد هناك وتقضي اجازتك على وجبه وحده.. التغيير مطلوب.. وبالتوفيق

اجمعين يالغالي ... لا مالي بالرش والسهر لان افضل السهر بالسكن .. وبالنهار زيارة مطاعم وكافيهات