رد: عناوين بعض مطاعم كازا بلانكا
الموضوع جميل وفيه فائدة لللي جاي سايح لكازا ,
خصوصا وكلنا متفقين انه الشئ اللي يستعصي على الواحد في سفره لبلد معين هو عدم معرفته بالمطاعم الجيدة
انا مشيت تقريبا لكل المطاعم اللي قلتي فوق واغلبها مزيانة بزاف
مع اني كنفضل المطاعم اللي فيها روح مغربية اكثر حتى لو كانت كتقدم طاجين وشهيوات مغربية مية بالمية لكن كيبقى جو المطعم نفسه شئ مهم عندي
من كنت في كازا ديما كنبغي نمشي المطاعم المتواجدة في نواحيها بحال طماريس وهكا
ماعرفت لكن كنبغي نشوف قدامي عائلات مغربية ونسمع هضرتهم وطريقة اكلهم الحميمية ويكون المطعم خاص بالطواجن والماكلة المغربية صافي
وصراحة مطعم سقالة عجيب بزاف حيت كيحسسني اني في مراكش والديكور دياله واعر ومغربي مية بالمية مع ان اكله ماشي واعر ولكن البلاصة جوها مغربي واعر
وعيبه في رمضان الزحام خصك تحجز بلاصة قبل بيوم او يومين ولكن الفطور فيه واعر وطرب اندلسي وموشحات صوفية
عموما المغرب له نكهة خاصة وله بصمة خاصة كتبقى في ذهن الواحد طول عمره وسبحان الله شهية الواحد كتكون مفتوحة وباغي ياكل طاجين وقصرية كسكسو في وقت واحد
وكل مارجعت من المغرب خص واحدة من الشنط تكون عامرة بالحلويات المغربية وبصطيلة وحوايج الطبخ المغربي حيت تعلمت نطيب مزيان :)