عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


حسبي على الايام والحظ الردي

إضافة رد
سعد محمود
مزعوط نشيط
المشاركات: 66
تاريخ التسجيل: Mar 2019
سعد محمود متواجد حالياً  
قديم 2020-10-16, 05:29 PM
  المشاركه #61
اقتباس:
المشاركة الأصلية كتبت بواسطة ولد الشرقية مشاهدة المشاركة
عدنا،،،،

كانت ليلة رائعة بعد وجبة عشاء من يديني ،، وسهرة ولا احلى مع الحبايب انتهت بنومة عميقة وراحة ، كنت نزلت صورة بالسناب اني بالمغرب وبصارحة ما انتبهت للردود بحكم اني بالسفر اغلب الوقت اهمل الجوال جدا جدا واحاول اني استمتع بكل لحظة اقضيها بدون اي منغصات او اخبار قد تعكر عبق السفرة ،،،،

وفعلا صحيت الظهر واشوف الجوال واحصل رسالة من شخص عزيز علي بالزااااف بالرباط، وانا اقول ايييييه "وش ذكرك حب طوت الليالي" اغنية الفنانة احلام. رديت عليه وجلست ادردش معاه شوي. وانا من داخلي اقول من جد اشتقت للرباط واجواءها وهدوءها، تدري شلون خليني اقلب الفكرة في راسي شوي. طبعا هالتفكير الغى كل تخطيطي انا والمفتري وكل شي حبينا نسويه للعمده وقلت انا مطول والايام جاية. جاني العمدة يصبح ويهلي ويرحب وانا اللي اقولة وش رايك اليوم الرباط. قال لي انا متواعد مع مع شخص اليوم بيجيني الدار وماراح اطلع ولا مكان، قلت اجل انا يومين وبرجع. قال براسك سلمني السيارة وقال تهلا براسك ، اخذت اغراض يومين ومشيت.
بالطريق رتبت سكن في مجمع سكني بالرباط سبق اني سكنت فيه عدة مرات وعن طريق احد المواقع المشهورة. طبعا ساعة وعليها وانا هناك كان وقتها اول العصر وطلعت السكن مشان استلمه وهو عبارة عن شقة من غرفة نوم واحدة. نزلت اغراضي وعلى طول خرجت للمدينة القديمة، وقريب سوق القديم اتذكر اسمه سويقه. وقفت السيارة ونزلت اتمشى واقضي شغلات وتوصيات للحبايب. رجعت اتمشى بالمدينة بين محلاتها ومقاهيها البسيطة



جلست في اكثر القهاوي اللي احبها في المدينة، بساطة ناس واللي رايح واللي جاي ، بصراحة رجع لي حنين وشوق لعدة اشياء ، مسكت جوالي ، ارسلت رسالة وكان الرد لي بسرعة البرق... طلعت من القهوة وانا شايل اغراضي وراجع للسكن، اخذت شور لبست كشخت وطلعت على مطعم بول في اكدال بالوقت والدقيقة، لقيت صاحبي ينتظرني. جلسنا جلسه ما بين قهوة وعشا وما حسينا الا بالوقت تاخر ودعته وانا اقول في داخلي "حسبي على الايام والحظ الردي" ........

فاصل ونعود،،،،
اييييييه جددت المواجع ياولد الشرقية
كل ماقلت هانت جد علم جديد إن حكينا ندمنا ون سكتنا قهر .
لكن عساك دوم ماتقول (لاتنشد عن الحال ياعبيد) .
رد مع اقتباس
 الصورة الرمزية ولد الشرقية
ولد الشرقية
مزعوط برونزي
المشاركات: 595
تاريخ التسجيل: Sep 2013
الدولة: شرقاوي للنخاع
ولد الشرقية متواجد حالياً  
قديم 2020-10-17, 11:47 AM
  المشاركه #62
اقتباس:
المشاركة الأصلية كتبت بواسطة مهتم مشاهدة المشاركة
تسلم ولد الشرقية .... أبدعت يعطيك العافيه. مشتاقين للتكملة لا يوقف.
مشكور يا غالي ،، ردودكم طاقة ايجابية اني اكمل
رد مع اقتباس
 الصورة الرمزية ولد الشرقية
ولد الشرقية
مزعوط برونزي
المشاركات: 595
تاريخ التسجيل: Sep 2013
الدولة: شرقاوي للنخاع
ولد الشرقية متواجد حالياً  
قديم 2020-10-17, 11:48 AM
  المشاركه #63
اقتباس:
المشاركة الأصلية كتبت بواسطة مسودن مشاهدة المشاركة
لا تبطي علينا ياولد الشرقيه
خطية يا مسودن ما راح اتاخر ان شاء الله بالتكملة

مرورك اسعدني
رد مع اقتباس
 الصورة الرمزية ولد الشرقية
ولد الشرقية
مزعوط برونزي
المشاركات: 595
تاريخ التسجيل: Sep 2013
الدولة: شرقاوي للنخاع
ولد الشرقية متواجد حالياً  
قديم 2020-10-17, 11:52 AM
  المشاركه #64
اقتباس:
المشاركة الأصلية كتبت بواسطة كنبغيك1 مشاهدة المشاركة
ولد الشرقية المبدع
نغفر لك طول الغياب لأنك تغيب وتجيب شي ينسينا صعوبة الانتظار
اسلوبك (سهل ممتنع ) كل واحد يقول اقدر اكتب زي كذا
ولكن بس يبدأ يفتح القلم تتوقف لغة قلمه عجزا واحتراما لأسلوبك
الانتظار لا يعني شي سوى الاشتياق
فلا تقتلنا ، وقد عرفت نقطة ضعفنا
حبيبنا الغالي كنبغيك ...

احرجتني كتاباتك وان شاء الله ما راح اطول عليكم كثير

اصعب شي انك تكتب وتتذكر احداث مره في كتاباتك

صحيح اني مسحت الكثير من التفاصيل اللي خنقني تذكرها الا اني احاول ان اوصل معلومة للقارئ

ان شاء الله في اخر التقرير راح اعد نقاط واجيب شوي عن تجربتي

مشاركاتكم دعم لي وردوركم سلاح يجبرني ان اكمل حتى عودتي للشرقية.
رد مع اقتباس
 الصورة الرمزية ولد الشرقية
ولد الشرقية
مزعوط برونزي
المشاركات: 595
تاريخ التسجيل: Sep 2013
الدولة: شرقاوي للنخاع
ولد الشرقية متواجد حالياً  
قديم 2020-10-17, 11:54 AM
  المشاركه #65
اقتباس:
المشاركة الأصلية كتبت بواسطة سعد محمود مشاهدة المشاركة
اييييييه جددت المواجع ياولد الشرقية
كل ماقلت هانت جد علم جديد إن حكينا ندمنا ون سكتنا قهر .
لكن عساك دوم ماتقول (لاتنشد عن الحال ياعبيد) .
حياك حبيبنا سعد

وياك ان شاء الله ماتقولها ولا يرجع طاريه
رد مع اقتباس
 الصورة الرمزية ولد الشرقية
ولد الشرقية
مزعوط برونزي
المشاركات: 595
تاريخ التسجيل: Sep 2013
الدولة: شرقاوي للنخاع
ولد الشرقية متواجد حالياً  
قديم 2020-10-18, 03:39 PM
  المشاركه #66
وقفة امل،،،،

بعد قضاء ليلة امتزجت بختلف الالوان الفنية مابين نغمات عود الراحل "طلال مداح" وصوت الراحلة "ذكرى" امتزجت باوتار صاحب الاحساس "محمد رويشة"

انغام كانت كفيلة برسم واحدة من اجمل ليالي الدار البيضاء

قمنا من نومه كانت عميقة وراحة مختلطة بنفس عميق واصوات كانت اجمل

كعادتي،، خرجت للبلكونة سحبت الكرسي وجلست في البلكونة وكما هي طقوس الصباح تبدأ فيروز بالصدع باجمل اغانيها الصباحية

صبيت فنجالي وبديت اتقهوى حتى جاني العمدة وباقي الاصدقاء

كان الجو في قمة الروقان خاملين مروقين على الاخر ، انحط الفطور وكان من خيرات ورزق ربي

كان لسان حالنا اليوم بان ناخذ اليوم راحة بعد الرحلات السريعة خلال الايام السابقة، فوقف فينا الحال على الجلسة في الدار الين صار نص العصر ، وانا اللي اقوم من غير اي تردد واغير واكشخ واللبس

ويوم شافني البقوس العمدة وهو اللي يطمر ويبدا يغني "ناويلك على نية"

واقولة الله الله مشينا وفعلا ثواني الا العمدة لابس وكاشخ صاير استايل حيل

وين وين وانا اللي اقوله على موروكو مول ، قال تم



صراحة اعتبره انا صرح جميل ، ممكن لانه الفريد من نوعة في المغرب ، طبعا ما اقارنة بالمولات بالدول الثانية

وكعادته صاحبكم بدا يراقب وبدا يتفرج ويشوف ويفرز شي حمر وشي خضر وشي اصفر ...

طبعا ضروري من ان يكون ان تحتسي في هذا المكان



تسوق خفيف لطيف ، وبصراحة انا ما كثرت اغراض وانا جاي للديرة بحكم ان تخطيطي للجلسة كان من 7 – 9 بس واليوم كملت اسبوعين

يعني كل شي حسبت له حساب الا الملابس

ومنها على السوبرماركت كان ناقصنا حوايج ، وعلى الدار يا معلم ، اللي اتذكر ذاك اليوم اتفقنا اننا ما نطول بالطلعة لكن شي يجر شي

رجعنا للدار كان الطاجن على النار وصراحة لهدنا الجوع ، وخش جامد يا مدير....

كانت التمشية والطلعة كفيلة بتحريك الدورة الدموية وتنشيط الجسم والبعد عن الخمول والكسل ولما ترجع تلقى نفسك نشيط

وفعلا كان كل شي محضر ومرتب على اصولو ارتسمت تلك الليلة بكل الهدوء والاسترخاء والروقان، حتى ان جاء اتصال للعمدة من شخص راح اطلق اسم المراهق بحكم صغر سنه وصلة قرابته مع العمدة

كان متواجد في المغرب وراح يجلس ليلة في الدار ومن بعد راج يمشي المطار

كان العمدة يقول لي هذا نظامة ، رجال يموت في اكادير .... وانا اللي اقول اييييه تخبر يا عمده وهو اللي يطالع فيني العمدة ويقول نمشي لها بكرى وانا اللي انشب فيه واقول له لا الرجال جاي بكرى نجلس ليلة واحنا نمشي من بعد ممشاه

قال تم . قضينا ليلتنا ونمنا نومه سعيدة .

فاصل ونعود.....
رد مع اقتباس
 الصورة الرمزية ولد الشرقية
ولد الشرقية
مزعوط برونزي
المشاركات: 595
تاريخ التسجيل: Sep 2013
الدولة: شرقاوي للنخاع
ولد الشرقية متواجد حالياً  
قديم 2020-10-19, 03:15 PM
  المشاركه #67
عدنا،،،،

صحينا من النوم متاخر ، ولا متاخر جدا بعد

واضحة وصريحة كان العمدة صاحي قبلي لا ني من قمت وسمعت قناة العربية تشتغل في الصالة اعرف ان العمدة جالس

غسلت وطلعت له كان جالس يخطط ويرسم زي عوايدة ، يقول اليوم نبيه غير

قلت له وكل يوم غير ،، قالتها قبل ديانا حداد "اصلا حلو التغيير"

وهو اللي يصرخ على المغتري ويعطيه التعليمات كاملة

افطرنا وتقهوينا وطلعنا نجيب اغراض لعشا فخم بسبب وصول المراهق الليلة واحنا بمرجان ويجينا اتصال ان الضيف قريب الدار

خلصنا ورجعنا للدار ولا والله الرجال توه واصل

الحمد لله على السلامة ، اول سوال سالنا وش اللي مجلسكم بكازا

وانا اللي ارد عليه بلاك ما تدري ، السالفة تالفة

دخل المراهق يريح واحنا تمددنا في الصالة ما بين نقاش وسالفة وقصيدة وانتظار لوجبة العشاء ، خلال جلستنا الباب يطق ويطمر العمدة يفتح ولا المفتري يدخل علينا بهجوم تكتيكي

كان عبارة عن قنبلة فريدة من نوعها ، شي من الاخر لدرجة اني كنت ساكت لمدة وانا منصدم من اللي شفته

شي عجيب عجيب عجيب ، والعمدة يطالع فيني ويضحك

شوي ويجينا المراهق وينزل العشا ، كانت وليمة عامرة الله يكثر خيره

سهرنا في مكانا زي عادتنا بس كانت ليلة مختلفة وغيييير ،،،

دخلنا غرفنا ونمنا نومه عميقة بعد سهرة امتزجت باجمل الطربيات والحلل والالوان ...

وانا غرقان في نومي ويدخل العمدة علي ويصحيني من عز نومي يالله مشينا وانا اقوله وين ياباشا يالله صباح خير قال لي اي صباح احنا اللحين الظهر واسالة وين المراهق ، قال مشى المطار

وانا اللي اطالع يميني ويساري اثري ابطيت بالنومه، وانا اللي اقول له سم ، واسرع شور ومشروع صحصحة في التاريخ وتجميع اغراض يومين زي العادة.

والله واحصل الشايب في الصالة جاهز ويصارخ يالله يالله ، وش بلاك يا عمدة ، قال ما ادري مشتاق لذيك الديرة,

توكلنا على الله اول العصر بعد ما ودعت المفتري واصدقاءنا الجدد ركبنا الاوطوموبيل ومشينا لجوهرة الجنوب "أكادير"

فاصل ونعود،،،،
رد مع اقتباس
مسودن
مزعوط جديد
المشاركات: 12
تاريخ التسجيل: Aug 2020
مسودن غير متواجد حالياً  
قديم 2020-10-19, 09:13 PM
  المشاركه #68
زانت علومك ياولد الشرقيه
يالعشير ما ودك تكتب لنا حلقتين ورى بعض مره وحده
علقتنا ياشيييييخ حسبي على الايام والحظ الرديحسبي على الايام والحظ الرديحسبي على الايام والحظ الردي
رد مع اقتباس
 الصورة الرمزية ولد الشرقية
ولد الشرقية
مزعوط برونزي
المشاركات: 595
تاريخ التسجيل: Sep 2013
الدولة: شرقاوي للنخاع
ولد الشرقية متواجد حالياً  
قديم 2020-10-19, 10:53 PM
  المشاركه #69
اقتباس:
المشاركة الأصلية كتبت بواسطة مسودن مشاهدة المشاركة
زانت علومك ياولد الشرقيه
يالعشير ما ودك تكتب لنا حلقتين ورى بعض مره وحده
علقتنا ياشيييييخ حسبي على الايام والحظ الرديحسبي على الايام والحظ الرديحسبي على الايام والحظ الردي
زان حالك يا مسودن

ابشر وان شاء الله خلال اليومين الجاية اكمل باقي تفاصيل الرحلة

احاول اتذكر اهم الاحداث اللي صارت والمميزة في اليوم لدرجة اني اتصل على العمدة واسالة شنو ديرتي يا صاحبي ، ويرد علي ما درت والو ،

التكملة راح تشمل اغلب تفاصيل الرحلة ان شاء الله
رد مع اقتباس
 الصورة الرمزية ولد الشرقية
ولد الشرقية
مزعوط برونزي
المشاركات: 595
تاريخ التسجيل: Sep 2013
الدولة: شرقاوي للنخاع
ولد الشرقية متواجد حالياً  
قديم 2020-10-19, 10:55 PM
  المشاركه #70
ردودكم دافع وسلاح للتكملة، لان اللي جرب وكتب تقرير يعرف معنى صعوبة استرجاع الاحداث وتفاصيلها
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: حسبي على الايام والحظ الردي
الموضوع آخر مشاركة
ان ماطاعك الزمان والا طعه ـ ياشبيه صويحبي حسبي عليك .. مخيطوو برحلة عائلية 2020-07-15 05:29 AM
حسبي الله عليكم يا مزاعيط قلبتو راسي الين حجزت ع المغرب 2015-06-01 10:09 PM
ودارت الايام ومرت الايام مابين بعاد وخصام 2015-06-01 05:53 AM
ي شبيه صويحيبي حسبي عليك 2013-10-14 10:34 AM
حسبي الله ونعم الوكيل.. 2012-09-17 03:31 PM


الساعة الآن 10:32 AM