قررت اعيش بالمغرب عندي سؤال

شكرا للجميع على المشاركة والأراء الجميلة ووجهات النظر المختلفة
على راسي ولا خلى ولا عدم
واكيد بامر الله يوم ابداء مشروعي حعلن عندكم هنا في المنتدى ويشرفني
ودعواتكم ان الاولاد يتأقلمو ولا الباقي سهالات من رب العباد

انا مؤيد فالمغرب ارخص من مما تتوقع معيشيا اذا رتبت امورك وعندك دخل ثابت اما مشروع لابد يكون مشروع مميز مدروس من الالف للياء كثير مشاريع خسرت فالمغرب لعدم توفر بيءة استثماريه الا شركات استثماريه معروفه عن طريق سفاره .
المشاريع الصغيره اغلب المغاربه المستثمرين او القادمين من اوربا ونقلوا افكار سوا شركات تصدير منتجات او في السياحه . او مطاعم او مقاهي او محلات ..... افكار متطوره . فتحت فالاعوام الاخيره .حتى شهور الحظر كانت تقوم بتجهيزات وفتحت بعد رفع الحظر .
بالنسبه للدراسه يوجد مدارس خاصه متطوره عن تعليم العادي بزاف فالمغرب .
الاولاد اهم شي توفير مدرسه خاصه كلاس لغات ومع الوقت راح يتاقلموا .
فالبدايه انصحك تستاجر فحي كلاس منتجع امن وسكيرتي متوفر قريب منه مدرسه خاصه .
وبعدين تقدر تفكر بعقلانيه الخطوه الثانيه
والله يوفقك

الحمدلله من فضل ربي عندي بيت في تطوان واحلى جيران وسيارة كمان وكنت عايش ثلاث سنوات ولكذا الأمر بالنسبة لي سهل وان شاء الله المشروع مدروس ومميز وراح يعجب الجميع ونسئل الله يرزقنا ويرزق مننا حتى المدارس انا شفت مدارس خاصة وسئلت عن أسعارها وجدا مميزة واعرف معاهد للغة الفرنسية وراح ادخل الاولاد فيها بس تعرف التنمر خطر كبير على الأطفال وهوه الي اخاف منه فقط وربك ييسر وشكرآ بمشاركتك وأبداء رأيك

احسن مشروع مطعم مندي وبخاري مع خدمة التوصيل سيكون مشروع ناجح

صحيح و لمغاربة يحبون التنويع
و يكون الطباخ يمني
الووو واحد نفر نص حبه مع رز
و كثر كشنه

__________________

السلام عليكم ورحمة الله
تمنياتنا لك اخ سيمو٢٠٢٠ بالتوفيق وربنا يكتب لك اللي فيه الخير ... وان شاء الله نشوفك في تطوان ..

اهنيك علي قرارك الشجاع بالعيش بالمغرب
بالمختصر المفيد
امكانياتك الماديه قويه ومتينه وعندك مصدر رزق يعيشك مرتاح انت وعائلتك ؟
تكون غير معتمد علي مشروعك الجديد اللي راح تفتحه .. يعني خسرت بمشروعك عادي ولا يهمك ولا علي البال
ميزانيتك اللي غير محتاجها مليون ونص دولار = تقريبا نص مليون دينار كويتي
اقولك يحفضك ربي ويسهل عليك
لكن اذا بتهاجر وانت تحسبها بالدرهم وصاحب راتب علي قدك لو عملت حادث سياره ماعندك تشتري سياره ثاني يوم ... او عيالك ما تاقلموا بمدارسهم وراح تطلعهم مدرسه افضل وميزانيتك ما تسمح لك
اجلس مكانك بين اخوياك .....وكل صيف عندك ثلاث شهور روح انبسط معاهم بالمغرب
الهجره قرار صعب ويحتاج امكانيات ....نصيحه اذا ماكنت مقتدر لا تلعب بورق خسران

هههههههه انا كنت عايش هناك ثلاث سنوات والحمدلله عندي بيت وموتر ولاني صاحب سهرات ولا حفلات انا انسان عادي نفس حياتي في السعودية عايشها هناك اخرج أولادي وأهلي وبحر وطبيعة وفلة حولي وحوليه حتى أسبانيا فركة كعب ولا احتاج التكاليف هاذي والمدارس الخاصة عندهم تعتبر رخيصة مقارنة مع مدارسنا الخاصة ودخلي في السعودية ثابت وهذا من فضل ربي... اما تقلي مليون ونص دولار وغير محتاجها فهاذي اسمحلي اقلك مبالغة جدا وترى المغرب ارخص من الخليج بكثير ومن تجربة الا لو انت عاد ودك في قصر ومسبح فوق السطوح وثلاث كتكت ورابع شغالات وبرضه تعتبر وجهة نظر واحترمها وشاكر مشاركتك

الموضوع أصبح مرجع جميل للي يفكرون بالإقامة بالمغرب ويبدو انه لمس احساس وتفكير الكثيرين.

مداخلات جميلة من الجميع وعندي كم تعليق على مداخلات الأخوة بعد إذنكم بالذات الأعزاء كويتي و عمر الفاسي:-

* اتفق مع اهمية القوة المادية خصوصا اذا عندك أطفال ومدارس لكن اعتقد الأخ كويتي بالغت فالأهم يكون عندك سكن ملك + دخل ثابت شهري او ربع سنوي (راتب تقاعد - عقار - أسهم توزع أرباح...) بالإضافة لوجود مبلغ معقول (مثلا 100 ألف ريال) كرصيد بحسابك السعودي لأي ظرف طاريء لا قدّر الله. لا تنسى ان عندك امكانية لزيادة دخلك اما بمشروع او باستغلال خبرتك بأي مجال والعمل عن بعد كل شيء ينفع.

* أتفق وبقوة مع الأخ عمر بضرورة دراسة المشروع بشكل جيد ومن كل الجوانب وتذكر دائماً ان القوة الشرائية بالمغرب ضعيفة مقارنة بالخليج واصلاً كمية الكاش والنقد عندهم ما هي كثيرة واقتصادهم حقيقي ويعتمد على الإنتاجية ولا يحبون التضخم وضخ العملة لتحريك الأسواق. نقطة انك تشتغل بشيء فاهمة ممتازة ويا سلام اذا عندك خبرة بالتكنولوجيا بأي مجال المغرب أرض خصبة وبحاجة لهذا النوع من المشاريع. تذكر أن تبدأ مشروعك بشكل تدريجي ان نجح تتوسع اكثر لا تتعب مادياً بمشروعك من الأول.

* قبل لا تقرر أي مدينة راح تستقر فيها وتشتري فيها عقار اسكن فيها على الأقل شهر ولو حصل تسكن بنفس الحي او المنطقة اللي ناوي تشتري فيها أفضل. ممكن راح تطلع لك أشياء ما حسبت حسابها. اتكلم عن تجربة شخصية لأني كنت جازم اشتري سكن بكازا بس أقمت فيها مدة طويلة ب 2015 (تقريبا شهرين ونص) متواصلة وعرفت رغم حبي الشديد لها الا انها مكان غير جيد للسكن وأعتقد انها لا تناسبنا كسعوديين خصوصا جيلنا اللي سكن بيوت هادية وواسعة وفيها ارتداد 10 أمتار عالأقل عن شارع فرعي وأسباب ثانية مو هنا مجالها زي غلاء المتر. استأجر شقة سنوياً (أرخص) للمدينة اللي تخطط للإقامة بها وشوف ترى نظرتك كزائر تختلف لما تكون مقيم خاصة زي ما قال الأخ عمر مع صعوبة البيع عند الشراء.

* المغرب بلد آمن وعروبي إسلامي عريق وبلد نقي ومن أكثر دول العالم نقاءً وأقلّها تلوث ومؤشر جودة الهواء (المقياس المعروف AQI) عندها ممتاز جداً خاصة بالشمال وهذه ميزة مباشرة لصحة الانسان بالاضافة الى انها تحمّس الواحد يتمشى طول السنة والمشي صحي وشواطئ جميلة وطبيعة خلاّبة وناس طيبين وتنوّع مدن وفوقها بلد المعيشة فيها معقولة وفيها هامش للاستمتاع والتنقل لا يكلف الكثير. أعني انها خيار ممتاز حتى بالمقارنة مع دول متقدمة. البنية التحتية ممتازة جداً من طرق ومياه وغيرها. المدارس الخاصة ممتازة وانتاجيتها تشهد به أوروبا وبأسعار جداً معقولة (مدارس الرياض الخاصة أسعارها غير طبيعية أبداً وانتاجية اكثرها كلام فاضي يعلم الطفل كلمتين انجليزي علشان يستانسون أهله ويدفعون بينما أين شخصية الطالب وقدرته على التحليل والاستنتاج والتفكير النقدي؟ شبه مفقود).

* تبقى الرعاية الصحية اتفق مع الأخ عمر انها اقل لكن فيه تطور ومشكلتهم في الإمكانيات وإلا عندهم كفاءات ممتازة وفرنسا (سيدة صناعة الأدوية بالعالم) متمكنة من سوقهم مما جعل أسعار الأدوية عندهم رخيصة مع العلم ان مستشفياتهم الخاصة متطورة خاصة بالرباط وطنجة مما يجعلك تفكر في وضع ميزانية خاصة بالتأمين الطبي (شركات مثل اليانز - سهام) لأهميته لك ولأسرتك حتى بأمور روتينية (حمل - انفلونزا - اطفال - الخ) وميزة شركات التأمين بالمغرب انها متاحة بالعروض للأفراد والعائلات عكس السعودية اللي لازم تكون تشتغل بشركة والأفراد ما فيه الا شركة او شركتين وأسعارهم نار للأفراد. وسبق اني استفسرت من شركة سهام من باب الفضول ومع صعوبته للأجنبي وكونه أسهل اذا عندك عائلة مغربية فأتذكر انها قالت لي 4000 درهم تقريبا لزوج وزوجة بس نسيت اذا سنوي او شهري اتوقع سنوي. حفظ الله الجميع.

تذكر دائما ان حتى لو ما اعجبك الوضع تقدر ترجع بإذن الله
يعني فكر فيها كويس واذا حاب روح وجرّب الموضوع سهل ان شاء الله.

أتمنى اني اضفت بهذه المشاركة المتواضعة
تحياتي للجميع

أحسنت ربي يسلمك ,, وأحب أضيف أن أنا كنت متردد بالشراء في المغرب لسببين الأول بسبب سوء جودة البناء عندهم

خصوصاً الشقق السكنية , لا عوازل من اي نوع والجدران خفيفة تسمع همس جيرانك وبالمدن الكبيرة الاسعار غالية

منغير سنع والواحد ما يقدر ياخذ راحته , والفلل نفس الشي بخصوص جودة البناء اغلبها تجاري ولا اتكلم عن التشطيب

لانه نظيف لكن فيه امور كنت حريص عليها ومتعود عليها هنا بالرياض وجدة لما لقيتها بالمغرب كانت الاسعار فوق اللي أنا

محدده لشراء عقار عندهم , والثاني كنت افضل البناء الشخصي (تفكير شيبان ههههههههه) ولقيت تسليم مفتاح وشي محترم جداً

ولكن الله ما اراد وانا كسلت .. ولعلها خيرة وقبل التقاعد إن شاء الله لي عوده للتفكير وحسم الموضوع بشكل نهائي إن شاء الله تعالى

بالتالي اللي يفكر يشتري بالمغرب عليه دراسة العروض بشكل جيد وعدم الاستعجال واختيار الافضل من المناطق السكنية وفحص العقار

جيداً وإذا ما تبغى تبنى لا تشتري على الخريطة أو بناء غير جاهز 100% لانه وعودهم بالمغرب الله بالخير وحتى عقودهم

__________________