وش افضل برنامج شركة طيران لتجميع نقاط الولاء ؟؟

انا اجيها من نيو يورك .... تقدري تشتري اميال وتكمل اللي عندك وتقعد بالبزنس...وصدقني اذا ركبت بزنس مرة بعد ما تتركها

انا اشتراكي وضد الطبقيه هههه
شوف انا اقدر ادفع زود 3 الاف او 4 الاف ريال واخذ بزنس بس هالمبلغ يفرق معي يعني صح اقدر بس مبلغ زي كذا استفيد منه بحاجات ثانيه يسكني شهر بطنجه ههه + الحمدلله شباب ووزني زين وخفيف وراس مالها ست او سبع ساعات وين اجدادنا يروحون سوريا والعراق ببعارين وطريق الحج ياخذ معهم شهرين جدي حج الطريق اخذ منهم شهرين
ماودك تتدلع النفس اكثر من اللازم احد الصحابه كان يقول اخشوشنوا فان النعم لا تدوم ونسأل الله شكر نعمته وان يديمها ويجعلنا من عباده الشاكرين "ولئن شكرتم لأزيدنكم"
مدري اذا فكرت بعيد هههه شكلكم تقولون تبريرات بخيل ههه بس صدقا هذي وجهة نظري ومبدأي

وجهة نظر تحترم ياخوي لكن بالنسبه لدرجة رجال الاعمال لها ميزات وخدمه تستحق دفع المقابل المالي ، الاستمتاع بالصاله الخاصه ، الخدمه داخل الطائره ، رحابة المقعد ، زياده في حمل الوزن ( العفش) ، عند تختيم الجواز استخدام مسار الدبلوماسيين وهذي بحد ذاتها تغنيك عن الانتطار ساعه وساعتين في طابور الدرجه الاقتصاديه او السياحيه .

وكل شخص حسب امكانياته ورغبته وصدق أبن زريق إذا تعودت على البزنس صعب تتركها .

__________________
لاتسمع كل ما يقال ولا تقول كل ما تسمع.

وينك يا الضايع لوست دحموني الكاشات هههه هذولا اللي اذا ركبنا طياره عطيناهم نظرة ياحظكم وعطونا نظرة ياشين الفقارى ههههههه هههههه

اشكرك
باخذها حبه حبه
الخدمه داخل الطياره ماتفرق معي صراحه لاني اضرب اكل بالمطار عاده عندي والمقعد انا منب ثقيل ولا يفرق الوزن والعفش اكره شي عندي لدرجة اني تجي سفرات اخذ شنطة يد اما الانتظار دامنا بنوصل بنفس الوقت ماتفرق هههه بالعكس احسن اتاخر عشان اعط زقاره قبل الاقلاع ههه وتراك قديم ياشين الاغنياء مايعرفون عن الطبقه العامله ههه هالحين ينادون بالزون zone by zone مافيه انتظار وقوف ولا عشر دقايق انا اركب اخر واحد بالطياره انا مدخن شره سبع ساعات بدون زقاره صعيبه بالزاف

نجي للصالات هذي صدقت بس مب شرط بزنس تدخل اي صاله لا حسب طيرانك وهذي محلوله ان شاء الله نبي نشترك بأميال القطريه او الاماراتيه وندخل ميدنا ميدكم ههههه الزبده كل شخص وظروفه ولكن انا اشوف البزنس مايسوى خاصه انا اغلب سفراتي خارج المواسم فبراير/مارس/ابريل و اكتوبر/نوفمبر وهذي الاقتصادي صف كامل فاضي تاخذ راحتك عالاخر

والله يا انا ما اصلح تسويق ابد ههههه

من ناحية انك ماتصلح تسويق بالعكس تصلح بس في ذا النقطة لا ماراح تمشي .. الاعمال لو مافيها مميزات تسوى ماصارت دبل الدبل .. لكن ظبط نفسك مع بنك محلي تعرف مديرة لاصدار بطاقة فيزا او ماستر كارد قوية بدون رسوم .. وهذي تدخلك معظم اللاونجات في العالم و يمكن هذا اهم شي .. اذا كان الشخص من اهل التخطيط المسبق لرحلاته و عارف بالظبط متى بيروح فالحجز بدري على الاعمال يوفر الكثير .. مثال حي : اللي حجزوا اول يوم من اعلان فتح السفر على الاعمال وفروا اكثر من 2000 ريال .. اللحين بعد ماامتصوا الناس صدمة الفرح تعال دورها

والله مدري انت تمدح او تنتف بس مقبوله ههههه المشكله اكبر واسطه اعرفها موظف بمؤسسة النقد احسبه مدير كبير طلع صراف ههههههه بس نبي نطلعها بخشم الريال احم احم بس وش نقولهم عطونا اسم بطاقه تدخلك اللاونجات اروح للبنك اقوله ابي بطاقه تدخلن اللاونجات اخاف يقولون وش ذا القروي ههه شكلها الماسيه ماعندي مشكله برسوم بس مب اكثر من 500 ريال بالسنه
وفر اكثر من الفين وبيدفع اكثر بالفين لهم لهم مب لنا

ايه .. قله ابي بطاقة ائتمانيه تدخلني اللاونجات .. مالها دخل بالقراوى ولا غيره .. و يقدر يصدرها لك مجانية على الاقل مدة صلاحيتها .. الاعمال على السعودية يوم ١ ابريل من الرياض دايركت كازا حجزت كلها في ٢٤ ساعة كانت حوالي ٤٥٠٠ ذهاب فقط ..بعدها بيومين اللي هو السبت بفوق ٧٠٠٠ ريال .. خشم الريال كويس و مزيان بس الصيد انواع فيه في المغرب و فيه راعي الحبشة وفيه صيد التخطيط

لا والله عادي مو بخل ولا شي بس كل واحد له نظرة....قبل طيارة نيويورك فاضية انسدت بالايكونومي بس اذا فل مالك الا البزنس..واذا عالخشونة شرايك اجازتك تقضيها باثيوبيا تصيد هناك عشان تصير خشن ههه...بالاجازة يبيلك راحة وتدلع نفسك كلها مرتين او ٣ سنة ...مع الأميال راح تستفيد وايد

ههههههههههه زينه الحبشه ودي بها والله ولو اني مب راعي صيد بس احب التاريخ بس المغرب ماتخلينا نروح لشي خخ
عندي سالفه على طاري السفر لغير المغرب مدري تبونها او لا هههه تراها طويله من الحين احذركم
الراحه والدلع يا صاح بأرجيله على شط هوى طنجه بالجو الزين والهوا العليل ياصاح الله يجيبها على خير ان شاء الله بضبط عمري بالاميال مع القطريه او الاماراتيه او المغربيه مب عشان بزنس عشان البوفيهات اللي باللاونجات واهم شي مسموح الدخان والا يعرفون وين يحطون لاونجاتهم فيه