اغاني

ياقديم الغوص في بحر الهوى
وش لقيت بغبّة البحر الغزير
علّم اللي جس شطـه واهـتوى
مابعد جرّب طويله والقصير
قالوا انه من جميع امرٍ حـوى
فيه سر وفيه شر وفيه خير
واسمع انه من ركب موجـه دوى
من فعل موجه غريقه يستجير
واسمع انه من لمس شطّه غوى
مايفرق بين بحره والغدير
واسمع انه من على تركه نوى
يجذبه سحره ويرجع له كسيـر
لو تجرح فيه قلبه واكتـوى
مايتوب ولا يريح ويستخير
وش جمع حلوه على مره سوا
هي حلاة الحب في الكأس المرير
رغّبوني لين قلـبي له هوى
وانذروني لين صدّقت النذير
خوفوني منه والقلب التوى
راغبٍ ومعيف والخايف يحير
هـو صحيح ان الهوى ماله دوا
خبر اللي جاك عاني يستشير

نعم صحيح

__________________
كنبغيك وصافي