اقتباس:
المشاركة الأصلية كتبت بواسطة ta3bt
علشان مااكون سلبي
السؤال هنا هل السفر حاليا راح يكون امن وممتع للسائح ؟
من وجهة نظري اشوف انه مخاطره كبيره السفر حاليا للمغرب، خصوصا والبلاد تمر هذه الفتره بمرحلة حظر تجول في بعض مدنها الرئيسية بالاضافة الى حاله الاغلاق اللي تشمل الشواطي والكوفيهات
وواضح من القرار اقتصادي بحت لانقاذ قطاع السياحه من الانهيار خصوصا والحكومه المغربيه قاعده تصرف عليه من ميزانيه الدوله كرواتب للعاملين في المجال السياحي
ولا كيف يتم تفسير هذا القرار بفتح السياحه والبلد لا يزال في مرحلة حظر بسبب تفشي الوباء في اكثر من مدينه
للاسف لم يتعظو من تجارب مماثله واصبحت كارثيه مثل ايطاليا وفرنسا اللي رجعو اغلقو حدودهم بعد مافتحوها وتسببت بتفشي الوباء
حاليا المغرب لا وجود للمقاهي الشيشه ولا وجود للنوادي الليله المطاعم بعضها مغلق ونقاط التفتيش منتشره في معظم مدن المغرب .. الحياة ليست كما السابق
وماتدري بعد ماتسافر هل تقدر ترجع لبلدك ولا يصير في اغلاق المطارات في اي لحظه وقتها تتوهق مع مصالحك ودوامك،
او لا سمح الله يصيبك المرض هناك وماتدري من بيعالجك ويوفر لك سرير،
افضل حل الانتظار حتى توفر العلاج واتوقع ماراح يتم الا في نص السنه الجايه ٢٠٢١
انا غاسل يدي من السفر هالسنه عسى الله يعوضنا السنه الجايه ع خير
ما قصرت تعبت
كلامك على متمّه وعداك العيب
الفكرة ان اللي بيسافر لازم يحط بباله ان كل شيء اختلف وممكن كل شيء يتغيّر بأي لحظة
يعني لازم ظروفك وجوّك بالسفر يسمح عشان تسافر
يعني مثلا انا ما عندي دوام ولا مسؤوليات يعني ما اخاف من الناحية هذي
جوّي بالمغرب غالبا بالنهار لاني راعي نوم ليل (نظام شيبان) ولا اقول اني ما اسهر لكن حسب المزاج ونظام النوم واحيانا اسافر مرة ومرتين ولا اروح لأي مكان سهر
يعني اقدر اسافر واتجوّل بالنهار وعندي شقتي وفيها كل اللي ابي
هذا غير انه ممكن فرصة تغيّر برنامجك لأشياء مختلفة وفيها مغامرة
يعني انا من زمان نفسي أخيّم بإفران والمناطق اللي حولها والحين جالس أجمّع معلومات وممكن اشارككم فيها اذا وصلت لحاجة
خاصة اذا سافرت قبل الثلوج الجو راح يكون خيال والتخييم هناك راح يكون فعالية رائعة بس وين حليب الخلفات
هذا غير ان كازا - مثلا - ممتعة جدا بالنهار وفيه اماكن كثيرة ممكن تزورها وبصراحة جالس افكر اكتب موضوع عنها لان شفت هنا مواضيع كثيرة عن عين ذياب والمعاريف واماكن السهر والكافيهات لكن ما شفت احد تكلم عن اماكن بكازا ممتعة وتصلح خاصة بهالظروف
طبعا الحين مستحيل احد يسافر هناك
لكن نتكلم من اسبوعين لشهر مشروط بتحسن الاوضاع
شكرا لك
وآسف على الاطالة
مرتاح احبك