وش افضل برنامج شركة طيران لتجميع نقاط الولاء ؟؟

اثيوبيا ههه لا تروح ههه.
ياحبي لاهل طنجة حتى لهجتهم جميله.
تصدق قبل اللي يجونها من الشباب ينعدون على الاصابع، أغادير ساحبه البساط، من النادر تشوف اي شي يزعجك. ورخص وتعامل طيب وشقر وحمر هههه

ايه مزيون بس بنطقهم اذا سمعتها جابت راسي هههه مِزيَوَن هاكا هههههه
انا كنت اروح اغادير بس ما طولت سبحان الله العرق دساس وانا شمالي العرق والهوى هههه على طول قلت ما لي برمضا اغادير مقيل مع انه مب رمضا الرمضا والله بنجد بنت المجد هههه قلت ابي اقصى الشمال المزيون هههه ومن يومها صرت حبيب طنجه خخخ ترى للحين كثير ما يعترفون فيها يا لبيه بس اجل لو تعرفون المدينه الصغيوره اللي اروح لها مافيه الا انا شرطاني سوداء هههه انا متاكد الي كاتب لف شرطان الذهب فوق المتون لفها يوم التوت فوق البياض كان بطنجه انا هذي اغنيتي اذا صرت بالسيارة لطريق لطنجه اما اذا رحت بالقطار البراق اشتري سماعات عشان اسمعها افحمتكم بالتفاصيل هههه

اثيوبيا بيروح لها حبيبنا ابن زريق اذا ما قدر على تذكرة البزنس ههههه نمزح نمزح يطقطق علينا نردها له على خفيف هههه

السلام عليكم
يسعد صباحكم / مسائكم بكل خير
ما هو افضل برنامج ولاء بالنسبة لشركات الطيران ؟
بما اننا ذكرنا برنامج الولاء فمعنى ذلك هذا ينقسم الى شقين
الاول كيف تكسب اكبر قدر ممكن من النقاط ؟
و الثاني كيف تستفيد من النقاط او استبدالها بتذاكر ؟
بالنسبة لنا في السعودية من وجهة نظري القاصرة ان افضل برنامج ولاء لشركات الطيران هو برنامج الفرسان من الخطوط السعودية طبعا هذا بشكل عام و يبقى لكل شخص ظروفه الخاصة به و ذلك لاسباب كثيرة ألا و هي
1 - التذاكر الداخلية غير محتسبة الا على الخطوط السعودية ( و اكبر مستفيد من هذه النقطة هم الموظفين اللذين تكثر انتداباتهم الداخلية فهو يحصل على تذاكر مجانية و يكسب من سفره نقاط )
2 - بالنسبة للمسافرين على درجة رجة الاعمال كل نقطة مكتسبة تحسب بنقطة و نصف
3 - هناك بطاقات ائتمانية من بنوك محلية لها شراكة مع الفرسان يعني كل ما اشتريت بالبطاقة تحسب لك نقاط و بهذه الطريقة تحصل على نقاط مضاعفة حيث انك تكسب نقاط من البطاقة الائتمانية اذا اشتريت التذكرة بها و تكسب نقاط اذا سافرت بالتذكرة
4 - هناك شركاء محليين كثر مع برنامج الفرسان يمكن ان تكسب نقاط اذا اتعاملت معاهم
5 - ممكن ان تضيف العائلة معاك في حسابك بالفرسان و بالتالي كل ما سافر فرد من افراد العائلة تحسب لك
6 - النقاط المكتسبة ممكن ان تهديها
7 - ممكن ان تشتري نقاط
هذا ما امكنني حصره في الوقت الحالي
و بالنسبة لبطاقات البنوك
فهناك بطاقات ائتمانية تمكنك من الدخول لصالات الدرجة الاولى في معظم مطارات العالم و هذه تختلف من بطاقة الى اخرى فهناك بطاقات تسمح بالخول لحامل البطاقة فقط و هناك بطاقات تسمح بالدخول لحامل البطاقة و شخص اخر معه كما انك كل ما استخدمت هذه البطاقة تكسب نقاط و يمكنك ان تستبدال النقاط المكتسبة بتذاكر طيران على اي شركة او اقامة في في اي فندق في معظم مدن العالم او استئجار سيارة
و هذه البطاقات كل البنوك لديها و كل بنك له اشتراطاته الخاصة للحصول على هذه البطاقة
اتمنى اكون افدتكم
لكم كل الحب و التقدير

__________________
لا تأسـفن لغـدر الـزمان لـطالمـا
رقـصـت عـلـى جـثـث الأســود كـلاب
لا تحسبن الكلاب تعلو برقصها
تظل الأسود أسود و الكلاب كلاب

وعليكم السلام والرحمه
ماقصرت يابوعبدالله كلام مرتب وجميل وواضح ومحدد اشكرك على اضافتك الجميله انت ومهتم عطيتونا الزبده والعلم بدون قصور بالباقين
بس مابي الفرسان معند هههه منب راعي سفر محلي + بييصير عندي قريبا بطاقه تدخلني كل صالات العالم ان شاء الله يبقى النقاط يا الاماراتيه يالقطريه ويمكن المغربيه بحكم سفراتي كلها للمغرب باقي ما قررت بقرر اذا جيت احجز ان شاء الله بعد كم اسبوع
مشكور استاذنا على اضافتك وجعلك سالم نعم افدتنا لاهنت