قررت اعيش بالمغرب عندي سؤال

أشكر الأخ "كاري فمو" على الاضافة المهمة المبنية على تجربة حياتية
والحقيقة انك تطرقت لبعض الامور اللي يمكن ما اخذها الواحد بالحسبان
والحقيقة البساطة والجو الجميل ميزة غير سهلة للمغرب الجو يا ناس غيرررر وفوايده كثيرة
لكن اشوف بعض الاخوان اعمروا وبنوا لهم فيلا اذا ممكن نعرف عن اهم الامور والتحديات بهالخصوص لاني بدأت انفتح على هالموضوع
بخصوص اللهجة السعودية ما لك الا المدرسة السعودية بالرباط اذا انت قريب للرباط طبعا اذا تشوف هالموضوع مهم وناوي ترسلهم لجامعات المملكة
اشكرك مرة اخرى

شوف البناء هناك متعب .. لسبب واحد المقاولين (طاشرون) حراميه هنا او هناك كلهم نفس الشي ..
لكن هي تجربه تستمتع فيها .. تبداء من شراء الارض وهي ثلاث انواع ارض عدليه او محفظه او تجزئـه .. انا طبعا غامرت وماانصح اي احد يسوي مثلي ويشتري ارض عدليه .. معناتها العدليه الارض هي وضع يد او وارثها من جد جده .. ودايم عليها مشاكل .. لان ممكن تتباع اكثر من مره .. وممكن واحد داخل في ارضك .. لكن ميزتها رخيصه لان راعيها اول بيعه لها ماتاجر فيها بيع وشراء .. هذي ياطويل العمر تشوف الارض .. عجبتك .. تقوله عطني صور من الاوراق .. تروح مكتب هندسي معتمد .. يطلع معاك الفين درهم .. يصور ويطلعلك البلان والحدود بأسمك .. تاكدت من مساحة الارض.. خلاص .. تروح عند كاتب العدل وتدفع فلوس .. انت عليك اجر كاتب العدل .. والبايع لازم يجيب ورقه انه دافع ضرايب الارض .. بعد اسبوع تاخذ اوراقك من كاتب العدل بس ..

بما انك في المغرب تذكر .. تشتري على طول ابني ..

المهم بعدها تقدر تحفظ الارض ومشوارها طويل لكن استمتع وش وراك .. خاصه اذا معاك الوجه الحسن
تروح ادارة التحفيظ تجيب الاوراق وتجيب ورقه اي ارض محفظه جنبك .. وهم بيطلعون مره ثانيه مهندسهم .. وبيحسب الامتار مره ثانيه .. ويرسلون الاوراق للرباط .. وخلاص تسجلت الارض باسمك ومافي احد يقدر يدخل عليك .. واي واحد ناوي يدخل على ارضك السيستم يوقفه ..

هذي بدون مشاكل طبعا هههههه .. المشاكل تبدا انو البلان تغير مثلا وارضك قصها طريق
او ان الورثه طلبو حق الشفعه ويبون الارض .. او ان ارضك مبيوعا لاحد ثاني ..

نجي للارض المحفظه .. يسمونها التيتر .. هذي يازينها نظيفه .. حليوه .. امنه .. لكن غاليه ..
هذي تشتريها خلاص نفس الاوراق تقريبا .. لكن ماتروح كاتب العدل .. تروح للنوتير يسمونه .. محامي .. يخلصها لك .. وهي معناتها الارض لك انت بس ماعليها اي مشاكل ..

مشكلتها بس ههههههههه .. ان ممكن يتبدل المخطط للحاره .. بدال طريق كبير .. سوولك طريق صغير وهذا اذا سووه ..

نجي لارض التجزئه .. وهذي الحب .. ارض ماعليها مشاكل بالاوراق وخططها خالص والطرق موجوده
اشتر وانت مرتاح .. لكن غااااااليا يعني المتر يوصل 1500 الى 3000 ريال ...

بعدها عاد الرخصه يبيلها سالفه بوحده .. لكن انا ماانصحك تبني هناك الا اذا انت متاكد
الايجار ميزته متى ماقفلت معك .. زعلت .. كرهت ..تضايقت .. شل عفشك والسلاااام عليكم

ميزة الفيلا مافي مداهمات لراعين المداهمات ههههههه
جيرانك يحترمونك .. اصلا بمجرد جارك باني بمخطط فيلات .. معناته عياله مدارس فرنسيه
او ثقافته اوروبيه يعني مش شعبي .. صراحه جيراني واحد مايجي الا بالصيف ..مدير شركه كبيره
ووحده متزوجه يهودي اوروبي تجي مرات .. واحد متقاعد مغربي اشوفه كل يوم ينشر الغسيل وحرمته لازالت تشتغل .. وواحد دكتور داخل سوق راسو ... مانشبلي الا اللي باعلي الارض .. اغنى منى باقيله
عشر الاف متر ماباعها .. تسوي عشره مليون .. وناشبلي يبغا يصير عساس ( حارس ) ههههههههه

لاتستغربون .. هذولا الناس اللي وارثين اراضي من اجدادهم .. مايبيعون .. الا قليل .. لكنهم مايشتغلون شغل دايم ومايقومون الا متاخر .. متا ماطفرو باعو 300 متر 500 متر .. تكفيه خمس سنين الى عشر سنين ...

حتا عيالهم لاحظتهم مايكملون مدرسه يطلعون منها .. طبعا من مشاكل صارتلي معاه
بايعلي الارض وكاتب قدامي طريق .. ويوم بنيت رجال لقيته مشبك الطريق ..
خلالي زنقا ادخل معها .. ليش وكيفاش وعلاش وفوقاش وحيتاش .. مهم ماخليت ااااش ماقلتها

رجال قال ارضي والدوله ماخلصتني وابغا ازرعها ... قلت خير ان شاء الله

صراحه ماكنت ابغا ابدا بالعيب .. لكن هو حدني على اقصاي ... المقدم ؟ ممتاز .. ويصلح
لكن المقدم بالاخير منتخب منهم .. الباشا؟ او القايـد؟ قلت تدري ادخل على القايد ..
طبعا القايد .. واحد ياجماعه مفرعن شوفة النفس فيه يالله السلامه ..

قلت هذا يبيله الدخلا السعوديه ... دخلت السلام عليكم كيف حالك اخوي طيب ..
هنا اعتدل بجلسته .. تعمدت اعلمه اني سعودي بقراطيسي .. قلتله انا ساكن هناك وهناك
قال مافي اخباريش من شمن بلاد انتايا .. قلتلو سااعودي .. ووقعلي هكدا وهكدا ودبا انا غريب
والغريب اعور وخا بالعيون وخصني تتهلا فيا وبالحلاوه ديالك ... قالي واش مفكر هدا باقا السيبا ..
المهم مني منك مشيت ..

ياجماعة الخير بعد صلاة العصر تمت المداهمه .. هو ومعه عساكر ثلاثه جو ومافي الا شيل في الشبك
حقه وهو يبغا يتكلم ويصرخ عليه القائد وانا اطلل من البلكونه اتفرج ههههههه ..
عرفتو واحد المنظر الذل .. ارضه ومو قادر يسوي فيها شي لاهم اللي دفعوله ولاهم اللي خلوه يستفيد منها

واطلع الفين درهم .. قلت ذل قرشك ولا تذل نفسك .. واللي مالوش كبير .. يشتريلو كبير ..

وطق الجرس علي القايـد .. دخلت الحوش وعطيته ويعي ياخذها وانا احلف واحلف مش ليلك هدي
غير للعواول ديالك .. المهم بعد حلوف طلاق وافق ياخذها .. اصلا هو بياخذ بس يسويلك الشرف في لول ..

ايوا طولت عليكم .. المهم بعد صلاة العشاء جاني صاحب الارض ..
سلام سلام لاباس .. قالي دبا علاش كتدخل هذو بيناتنا .. وانت حتعطي فلوس
وانا حنعطي الفلوس وانت حتعطي وانا حنعطي .. قلتلو وشكون حيغلب ؟؟
قال ماشي شكون حيغلب ديك الفلوس كان غير اعطيتهالي وانا نعملك اللي بغيتي وماتدخلشي براني
بيناتنا ... صراحه فهمت قصده .. لكن قلت حصل خير ..

من بعدها تأدب .. وبالاخير اتعامل مع المقدم بس .. اي شي ناده يجي يركض .. 200 درهم
يجيبلك لمبات الشارع يجيبلك الزباله جنب بيتك يجيبلك الشجر جنب بيتك .. ماراح تتخيلون
الرشوه هناك وش تسوي فيهم .. تحسسك انك دوله داخل دوله ...

الحديث ذو شجون ولا ابي اطول عليكم لكن من واقع تجربه خذو مني ثلاث نقاط هذي

1- لاتشتري الافضل تستاجر .

2- اذا شريت اشتر بيت ثلاث طوابق لاتشتري فيلا .. السفلي اجره بقاله او حلاق يصرف عليك طول
عمرك كهرباء وماء .

3- واذا شريت اشتر تجزئات او محفظه بس .

كاري فمو واضح انك خبير قديم بالبلد ، جبت الملخص المفيد تحية لك .
مدري ليه تذكرت مخربها الله يذكره بالخير.

الأخ كاري فمو
شكر جزيل وكبير لك على اضافتك ... اضفت لنا الكثير جزاك الله عنا كل خير
هذا لا قالوا لك اسأل مجرب ولا تسأل طبيب مع اني اختلف واقول اسأل مجرب واسأل طبيب
انا بالامور هذي "موسوس" يعني اذا بشتري مو بس بشتري محفظة الا بجيب ثلاث محامين وعشر شهود ههههههه
لكن مبدئياً وعلى الاقل السنوات القليلة القادمة (ان شاء الله) بتجه للآجار السنوي لين نوصل لقرار نهائي متأثر بعوامل كثيرة تجي بوقتها ... مع ان العقار نازل بالمغرب نزول طفيف وهذا نادرا ما يحصل + فيه شقق تجي "لقطة" بمواقع خيال لكن كل تأخيرة وفيها خيرة ومن صبر ظفر
شكرا جزيلا لك مرة أخرى والله يوفقك وتحياتنا الحارة لك

رووووووووووووووووووعة وخلاصة الخلاصة

انا من عشاق المغرب وتزوجت من المغرب ولله الحمد
لي صديق هاجر من العراق للمغرب وتعرفت عليه بكازا وحكالي تجربته بالتفصيل
كان مع النظام العراقي السابق وجمع فلوس وهرب للمغرب وتزوج مغربيه
واشترا شقه بافضل مكان بكازا بالمعاريق وصار ياجر شقته لاوربين وخليجين وصار يسكن عند زوجته
عندها شقه ومرت السنين وقابلته بعد 8 سنين وماشاء الله اشترا شقه ثانيه
وعايش متهني مع زوجته وبنته وعنده سياره

عن نفسي فكرت اهاجر للمغرب بس هالفكره اجلتها لمن اتقاعد واستلم حقوقي بعدها اشتري
شقه واستقر والمغرب تستاهل للامانه بس لازم مدخول شهري او عندك مشروع زي العراقي
قرار الهجره صعب بس اذا انت متزوج مغربيه ومعاك فلوس وعندك مشروع ومدقدق بالحياه
وعندك الاقامه المغربيه اقولك توكل على الله

__________________

نفس مستوى المعيشه اللي انت عايشه في السعوديه راح تعيشه في المغرب بتكلفة اقل بمراحل .
وبالنسبة للمشاريع ركز على مشروع تكون عندك خبره فيه

فعلا اخويا المزعوط المميز هام السحب كلامك سليم ومجرب والله الحياة ارخص والأكل الذ والمناظر اجمل والجو ابرد والتكلفة اقل بكثير الا للي يبغى يتمقلط

موضوع الهجره يدور براسي من فتره طويله والسبب بسيط بعد التقاعد تحتاج بلد اجواءه جميله وايضاً الطبيعه فيه تكون جميله تقضي اخر عمرك فيه انت وام عيالك بدل الحر والزحمه الي هنا بس وين هاذا للان بعلم الغيب متبقي كم سنه ونقرر وبالنسبه للمعيشه الي يكفيك هنا حياة كريمه راح يعيشك حياه افضل بكثر في بلد مثل المغرب او البوسنه وكثير غيرها الا اذا صار العرق دساس وتردى حظي وحطيت منقية واشقيت عمري معها من نجد للشمال :(

هههههه والله يالمنقيه انها توسع الصدر و شوفتها من الله عيشة .. عطايا الله كبار الظهور .