اصحاب السفر الكثير كرما معلومة

السلام عليكم..
انا افكر احجز الان حتى اضمن رحلة والاهم الاسعار معقوله لاني لست وحدي... في شهر واحد ولكن الخطوط السعودية مافيها رحلات وحصلت الطيران التركي ومصر لطيران وبعض الشركات الاخرى.. السؤال لو حجزت وصار منع من البلد المسافر له او ترنزيت ببلد يمنع السفر هل ترد التذاكر لان بعضها اعتقد مالها مصداقيه خبراتكم يا اهل السفر .. احجز الان ولا اصبر واخاف ما احصل رحلات

والله حتى انا افكر بنفس الموضوع نفسه وحصلت رحلة على الخطوط التركيه ممتازه لكن قلت بنتظر لين 1 ديسمبر تعلن السعوديه عن فتح الحدود او لا اذا فتحو حجزت على طول اذا قفلو انتظرت وسلامتك

لا تحجز الان ترى اذا فتحوا السفر الدولي الفرق مو كثير في قيمة التذكرة بالعكس ممكن نفس السعر الى قبل الرحله بـ اسبوع

__________________
ليت لي من عناء البعد راحه
يابهجة الخاطر وكثر الأمنيات

الخوف ما تحصل انا فكرت احجز مسترجعة المبلغ بس بعض الشركات ما جربة مصدقيتها قلت اشوف الاخوان يمكن عندهم فكرة ثانية،،


صادق بس هالمره الشعب كله بيطلع دفعة وحدة الفيروس سجنا سنه ، وممكن يكون فيه تخوف وتحصل رحلات بالهبل،، ولكن ملاحظ اختفاء الرحلات اول يوم اجازة يوم الجمعة يمكن حجزت والعلم عند الله

وعليكم السلام

- افضل حل تواصل مع الشركة نفسها وكيف مرونتهم بحال عدم القدرة على السفر.
- ترى اغلب الشركات وضعوا انظمة مرنة باسترجاع المبلغ او اعطاء تذكرة بديلة في حال الالغاء لظروف كورونا.
- اكثر شيء لازم تنتبه له لما تتواصل مع الشركة تعرف هل يسمحون باسترجاع المبلغ او يعطون تذكرة بديلة لأي وقت آخر بدون رسوم او تغير السعر (أغلب شركات العالم صارت كذا) او لا يسترجعون اي شيء (مستبعد مع كورونا)
- مبدئياً الخطوط التركية خطوط ضخمة ومتقدمة وقوية وعندها ملاءة مادية وتتعامل بأنظمة الاتحاد الأوروبي (الصارمة) وبالتالي غالبا انظمتها بصالح المسافر.
- ايميل او تواصل بأي وسيلة مع الشركة المعنية وراح يعطونك نظامهم بعهد كورونا.

افضل مصدر بهالخصوص wego ملخصين نظام الشركات بوقت كورونا:

هل يمكن إلغاء حجز الطيران؟ تعرّف على سياسات شركات الطيران للتعويض عليك * آخر تحديث في 14 سبتمبر 2020" - رحال مدونة سفر من ويجو.

مدري وش فيه الرابط كبير عجزت اصغره

وفيه شرح لكل شركة ونظامها
وطبعاً فيه شركات تسترجع وفيه شركات تعطيك قسيمة لمدة سنة بدون رسوم او اضافة
تواصل مع الشركة ايميل او بتويتر وراح يردون عليك مباشرة بأنظمتهم وتقدر تقيّم

بالتوفيق

يروحون مصر ودبي والبحرين الاغلبيه

المغرب قليل يروحون اول وبعد كورونا راح يكون قليل المسافرين

__________________
ليت لي من عناء البعد راحه
يابهجة الخاطر وكثر الأمنيات

انا عني بسافر في فبراير اعطي المزاعيط شهر يعطوننا تقارير عن الرحلات خلال شهر يناير اذا الوضع كويس ويبشر بخير او لا .. يعني ماراح اسافر مع اول دفعه عشان تخف الزحمه شوي :morocco_5 (81):

الاهم من التذاكر السكن راح يكون زحمه مره اي واحد يحجز طيران يحجز سكن قبلها بشهر اتوقع مراكش راح تكون زحمه غير طبيعيه يعني راح يمر على مراكش زحمه مامر عليها قبل كذا والسبب راس السنة والمزاعيط متولعين من زمان ينتضرون فتح السفر ومو ضروري تدفع عربون لسكن اذا لك معرفه مع احد وحجز تذكرة طيران مسترجعه كذا وضع يكون تمام وبالتوفيق لك

معلومة رائعه احسب الطيران التركي اي كلام طلع عالمي طيب ممتاز كذا تطمنت لاني محصل عليها حجز الله يسعدك ويجزاك خير

صحيح ولكن كثرو المتزوجين من المغرب هههههه

ياعيني على الشغل الاستراتيجي..ياسيدي احنى مساكين ملتزمين باجازات المدارس تهنى دامك مو مرتبط بمدارس

والله صادق بس بالنسبه لي معي عائله اتوقع مراكش اقدر الغي او اقصر مدة زيارتها ،،

مجرد تنبيه :
بعض المواقع تعطيك أسعار خياليه وفرق شاسع بالسعر عن السعر في موقع الخطوط نفسها
مثلآ ممكن تحصل سعر تذكرة درجة رجال الأعمال لرحلة الرياض كازا على الخطوط السعودية في احد مواقع الحجوزات ب5000 بينما تحصلها في موقع الخطوط السعودية بما يقارب ال8400 وتتفاجأ عند الكاونتر في يوم السفر بأنه لايوجد لديك حجز وبعض الأحيان تكون تحتاج لدفع الضرايب.

فنصيحة يااستخدموا مواقع الخطوط الرسميه أو إكسبيديا هم أضمن شي.