صراف الراجحي بالمغرب

ما انصحك تصرف من صراف مدى الراجحي برى السعوديه

ياخذ 3 عمولات
سعر صرف سيء
رسوم تحويل عمله
رسوم سحب من صراف مدى خارج السعوديه

تطلع انت خسران باكثر من 100 ريال في كل سحب 2000 درهم

حط فلوسك بوفاء كاش
والا افتح حساب من جوالك في البنك السعودي للاستثمار والا روح لهم البنك

وبعد فتح الحساب الجاري اطلب بطاقة ( السفر ) رسومها 105 ريال وراح توصلك عن طريق ارامكس خلال كم يوم

وعند وصول البطاقه حمل تطبيق البنك وفعلها واضف عملة الدرهم المغربي ب 25 ريال

واودع فلوسك بالبنك السعودي للاستثمار وتقدر من خلال التطبيق تحول فلوسك من والى بطاقة السفر

قبل اجراء تحويل العمل من التطبيق تعرف كم سعر الصرف وبعدين اذا اعجبك سعر الصرف حول فلوسك كلها بمحفظة الدرهم المغربي

واذا وصلت المغرب وانت بخير ان شاء الله دور على صراف اسمه ( societe generale ) تقدر تسحب منه 8 الاف درهم دفعه وحده من بطاقة السفر والعموله للبنك المغربي والسعودي 30 ريال فقط

عفوا 4 عمولات ياخذون منك
رسوم البنك المغربي

شرح كافي ووافي اخوي كوفييد انا متعود اخذ فلوسي كاش وحط في بطاقات الصراف مبلغ لزنقات لاسمح الله والحمدلله ولا مره احتجت اني اسحب من بطاقات الصراف بس حبيت يصير عندي معلومة لو سحبت كم ياخذون وهل بطاقات صراف الراجحي تشتغل هناك في كل محل وماقصرتو يالربع عطيتونا العلم

سافرت انا وخويي اللي دايم نسافر سوا

وبعدين جانا خوي خويي وانا ماعرفه

المهم شفت الولد مامعاه الا بطاقة مدى الراجحي

وشغال فيها سحب شبكه وصرف كاش طول الايام

سالته ليه مامعاك الا هذي البطاقه ؟ قال ايوالله مامعي الا هذي !

وقمت افهمه وانصحه ان فيها عمولات عاليه من نسبة تحويل عمله الى رسوم سحب من البنكين الى سعر صرف متدنيء

صرف في السفر مابين 30 الى 35 الف ريال

يعني طول سفرته 17 يوم اكيد خسران الفين ريال

ليه ياخي الواحد كسلان مايسأل و يبحث ويفهم

على قولة المثل اللي يقول من يسأل هو غبي لخمس دقائق، ولكن من لا يسأل يبقى غبياً للأبد.

( مرتاح احبك )

قريت والله عن الفيزا الالكترونبه لكل عمليه جديده بس ما سويتها بحكم ان مشترياتي على النت قليله و تكون بحساب بنكي مستقل و وقت ما بشتري من النت احول دايركت على الحساب المستقل واتمم العمليه

وفعلاً البنوك الصغيره عندنا سلسه ومميزه عكس ذات السمعه الكبيره حتى لو كنت عميل تميز فيه نوع من انواع التهميش عندهم

واذا احتجيت على خدماتهم يقولون حنا حاطين جنب بيتك صراف

ما احتاج صرافاتكم وحنا بعصر التقدم الرقمي

والله أنا في عام 2019 صرفت من صرافات كثيرة كل مرة تختلف تزيد أو تنقص قليلا .
كل سحبة 2000 درهم رسالة البنك خصم 842 ريالا وأخرى 838 ريالا لكن السحب ببطاقة الراجحي التميز .
خويي 2000 درهم الخصم 819 معه بطاقة بنك الرياض الماسية .
هل الخصم معقول ؟ .

احسب كم مره صرفت 2000 درهم واجمع الفوائد 42 ريال في كم سحبه؟

وهنا راح يطلع معك مجموع الرسوم للسحبات طول السفره

وقيسها على ميزانيتك و وضعك المادي

هل مجموع الرسوم بالنسبه لوضعك المادي مايفرق وعندك خير

او انك لو وفرت مجموع الرسوم بيفيدك

صدقت شوف من واقع تجربه قديمه حسبتها 40ريال لكل 2000درهم طيب 10*2000=40*10عموله 400ريال وفتحت حساب فبنك مغربي 6 شهور اذا ماغذيت حساب يلغى
وتحول من حسابك لحسابك ورسم بطاقه 200درهم
افضل طريقه اذا كنت من رواد المغرب غير كذا لاتقول كل يبغى فايده

انت كذا فاهم بس غيرك يقول ماتفرق 40 ريال وهو ماحسبها ولا يعرف كم عطوه سعر صرف يمشي على عماها

ياأخي كم تصرف في السفرية الواحدة
!!!!!
يغني جت ع العمولة
بصراحةاستغرب لما واحد يصرف في اسبوعين 30-40 الف ويجي يفاصل في العمولة
خلك في البيت او زي ما يقولون المغربة نبقاو فالدار

__________________
كنبغيك وصافي