اقتباس:
المشاركة الأصلية كتبت بواسطة ابو سمير
هلا فيك رافا انا والله بالنسبه لي ودي يفتح السفر لانه مجرد الشعور والاحساس انك ماتقدر تسفر تضيق خلقك شوي كل ممنوع مرغوب وحتى لو يفتح السفر اول شهر من إستئناف الرحلات ماراح اسافر الى ماشوف كيف الوضع بيكون بالمطارات والاجرئات الحترازية المتخذه بالمطارات وبنفس الوقت تخف الزحمه شوي لانه راح تكون زحمة فوق المعتاد وتوقع حتى اللي ماله بالسفر راح يسافر من بعد تعب سنة كاملة من الحجر الصحي الناس من الطفش رجعت تلعب كيرم اونون ومرت ايام صعبه الله لا يعيدها ويكفينا شر الوباء واهم من هاذا كله ولله الحمد مافقدنا ناس غاليين علينا وعدت بسلام والحمدلله عايشين بخير ونعمه وصحة بس ودنا نغير جو من بعد الحجر المنزلي سببلنا كائبه وان شاء الله يفتح السفر ونغير جو وتكون ذكريات في صفحة الماضي ولا تنعاد
ياهلا فيك أكثر ياخوي الغالي ابوسمير ...
أنا ماكنت أعنيك أو اعني أي شخص هنا ..
عندي بعض الأصدقاء كنت اطلب منهم يرافقوني في عدة سفرات من قبل جائحة كورونا وكانوا يتعذرون بأعذار واهيه ..
وبعد الأزمه كل شوي يتذمرون من الوضع الحالي ومع ذلك إذا سألتهم لو رجعت الاوضاع طبيعيه نسافر ؟
قالوا لي نفس مضمون الكلام اللي تفضلت فيه ( نصبر شهر أو شهرين ههههه ) وبعضهم يقول مافيه فايده الحين نخليها بعد رمضان أحسن .
دائماً عواقب الصبر حميده ومثل ماتفضلت مادام الواحد بصحه وعافيه ويستشعر هذي النعمه ويحمد الله ويشكره عليها الباقي ملحوق عليه ...
أدام الله عليك لباس الصحه والعافيه وأن شاء الله الاسبوع القادم نسمع أخبار سعيده .
تقبل تحياتي .