وش افضل برنامج شركة طيران لتجميع نقاط الولاء ؟؟

لا يعلى على لاونج الاماراتيه في دبي مدينة متكاملة تحس انك لوحدك وهي مليانه.. و لو كنت طالع اولى لك بتلر خادم لحالك كل شوي يجيك .. القطرية ايضا في الدوحة فخامة على الاولى كانك في مطاعم راقية .. لاونج لوفتهانزا شي خيال وخدمة مميزة .. اخيس شي في العالم اللاونج اللي في مطار شرم الشيخ عشة تكرمون مع سبق الاصرار .

شكرا ben zuraiq
شكرا أسد الأطلس
إجابات موفقة بارك الله فيكم

ياغالي ٧ الاف تحجز بها تذكرتين رايح جاي وتنبسط واذا على الصالات كم رسوم دخولها اعتقد لا تذكر ادفع واستمتع بس اهم شي ماتكون من الي يشحن عفش لان انتظاره كريه جداً انا بكل رحلاتي شنطة وسط اخذها معاي في المقصوره ورتحت من تأخر العفش ومن زحمة السير

الموضوع كان على التوقيت ويوم محدد بذاته .. طلعت دبي على طيران ناس ٨٠٠ ريال فقط ذهاب و عوده لكن حجزي كان بدري و فيه مرونه بالايام و طلعت مره ب ٨٠٠٠ ريال لكن كنت مظطر اسافر بكره .. هي سوق تقدر تخارج نفسك مرات كثيرة .. على فكره لاونج الفرسان اكيد مايقبل بطاقات ائتمانيه .. بس مدري عن الفلوس .. ماتذكر اخر مره شحنت عفش .. زي ماتفضلت شنطة سحب و شنطة ظهر كافيه ..

المضطر يركب الموج

ماهو كل لونق بفلوس ولا كل بطاقه ائتمان تسمح بالدخول. الموضوع اذا انت تسافر المغرب كثير، وعلى خطوط معينة، الافضل اشترك في العضوية ماتخسر شي. بالعكس يعطونك تخفيض بشراء الكراسي المريحه في الرحلات الاقتصاديه بعد ووزن زياده تشحن. بدون ماتخسر اي شي.
الفكره اذا استمريت راح تحصل على اميال وترقيه ومميزات اكثر. من تجربة شخصيا.
ترقيه مجانا من بزنس الا درجه اولى. في البوردنق قبل تركب يغيرون لك الكرت.
دخول صالات في اوقات انتظار ترانزيت.
خصومات. هذي الاشياء ماتجي مع البطاقه الانتمانيه. معروف مميزات البطاقات حسب النوع.
المفضل لي من ناحية العضوية وباين من المستوى العالي لخطوط الطيران.
السعوديه، القطرية، الاتحاد، الاماراتيه، التركية..
بطاقه الفضية حاليا الاتحاد للطيران ومن تجربة اكثر من ممتازه.
اذا بغيت احجز على بزنس وانا على درجه سياحية اسدد قيمه المبلغ بحساب النقاط.
اخذت تذكره ذهاب وعوده ثلاث مرات الا المغرب على درجه السياحيه بستخدام حساب العضويه. فقط دفعت ضريبه الطيران للتذكرة ، اظن كان بحدود 700 ريال بس.
لو سفراتك قريبه ماراح تستفيد من البرامج، لكن اذا بعيد ودايم تسافر فنعم.
الحين عشان ازمة كورونا، جميع الخطوط وقفت مستوى اعضاء البطاقات والاميال وكذا على ماهو عليه بدون اي تنزيل عشان نستفيد اذا رجع السفر. لأن المعتاد اذا ماتسافر كثير ينزل مستوى البطاقه.
ودمتم سالمين.

شكرا يا اسد انا خلاص بنكي هو الانماء والانماء هو بنكي هههه بحولهم كل فلوسي وبفتح عندهم محفظة الاسهم ديالي قالوا بيطلعون لي بطاقة السفر ديال الدرهم واللي تدخلك الصالات ياسلام انا جاهز للسفر بس وين السفر عشان ماتقول يعلن بنك الاستثمار ممتاز كمان كل البنوك الشابه رايعه

المثل المصري الشهير يقول اللي معاه قرش محيره يشتري حمام ويطيره
مدري اذا هو مصري بس انا سامعه بفيلم محمود عبدالعزيز جري الوحوش هههه
7 الاف على تذكره هذي يازينها بالاسهم ترعى بدل تذكره تطير خخخ
بس العفش ضروري نطول بالمغرب + نحمل من سكري القصيم للحبايب هههه

اهم شي والله الدخان مسموح والاكل برضه مهم هههه كله مهم

كفو يالعمده هذا الكلام وابشرك حتى البطاقه ضبطناها نبي نجيهم من كل جانب هههه
دامني مسافر مسافر وش يضر خل الحسابه تحسب والله يا سافرت للمغرب بالعشرات حرام ما كنت افكر فيها بس يالله اللي فات مات كلمت شركات الطيران اللي قد سافرت معهم يحسبون لي نقاط زمان قالوا صاحي انت ههه نحسب لك اللي مضى عليها ست اشهر وعشان الكوفيد سنة وانا اخر مرة سافرت قبل سنه ونص حزر فزر لوين؟ لاثيوبيا ههههههههه ديرة ابن زريق لا والله كانت للمغرب ومن المغرب والى المغرب وبالتحديد طنجه الحب والحب طنجه وانا حبيب طنجه وطنجه حبيبتي هههههه