اقتباس:
المشاركة الأصلية كتبت بواسطة تأبط شر
عندي معلومات تسد النفس واتمنى ماهي صحيحه من شخص يهايط علينا دايم انه خوي ناس واصلين يقول التاريخ المقترح 1/8/2021 قبله مافي اي تاريخ مقترح للسماح بالسفر وطبعاً كلها متوقفه على نتائج اللقاح اذا كانت سريعه وخفت الاصابات بالعالم كله او راح يتأجل كمان
الاكيد انه دام اوروبا اصاباتهم مرتفعه مافي سماح
انا لاني واصل ولا شيء لكن كلام خويكم اعتقد صحيح 100%
وزارة الصحة تهدف لتطعيم 80% من الناس (حسب كلامهم) وهذا راح ياخذ وقت ويعتمد على عوامل كثيرة منها تأكد فعاليته التامة واقبال الناس عليه
الاكيد ان المملكة مستحيل تفرط بوضعها الحالي بكونها -ماشاء الله- من انجح وآمن دول بالعالم
حاليا الدول اللي وضعها ممتاز جدا بحسب كل الاحصائيات والارقام:
استراليا
نيوزيلندا
سنغافورة
السعودية
وبما ان استراليا ونيوزيلندا بقارة بقلايع وادرين وتحدها محيطات فما فيه الا سنغافورة والسعودية اللي نجحوا بشكل مذهل وضعهم تمام التمام -ماشاء الله تبارك الله- بحكم انهم دول ضخمة جدا وموقعها استراتيجي
الشاهد انه مستحيل المملكة تفرط بالوضع الحالي المستقر للغاية الا بخطوات محسوبة ومدروسة ومؤكدة ... ترى حاليا الوضع بالمملكة غير متاح بكل دول العالم نعم كل
وانا حاليا بأمريكا ووضعها صعب بشكل مزري مع ان فيه فئة ولا طقّت خبر ووضع كاليفورنيا كارثي ومشاهد ايطاليا واسبانيا بدأت تنتشر وكل المستشفيات بأمريكا على اعلى سعتها
هذا رابط لوضع الدول الحالي :
Safe Places To Travel During COVID Pandemic - Which Countries Are Safe For Travel Now? - Wego Travel Blog
Australia
New Zealand
Singapore
Zambia
Saudi Arabia
Cuba
India
هذي الدول الوحيدة اللي آمنة على مستوى العالم حاليا
زامبيا اختباراتهم قليلة والهند كذااااااااااااااااااااااا اااابين بشكل مقرف ومقزز
استراليا نيوزيلندا سنغافورة السعودية كوبا ... لو يبدون يسافرون بينهم وضعهم تمام التمام وارشح كوبا جميلة واهلها طيبين بس تعلم اسباني شوي ما يحبون الانجليزي وطاري الامريكان وفي هذا لا الومهم