اقتباس:
المشاركة الأصلية كتبت بواسطة aminkhalid
سلام جاكم
بالنسبه للايجار في نظام الرهن ودا ممكن يخلي الايجار الشهري رخيص يعني ترهن 30/40/50 الف درهم مغربي او اكتر
بكون ايجارك الشهري ممكن 1000 وممكن 500 وممكن 1200 حسب المفاوضات
وفي امكانيه ترهن 100 الف درهم اقل او اكتر شويه وتسكن بدون تدفع ايجار شهري
نهائي
وفي كل الحالتين بعد تنتهي فترتك وداير تغادر الشقه تاخذ فلوس الرهن حقتك راجعه
بالنسبه للفرش طبعا حسب الزول ومزاجه ممكن داير شي فخم جدا ومثلا شاشه تلفزيون 75 بوصه توصل معاك 20 الف درهم مثلا او اقل شويه
ثلاجه كبيره وماركه ممكن 10 الف درهم
دي كدا براها 30 الف
غير باقي الاثاث والمطبخ
وممكن فعلا بي 30 الف تفرش الشقه وتفضل كمان
دي كل زول يقدره حسب هو داير شنو
انا باكد علي كلام الاخ القال ليك لو في طريقه افضل تشتري شقه طالما ناوي تستقر
وبرضو مشروع صغير تستانس بيهو
ماشي وين ماشي الشغل
جاي من وين جاي من الشغل
ههههه برنامج
المنصرف الشهري برضو انت بتحدد ممكن 10 الف دي اسبوع ما تكفيك وممكن تكفيك ثلاثه شهور
حسب منصرفك
عموما افضل شي بعد كورونا تنزل طنجه وتاخد فيها شهر وحاول عيش نفس المعيشه الناوي تعيشه يعني لو سهر ساهر
لو سهره بس نهايه الاسبوع
حسب برنامج
واستكشف الشقق بي نفسك والاسعار والمحلات وكل شي
ح تقدر تحدد للمستقبل خطتك كيف
عموما طنجه اختيار موفق وجميل
ربنا يسهل امرك
ياعيني ياعيني هذا اذا قالوا لك الكبير وصل
قبل اسبوع قالي واحد هذه الطريقه بس مادخلت مخي والرجال شوي المصداقيه ضايعه عنده ههه
كويس اول مره الرجال يصدق
هو قالي لاتسكن بالمدن اسكن على اطارفها وقالي منطقه نسيتها بين القنيطره والرباط خويه يدفع مبلغ كبير ولاجات السنه طلع ومادفع شيء
مشكورر ولاتفيك اخوي