البنوك السعوديه

كوفيد20 · 2020-08-30T03:17:14+00:00

السلام عليكم ورحمة الله وبركاته الموضوع يا غالين للفايده عن ربط حساباتك البنكيه في بعض للراحه الماديه والنفسيه عشان تقدر تسهل عليك امور كثيره من ناحية الحوالات اللي تجيك من السعوديه وانت خارج السعوديه او من الحوالات من حساباتك وانت بالخارج تفادياً لبعض الرسوم مثل سعر الصرف القليل او عمولة تحويل عمله او عمولة سحب والخ.. اللي انا مسويه إن عندي (6) حسابات بنكيه سعوديه مختلفه وكل بنك له تطبيق عندي شغال وكل حساب ضايف حساباتي الخمسه فيه كا مستفيد بنك محلي مثلاً : البنك الاهلي مضاف فيه كا مستفيد حسابي بالراجحي والعربي والاستثمار والبلاد والبنك الاول وبنك الراجحي مضافه حساباتي كا مستفيد بنك محلي البنك الاهلي والعربي والاستثمار والبلاد والبنك الاول وهكذا على نفس سحاباتي الثانيه والطريقه جدا سهله وانت قاعد بالبيت افتح تطبيقات البنوك اللي لك فيها حسابات وابدأ اربطها في بعض مثل اضافة مستفيد من نفس البنك بس بتكون اضافه من بنك محلي ملاحظه الحواله من بنك لبنك ماتوصل الا وقت دوام البنوك من 9 صباحاً الى 4 عصرا يعني مثلاً انت حولت بعد الساعه 4 العصر بتجيك الصبح ولو حولت وقت الدوام تجيبك بنفس الوقت او بالكثير نص ساعه بقولكم ليه انا سويتها او ايش الفايده منها : اولا عندي حساب ويسترون يونيون وسويته من تطبيق بنك البلاد واضفت اسمي بالانجليزي من نفس التطبيق مره من المرات نقصت علي فلوس كاش بس في حسابي البنك العربي فلوس قمت حولت على البلاد من للتطبيق حولتها على البلاد عشان كان سعر الصرف للدرهم ممتاز ويوم وصلت الفلوس حولتها على نفسي ويسترون يونيون وبنفس الوقت توصل ورحت سحبتها كاش ولا تاخذ منك دقيقتن كل هالشغله وبكذا تفاديت الرسوم الطويله والعريضه من البنك السعوديه والمغربيه وقد سويتها حولت على السعودي للاستثمار وحولتها على بطاقة العملات وكان سعر الصرف جداً ممتاز بس ماسحبتها كاش كنت اتعامل بالبطاقه. ماتاخذ منك دقايق بس قول بسم الله وشغل تطبيقاتك واربطها معلومه : ويسترون يونيون اقصى حد للتحول 7500 دولار تقريبا 28 الف ويال صدقني انت اللي تقرأ الموضوع لو ما طبقته بيمر عليك وقت وتتذكر الموضوع وتقول ليتني سويتها وارتحت وسلامتكم وان شاء الله افدتكم واسف على الإطاله

حبيب طنجة

مزعوط مميز

المشاركات: 297

تاريخ التسجيل: Jan 2021

الدولة: الرياض

2021-01-16, 11:03 PM

المشاركه #23

اقتباس:

المشاركة الأصلية كتبت بواسطة متى السفر

موضوع جميل وإضافات مميزة من الاخوة المشاركين
بالنسبة للتحويل الفوري بين البنوك السعودية بيكون متاح قبل نهاية السنة بشكل رسمي

والله فعلا موضوع جميل وثمين وكله فلوس هههه
بنهاية السنة قالوا قريبا وحنا بالانتظار لنا سنين بس شكلها قريبه ان شاء الله
مفروض فوري وبدون رسوم والا كل بنك يحدد رسومه عشان تصير فيه منافسه يجي بنك يقول انا مجانا وهذاك يقول انا برسوم بس عندي خدمه ثانيه مجانا وهيك يعني وكل واحد يروح للبنك اللي يناسبه يعني الاستثمار والانماء مستهدفين المسافرين من بطاقاتهم الواعره بروح لهم حافي ههه

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: البنوك السعوديه
الموضوع	آخر مشاركة
عموله البنوك السعوديه	2011-02-19 08:10 AM

الساعة الآن 03:32 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

البنوك السعوديه

روابط سريعه