فتح السفر الدولي

مساء الخير جميعاً

صراحة تصريح الجوازات أمس بخصوص البطاقة وجواز السفر والسفر لدول الخليج دغدغ مشاعرنا.

هي جت على أبوسمير، شوفوا تويتر كلاً يحط من راسه تاريخ (وبعضهم فعلاً قد يكون مثل أبو سمير عنده مصادر) لكن الدولة اذا ما صرحت تبقى جميع التواريخ أمنيات.

وعلى طاري كل واحد يحط تاريخ من راسه، أقسم بالله العظيم يوم حجر الأحياء في الرياض (الله لا يعيدها من أيام) ومن زود الطفش قمت أحسب حسبة خنفشارية متى راح يفتحوا السفر الدولي وطلعي معي تاريخ 16 أغسطس 2020، ولا متذكر كيف طلعت معي,

يا جماعة الربع ترى النفسية رايحة فيها والأخلاق بدت تشين، لكن عشان أهونها على نفسي وعشان تهونها على أنفسكم، تذكروا أننا نعاني الان من الطفش فقط، وأننا جالسين في ديرتنا سالمين غانمين (الله لا يغيير علينا)، البلى من جد الي تقطعت به السبل وهو من يعمل أو يستثمر أو يدرس أو يتعالج أو أو أو، اٌقصد ظرفه مرتبط بسفر من أو الى السعودية، الحمدلله على الصحة والعافية الله يديمها علينا وعلى المسلمين أجمعين.


وتذكروا ما بين طرفة عين وانتباهتها يغير الله من حال الى حال.