اصحاب السفر الكثير كرما معلومة

صحيح
دايم اقول للشباب اللي يسألوني عن امريكا قسّمها لسفرتين مرة شرق امريكا ومرة غرب امريكا
يعني مرة نيويورك وواشنطن وان بغيت تنزل لفلوريدا واللي تحب بهالمناطق استأجر سيارة واستمتع
والمرة الثانية تعال على طول الرياض او جدة-لوس انجلوس واستمتع بلوس انجلوس وسان دييغو وسان فرانسيسكو ولاس فيجاس وان بغيت الجراند كانيون بأريزونا
اما تجي لهن كلهن بسفرة وحدة ابو اسبوعين او ثلاثة ممكن بس متعب وما انصح الا بتنسيق مثلا تحط وصولك على نيويورك او واشنطن ورجعتك من لوس انجلوس


بس تدري وش ميزة امريكا والسفر لها لنا كمحبين للمغرب
ان رحلة المغرب تصير كلام فاضي هههههه (تدري فيه ناس يقول المغرب حلوة بس مشكلتها البعد هههه)
يعني انا اخذت رحلة الرياض-لوس انجلوس (18 ساعة) اكثر من 10 مرات فصارت المغرب حلتة عصا
غير انها تكون محطة توقف يعني كم مرة اجي من امريكا للمغرب بعدين اجي للمملكة او العكس

أتوقع والله العالم إن اللي يقول عيبها البعد المقصد فيها ماتنفع سفرة خطافيه حقت ابو يومين ثلاث .
عندك القاهرة (بيروت عسى الله يرجعها زي أول وأحسن) دبي ينفعون ويك اند او تشبك قبله يوم او بعده يوم.
لكن المغرب ماتنفع لأن لو بتحسبها وصولك للمطار قبل الرحلة ومده الرحلة والوقت اللي لين تطلع من المطار واللي مثلي يبي مراكش يبي له ساعتين من وقت طلعته من المطار ونفس الشي بالنسبة للعوده هنا يطلع الناتج ضياع يوم كامل فماتسوى.

لا تحجز واصبر لين بداية السنة. ويسمحون بالسفر وقتها. وبعدها شوف الخطوط اللي تعجبك واحجز. ومليون بالألف بتحصل. دواه موجود والاستيعاب عالي وجميع خطوط الطيران فقرانه.
الاهم المغرب إذا اقل من عشر ايام هناك بترجع وانت عطشان.

اوكيي صدقت هذي غابت عني
اذكر قد قابلت واحد بكازا يشتغل بمطار جدة كان يوم أربعاء يقول اليوم وصولي بصّمت بشغلي وعلى طول الطيارة بدون المطار (لانه يشتغل بالمطار هههه) عندي الخميس والجمعة والسبت اوف والاحد راجع دوامي شفت ليل متأخر "صباح الاثنين" ! يعني ما غاب ولا يوم لكن شيء غريب والمشكلة انه يقول يسوّيها كثير ولا عنده عائلة بالمغرب قلت "ولله في خلقه شؤون"

- سبحان من كرّهني بالدوامات المتنظمة والبصمة والحضور بوقت محدد والمغادرة بوقت محدد واجازتك المحددة المقيّدة ... مو عشان سفرات المغرب والله (ولو انها مريحتني كثير بهالجانب) بس شخصيتي كذا لما جيت اشتغل بأمريكا قلت لهم بالمقابلة انا ما انفع احضر واطلع بوقت محدد عطني مهام و deadline وما عليك من الباقي . استانسوا على اني مباشر وقالوا اصلا نظامنا كذا بس لازم تحضر لمقر الشركة 3 ايام بالاسبوع على الاقل . الشركات الامريكية تجاوزت مفهوم الحضور والغياب ووصلت لمفهوم الانتاجية حتى قبل الكوفيد.
لدرجة اني قد انشأت مؤسسة صغيرة بالرياض وقلت لموظفيني (كلهم ستة هههه) ما عندي بصمة وتوقيع وحضور وغياب عندي مهام وانتظر الانتاجية ان شاء الله تشتغل ببيتكم (طبقت نظام شركتي بأمريكا). بس guess what بنتين اخذوها نظام easy money و ....... واثنين اخذوها second job خلوني اوبر وواحد محاسب اصلا معاي على طول وواحد ممتاز فعلا اخذها بكامل الجدية ووصيت شركة تاخذه والحين بمركز كويس فيها وراتبه +25 ألف لكن صرت اشتغل لحالي واتعاون مع شركات مباشرة يتوسط لي صاحبي ههه . نزل الطموح ههههه . مصدوم بجد ومش بنطق ولا عارف أرد على قولة إليسا انصدمت فعلا فترة وقفت . بس خيرة .