موعد الرحلات الدوليه للمغرب

اصلا واضح من كلام ميركل ثم تأكيد منظمة الصحة العالمية

انا كنت بكازا بفبراير الماضي واتذكر كنت اشوف اخبار الصين وبعض الدول وكنت اقول لنفسي وانا بالمطار شكله ما فيه كازا سنة قدام وللأمانة قلتها وانا ما اعنيها لاني كنت وقتها حاجز بمايو وناوي اصوم رمضان بكازا

والحين اقول شكله ما فيه كازا سنة قدام
بأحسن الأحوال منتصف 2021 هذا اذا تبي تتفاءل
اما تبي تصير واقعي يالله 2022

شيء لا على البال والخاطر
وصراحة امر صعب خاصة للي يسافر المغرب كل فترة لانها المتنفس الوحيد لنا والله
لكن الحمدلله على نعمة الإيمان بالقضاء والقدر

مرتاح احبك

يا هلا مرتاح أحبك ولا علّمت ...
وصلت لتصاريح ميركل،، هههه الحاله صعبة والوسواس لعب فينا.
مثلك كنت بالمغرب اول جانوري كازا و الرباط وطنجة لمده ثلاث اسابيع وكملت طلعت منها الا هولندا اسبوعين. وانا اسمع بهالمرض والأخبار تصيح هههه واشوف صينين بكل مكان والله اني ابعد مترين منهم واقول في نفسي هذو ليه مايمنعونهم من السفر وينثبرون بديارهم أحسن.
وشتقول بواحد صار له أكثر من 24 سنة وهو يسافر كل شهرين ثلاثه، والمغرب قد شعر الراس ..
لا تسمع حتى من منظمة المرض العالمية. خذها منّي هم ساس البلاء.

مدري صواب او خطأ ما قلت ...... انك حبيبي وانا خلّك

هلا وغلا بالرفيق
والله وش نسوي ما عاد فيه احد نثق فيه مثل ميركل شخصية مسؤولة وواقعية
اما منظمة الصحة اكتشفت انهم يعطونك اياه كاش التفكير الرغبوي والتفاءلي عندهم صفر
غسلهم ترامب ولا همهم
بس صراحة الصينيين نكبونا قفلوا ديرة الوباء على ديرتهم وفتحوها للعالم
لو مقفلين بلدهم كاملة بالقفل كان ما صار اللي صار لكن لله الامر من قبل وبعد

والله اني مثلك ان تمّت 4 شهور ما رحت المغرب ابدأ اتحقرص
والمشكلة ما اعرف اروح اسبوع والا اسبوعين اول اسبوعين هذي احمّي
بالمغرب ما اعرف الا طاري الشهور شهر والا شهرين
الصيف الماضي جلست فيها شهرين وشوي من عيد رمضان للعيد الكبير على قولتهم كازا وانت رايح شمال عسّيته عس
وكنت هالسنة ناوي اصوم رمضان واعيّد فيها العيدين لكن امر الله سابق

الله اعلم يوم كنت تروح المغرب انا اختبر بالمتوسطة هههههه
الله يعطيك طولة العمر يا صاح
بالصحة والهنا ورضا الرحمن


أخشى عليك الهوى لو طحت ..… وما تلّني يمك يتلك
مرتاح احبك