السلام عليكم ..
طبعا هذا اول موضوع اكتبه انا في المنتدى تقريبا سنتين لكن استفدت كثير منكم في رحلاتي للمغرب خاصة مراكش حاليا انا متواجد في مراكش لي ٤ ايام و مستمرة الرحلة الى يوم ٢٨/٢ باذن الله ..
حبيت اتكلم عن موضوع السكن اول رحلة لي لمراكش حجزت في منوار النخيل و كنت حاجز فيلا غرفتين و صالة و عربنت ليلة كالعادة و بعد ما وصلت اكتشفت انهم حاجزين لي خيمة كاننا بمخيم بالثمامة لا واذا كحيت سمعك الي برا وحاولو يقنعوني ان هذا حجزي الزبدة مابي اطول بالسالفة انتهت بانهم عطوني فيلا في النخيل انا و صاحبي ٥ غرف وكان الأمان و الخدمة ممتازة جدا صراحة في بوابة ٤ او ٣ حسب ما اتذكر و بعدين غيرت الى منتجع العليا كان توه فاتح والتشطيب لك عليه شوي الليلة ب ٣٥٠٠ غالي جدا و بعيد عن وسط المدينة و الدرك بالخط يغثونك لكن السكن كان امان و هم مسؤولين عن الضيوف و يدخلوهم الى باب الفيلا و بدون إكراميات ما ادري وش وضعهم حاليا لكن كان السكن متعب جدا في رحلتي الاولى ..
حاليا تواصلت من شهر مع ابو منيرة و عطاني رقم احد معاه عشان اعمل حجز و قلت لهم محتاج غرفتين و صالة و امان و مكان نظيف .. عربنت ل يوم واحد و وصلت لقيته في النخيل بوابة ١٠ شفة و تعاملت مع وكالة البهجة طبعا الشقة نظيفة و جيدة لكن واجهتنا مشكلة مع الضيوف اول يوم وصلت سمعت مشكلة مع احد الملاك المغربين و مستأجرين خليجين انتهت بمضاربة و طردو الخليجين و يوم جيت ثاني يوم حسب كلامهم معاي ضروري انت تطلع تستقبل ضيفك لقيت واحد واقف ينصحنا و مايبي يدخلنا يقولً ازعاج و في ملاك !! وبالقوة بعد ما دفعت حول ٣٠٠ درهم دخلت الزبدة الوضع مستفز جدا و طالع بكره لاغادير كم يوم و يرجع لمراكش ومحتار وين اسكن الروز او منوار او اي مكان ثاني غير النخيل الي فعلا مستفزين بالتعامل و أتمنى من اي احد منكم مشكورين ينصحني بمكان او منتجع ممتاز ممكن ارجع اكمل فيه الايام الاخيرة في مراكش اسف على الاطالة بس اضطريت اكتب عشان الكل يستفيد من الي صار معاي ادري مو مرتب الكلام بس حبيت اوضح الي صار معاي اخر سنتين بشكل مختصر