قصيدة (درع الجزيرة)

يا قلب لا تنقل من الخوف مثقال
وعن السهر يا عين نامي قريرة

خليجنا من دونه دروع وأبطال
ماهوب عرضة لليدين القصيرة

خليجنا نفداه بالروح والمال
حكامه سلاحه وحنا الذخيرة

خليجنا واحد على مر الأجيال
حنا له بفي الزمان وهجيره

يعقد علينا شعبه الوافي آمال
كبار والامال فينا كبيرة

أفعالنا الأمجاد وأقوالنا أفعال
والرجل منا عن جموعٍ غفيرة

ما ينكسر في ضفنا عظمٍ جلال
وإذا انكسر حنا لكسره جبيرة

وقت الرخا غيمة وفي الشدة جبال
والمستجير إذا نصانا نجيره


واذا دعانا داعي الحق شلال
ناصله قبل يعود صوبه نذيره

وإذا الدول بالجيش تفخر وتختال
يكفي الخليجي فخر " درع الجزيرة "

(الشاعر نايف معلا)