اقتباس:
المشاركة الأصلية كتبت بواسطة ابو الفراسة
اول شي السلام عليكم ورحمة الله وبركاته وصبحهم بالخير وكل سنة وانتو بالف صحة وسلامة على جميع الاعضاء والله يبعد عنا وعنكم هاذا الوباء وعن جميع ديار المسلمين
لأني محتار الصراحة وبدخل معكم في صلب الموضوع لو خيروك بين طنجة والا اكادير لإستئجار سكن سنوي وشراء سكن مستقبلا فيها او في اريافها لواحد دائم التردد على المغرب وش تختار طبعا كلامي موجه للي خبرة او ممن سبق له الاستئجار او الشراء في هالمدينتين بالذات لأني بصراحة اريد مدينة متكاملة من جميع النواحي وتكون نقطة ارتكاز وما يمنع اني ازور المدن الاخرى خلال اقامتي في المغرب مع العلم اني زرت اغلبهم ولاكن خبرتي في اكادير اكثر واميل لها اكثر لاكن طنجة تتفوق من ناحية امور اكثر وبقارن لكم بين هالمدينتين بالذات وباختصار وبتكلم عن المدن الاخرى ليش شلتها من المقارنة .
ايجابيات طنجة من وجهة نظري :
1/ تتفوق من ناحية مراكز التسوق والمولات .
2/ تتفوق من فخامة المباني والعمران والبنية التحتية .
3/ خيارات السكن كثيرة وفخمة .
4/ المطاعم افضل وهناك خيارات عدة .
5/ الاماكن التي حولها فيها طبيعة وقريبة .
6/ شواطيها حلوة ومرتبة .
سلبيات طنجة من وجهة نظري :
1/ احس فيها بغربة مدري ليش .
2/ ناسها طيبين وراقين في التعامل لاكن احس بشكل عام اهل الشمال غير اجتماعيين .
ايجابيات اكادير من وجهة نظري :
1/ جوها على مدار العام افضل مع انه بعض المرات فيها عجاج .
2/ السهر فيها افضل مع انه ما يهمني موضوع السهر كثير .
3/ ناس اكادير يغلب عليهم البساطة وتعاملهم طيب لاكني احمق على الشلوح بالصح واموت فيهم .
سلبيات اكادير من وجهة نظري :
1/ ما فيها اماكن ترفيه وتلفها كاملة في كم يوم .
2/ اذا ابطيت فيها تمل لأن الخيارات محدودة .
3/ اغلب المدن اللي حولها صغيرة وما فيها شي .
طبعا هاذي بعض من الايجابيات والسلبيات وفيه نقاط كثيرة ما ذكرتها وهاذا بالمختصر .
نجي للمدن الاخرى مثلا كازا حلوة وفيها خيارات كثيرة وكلش فيها لاكن غير مريحة وزحمة وقلق وتعامل شوي لك عليه ومراكش برضة قلق وحر في الصيف ولا فيها مولات ولا بحر والخيارات محدودة وشعبية مرة والتعامل برضه لك عليه واحسن ما في مراكش السهرات بصراحة والا غيره ما فيها شي والرباط فكوك ولا فيها شي ذاك الزود واشوف ان القنيطرة افضل منها في جميع النواحي وفاس اجمل ما فيها الطبيعة والمناطق اللي حولها لاكنها تعتبر شعبية واغلب المدن الاخرى صغيرة ولا فيها كل شي مثل المحمدية والجديدة ووجدة والصويرة ومكناس وغيرها من المدن الصغيرة الاخرى واغلب المدن الساحلية الاخرى صغيرة كم يوم وتمل منها .
وبعطيكم من الاخر انا الصراحة اميل لاكادير مع ان طنجة في اغلب الخيارات افضل لاكن لسببين السبب الاول اني ارتاح فيها نفسيا والثاني انا اغلب سكانها شلوح واغلب المدن والقرى اللي حولها شلوح وانا الصراحة ارتاح لهم واحمق عليهم بالزاف خاصة شلوح سوس ولهم مني كل التحية والتقدير ولاهل المغرب كاملين عشان محد يزعل علي .
وعندي سؤال محدد للناس اللي خبرة ماهم افضل ناس تعاملت معهم وعاشرتهم في المغرب في اي مدينة وما رأيك في شلوح سوس على وجه الخصوص بعيدا عن الذين يعملون في المجال السياحي ولا يهونون باقي اخواننا في بلد المغرب الحبيب وكل بلد فيه الصالح والطالح لاكن ابي بشكل عام من تجارب الاعضاء .
في المغرب, العيش في المدن الساحلية افضل في اعتقادي. المدن الي يزورها خليجين اكثر راح ترتاح في التعامل فيها او ما ترتاح حسب الغرض من زيارتك لانة تعودوا في التعامل مع خليجيين.
اكادير اول مرة زرتها ظننتها الافضل على مستوى المغرب ....انا راعي بحر...واحب المشي في البحر....اعجبني ايضا بحر الجديدة....مارتيل في الشمال غطت عن سلبية كورنيش طنجة وفي اعتقادي قد تجد فيها ما يغنيك عن اكادير اذا نويت تعيش في الشمال......نعم الشمال خياراتة اكثر والمدن اكثر واذا طفشت من وحدة روح الثانية....استشرت خبير عقار سعودي في المغرب فنصحني بطنجة او تطوان.....في الاخير طاوع قلبك الديرة الي ترتاح فيها اكثر خلك فيها...