العنا ماهو غيابي لو يطول
العنا لاجيت ما ألقى وصال
والغلا ماهو مزاميز وطبول
الغلا لاقمت تندهلي : تعال
تجتمع في وصفك السامي عقول
واختلاف الناس في زينك محال
خيل ماترقى مضاميرك خيول
شمس ماتلقى بخدّينك زوال
لو يميل الوقت مالي به ميول
عن جنوب الناس قدرك بي شمال
من صبَرْ أدري على صبره ينول
بس انا مالي على فرقاك بال
الجفا كافر واحاسيسي بتول
والدفا سافر ورا عين الخيال
وان سألني الحال عنّك وش بقول
الصدر ضايق وعيني بالف حال
قم تعال وشوف لي منّك حلول
أو تكرم بس جاوب هالسؤال :
وش يعوض خافقٍ ماله ميول
غير شوفة عاشقٍ صعب المنال ؟
2011-06-29, 01:48 PM
المواضيع المتشابهه للموضوع: صعب المنال
العرض الشجري
الدرهم المغربي مقابل عملات الخليج