عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


قسم الاسئلة و الاستفسارات عن المغرب اطرح استفسارك عن اي شئ يتعلق بالسفر للمغرب في هذا القسم .. للحصول على مزيد من المساعدة

فحص كورونا والسفر

إضافة رد
 الصورة الرمزية أسد الاطلس
أسد الاطلس
مزعوط برونزي
المشاركات: 551
تاريخ التسجيل: May 2020
أسد الاطلس غير متواجد حالياً  
قديم 2021-01-26, 08:23 PM
  المشاركه #21
اقتباس:
المشاركة الأصلية كتبت بواسطة حبيب طنجة مشاهدة المشاركة
ارحب يا اسد
اللي طلبها موظف الخدمات الارضيه بمطار الملك خالد الدولي بالرياض يقول ما تركب الطياره الا بتذكرة عوده قلت من متى النظام لاني قد سافرت بدون عوده قالي النظام قديم شوي بس مشددين علينا
هالكلام قبل الحظر بست او سبع شهور
الرحله ما كانت على السعوديه بس يقول ماتفرررق لانها متطلب من الحكومه المغربيه ويوم رحت لمكتب الطيار اللي بالدور الارضي قال المغرب قلت ايه قعد يضحك متعود ههههه يقولي واحد بالطياره كاثرين اللي يروحون ويجلسون اكثر من ثلاث شهور ويبلشون بهم هناك عاد يمكن هذا السبب يمكن لا الله اعلم

ترى انقل لكم تجربه صارت لي منب انقلها عن احد واغلب المزاعيط يروح بتذكرة ذهاب وعوده اصلا بس انا قلت بروح بدون ما افكر بتاريخ معين كذا نفسيا اذا لازم ارجع ارفع التيليفون واحجز بس ادحموني الموظفين وفعلا حجزت بس يوم وصلت الغيتها خخخخ الصراحه ما الغيتها خليتها مفتوحه واسمحوا لي قالوا خليناها لك يوم محدد بس تقدر تغيرها لاي وقت وبدون رسوم بس بحسب المتاح قلت تمام يعني المتطلب بس يبون مرجع ويدخلونه بالنظام عندهم لاني زعلت على الموظف قال والله ما اقدر فيه خانه لازم ادخل فيها رقم حجز مؤكد

جبت لكن قصه من قصصي في المطار هههه


مشكور اخوي حبيب طنجة .. اللي اعرف تذاكر ذهاب و عودة عند استخراج فيزه مثل الشنقن .. موظف السعودية اليوم يقول عادي ولا جانا شي بهالخصوص ..
رد مع اقتباس
 الصورة الرمزية حبيب طنجة
حبيب طنجة
مزعوط مميز
المشاركات: 297
تاريخ التسجيل: Jan 2021
الدولة: الرياض
حبيب طنجة غير متواجد حالياً  
قديم 2021-01-27, 01:56 AM
  المشاركه #22
اقتباس:
المشاركة الأصلية كتبت بواسطة أسد الاطلس مشاهدة المشاركة
مشكور اخوي حبيب طنجة .. اللي اعرف تذاكر ذهاب و عودة عند استخراج فيزه مثل الشنقن .. موظف السعودية اليوم يقول عادي ولا جانا شي بهالخصوص ..
العفو يا أسد
شوف وحده من ثنتين يا ان صاحبك ما يعرف هالنظام ولا قد مرت عليه حاله زي كذا او ان الموظف اللي كان بالخدمه ذاك اليوم عقدها بزياده
انا ارجح انه هذا نظام عندهم بس ما يشددون فيه ولا ينتبهون عليه الا اذا جاء واحد وعقدها لان ذاك الموظف ما جاز لي ابدا اسلوبه يقول انتم ياحقين المغرب وانتم ياحقين المغرب سلامات ؟؟ بس اكيد ماجابها من راسه هي موجوده بالسيستم عنده متأكد بس الله العالم ان اغلب الموظفين يمشيها ويكتب اي حاجه او انه اصلا نادرا تجيهم حالات زي اللي يروح وماعنده تذكرة عوده
برحلتي كان معي شايب تلاقط هو واياه يقوله الشايب عيالي هناك وشغلي قال مب شغلي وجاء واحد يقول انا طالب ببريطانيا حاجز للمغرب اجازه بعدين اروح بريطانيا واجبروه على تذكرة العوده حاجه غريبه

هل اذا كانت على غير السعوديه صار الوضع مختلف ؟؟ ممكن بس غباء هذا سلامات وش دخل الخطوط بموضوع زي كذا
المهم هذا اللي صار لي ونبي المزاعيط يقولون لنا اذا واجهوا حاجه زي كذا بالسنوات الاخيره بس تكفون فكونا من خويي وصديقي واعرف واحد نبي تجربتك انت عشان نشوف الوضع لانه مهم والا لا
رد مع اقتباس
 الصورة الرمزية حبيب طنجة
حبيب طنجة
مزعوط مميز
المشاركات: 297
تاريخ التسجيل: Jan 2021
الدولة: الرياض
حبيب طنجة غير متواجد حالياً  
قديم 2021-01-27, 02:02 AM
  المشاركه #23
اقتباس:
المشاركة الأصلية كتبت بواسطة Ghanem20 مشاهدة المشاركة
تبشر بالجنة ، نبغاك تجمع عصارة الخبرة والمواقف الحلوة والسيئة اللي واجهتها في طنجة

طنجة جيتها قبل سنة الصراحة مدينة واااعرة لكن السكن صعب تحصل اللي تبي

سم وابشر يالغانم
طنجه كلها حلوه يالزميل ودامك طلبتني فابشر بس الله يعينكم على القراءه الله العالم اني بكتب موضوع يصلح كتاب هههه
تراي كتبت عن تطوان بتفصيل هنايا

لم يعد الصخب يغريني اقتراحاتكم

تعبروا فيها لين اتوسع بطنجه بموضوعي القادم ههه حسيت اني منزل سنقل قبل الالبوم هههه
رد مع اقتباس
 الصورة الرمزية كوفيد20
كوفيد20
مزعوط مميز
المشاركات: 487
تاريخ التسجيل: Sep 2018
كوفيد20 غير متواجد حالياً  
قديم 2021-01-27, 02:37 AM
  المشاركه #24
فحص كورونا والسفر

انا مره وحده فقط حجزت ذهاب بدون عوده قبل ثلاث سنوات

كانت وحلتي ترانزيت من مطار الملك خالد على طيران البحرين الخليج الى البحرين 3 ساعات وثم الى كازا

المهم يوم جيت اقص البوردينق في مطار الملك خالد قالي الموظف لازم تذكرة عوده

قلت له بدل غير قال لازم هذا شرط للمغرب او يكون عندك تاشيره في جوازك من السفاره تطلعها ماعرفت وش يقصد

ماتجادلت معاه كثير عشاني كنت متاخر والرحله مابقى لها كثير

فا قلت له طيب دقيقه ورجعت ورى خطوتين فاتعرفون اخوكم خبير وحريص من ناحية الحسابات البنكيه هههههههه

المهم رجعت خطوتين الى الوراء وفكرت في 10 ثواني حددت موعد عودتي التقريبي وفتحت تطبيق ويقو وحجزت اونلاين باعتبار عندي فلوس في احد بطاقات الفيزا اللي معي و تقدمت خطوتين وعطيت الموظف حجز العوده ومشت الامور والحمدلله ورجعت على نفس حجز العوده
رد مع اقتباس
مهتم
مزعوط قدير
المشاركات: 195
تاريخ التسجيل: May 2019
مهتم متواجد حالياً  
قديم 2021-01-27, 05:49 AM
  المشاركه #25
سافرت بتذكره وحده ذهاب. قبل الحجر بشهرين المغرب وهذي المره الثانيه اللي اسويها. اكيد الموظف معقدك. تصير صحيح اذا يبغي يعطلك. ترى في قليل من يسمع المغرب يشتغل الحسود اللي داخله هههه. هذي شنقن او دول من متطلبات الفيزا تذكره ذهاب وعوده راح يطلبونها الخطوط وجوازات البلد اللي بتسافر له هناك. خطوط الطيران مسؤولين اذا سفروك يتأكدون من شروط الفيزا فيها اذا فيها نقص. المغرب ما يطلب تذاكر ضمان عوده. يعرفون بترجع يالحبيب. لو فيه شي جديد بتشوفها بشروط دخول المغرب للخليجيين.
السؤال اللي ممكن يصير، هل المغرب راح يطلب شهاده تلقيح للمسافر او لا مستقبلا؟ ممكن جايز.
ودمتم بصحه وعافيه.
رد مع اقتباس
مهتم
مزعوط قدير
المشاركات: 195
تاريخ التسجيل: May 2019
مهتم متواجد حالياً  
قديم 2021-01-27, 05:55 AM
  المشاركه #26
وبعد اسافر على خطوط طيران تدكره ذهاب فقط. لين مايطيح اللي براسك. العوده اقص تذكره على خطوط ثانيه، مايعجبني رجعه وقت الصباح واكون بعيد تمسك خط اخر ليله هههه ولا في اي مشكله.
رد مع اقتباس
 الصورة الرمزية حبيب طنجة
حبيب طنجة
مزعوط مميز
المشاركات: 297
تاريخ التسجيل: Jan 2021
الدولة: الرياض
حبيب طنجة غير متواجد حالياً  
قديم 2021-01-27, 06:42 AM
  المشاركه #27
اقتباس:
المشاركة الأصلية كتبت بواسطة كوفيد20 مشاهدة المشاركة
انا مره وحده فقط حجزت ذهاب بدون عوده قبل ثلاث سنوات

كانت وحلتي ترانزيت من مطار الملك خالد على طيران البحرين الخليج الى البحرين 3 ساعات وثم الى كازا

المهم يوم جيت اقص البوردينق في مطار الملك خالد قالي الموظف لازم تذكرة عوده

قلت له بدل غير قال لازم هذا شرط للمغرب او يكون عندك تاشيره في جوازك من السفاره تطلعها ماعرفت وش يقصد

ماتجادلت معاه كثير عشاني كنت متاخر والرحله مابقى لها كثير

فا قلت له طيب دقيقه ورجعت ورى خطوتين فاتعرفون اخوكم خبير وحريص من ناحية الحسابات البنكيه هههههههه

المهم رجعت خطوتين الى الوراء وفكرت في 10 ثواني حددت موعد عودتي التقريبي وفتحت تطبيق ويقو وحجزت اونلاين باعتبار عندي فلوس في احد بطاقات الفيزا اللي معي و تقدمت خطوتين وعطيت الموظف حجز العوده ومشت الامور والحمدلله ورجعت على نفس حجز العوده

ارحب ارحب يالكوفيد الف شكر على الاضافه الحمدلله طلعت مب بس انا ههههه

هذا اللي صار لي بالضبط ورحلتي كانت على العمانية Oman Air وسويت نفس اللي سويته انت
اخذت خطوتين لوراء بس رحلت اجلس ههه تنفست بعمق فتحت الجوال فتحت تطبيق ويقو حجزت العودة بتاربخ تقريبي على طيران الخليج وصلن ايميل تأكيد الحجز رحت للموظف قال نبي رقم التذكره اللي معك رقم تأكيد لازم تصدر التذكره مدري غلس غلس او كرهني او حاسدني او نظامي الله اعلم بنيته
المهم كلمت الشركه اللي حجزت منهم اوروبيين حلوين قالوا حجزك تمام والتذكره يبي لها وقت عشان تصدر من ساعه لثلاث ساعات والرحله توها انا اجي بدري وساكن حدا المطار هههه بس انتظرت ساعه الا شوي وكلمتهم قالوا فيه مشكله تقنيه لكن حليناه انتظرت ويوم حسيت اني دخلت مرحلة الخطر وانا حسيت اني بديت افقد اعصابي واعطها زقارة برا قلت مهب ورع متوظف امس يعكر مزاجي وعلى ايش على اكثر شي يصفي لي مزاجي وهي المغرب قلت مابدهاش نزلت للمكتب الطيار اللي بالدور الارضي وصدرها لي بخمس دقايق وكلمت الشركه وما قصروا معي الغوها على طول ورجعوا لي الفلوس على الفيزا خلال ساعات

يوم جبتها للموظف حجزت العوده بعد يمكن حول شهرين يناظرها قال وش عندكم انتم بالمغرب ياخي انتم حقين المغرب قلت له تذكرتي فيها مشكله ؟ قال لا الحين مضبوطه قلت جزاك الله خير خلنا نلحق الرحله

للاسف كثير يتكلمون عن موظفين جده انا ما شفت من موظفين جده الا كل خير موظفين مطار الرياض للاسف كثير منهم يكلمك من ورا خشمه ولا هو فاضي لك مدري وش شغلته وفيهم لقافه

كوفيد اتوقع يقصد بالتأشيره اقامه مغربيه انا ماعندي اقامه اللي عندهم اقامه هل يحطونها بالجواز زي فيزا السفر ؟؟ اتوقع ايه وهذا الي يقصده الموظف
اشكرك
رد مع اقتباس
 الصورة الرمزية حبيب طنجة
حبيب طنجة
مزعوط مميز
المشاركات: 297
تاريخ التسجيل: Jan 2021
الدولة: الرياض
حبيب طنجة غير متواجد حالياً  
قديم 2021-01-27, 06:54 AM
  المشاركه #28
اقتباس:
المشاركة الأصلية كتبت بواسطة مهتم مشاهدة المشاركة
سافرت بتذكره وحده ذهاب. قبل الحجر بشهرين المغرب وهذي المره الثانيه اللي اسويها. اكيد الموظف معقدك. تصير صحيح اذا يبغي يعطلك. ترى في قليل من يسمع المغرب يشتغل الحسود اللي داخله هههه. هذي شنقن او دول من متطلبات الفيزا تذكره ذهاب وعوده راح يطلبونها الخطوط وجوازات البلد اللي بتسافر له هناك. خطوط الطيران مسؤولين اذا سفروك يتأكدون من شروط الفيزا فيها اذا فيها نقص. المغرب ما يطلب تذاكر ضمان عوده. يعرفون بترجع يالحبيب. لو فيه شي جديد بتشوفها بشروط دخول المغرب للخليجيين.
السؤال اللي ممكن يصير، هل المغرب راح يطلب شهاده تلقيح للمسافر او لا مستقبلا؟ ممكن جايز.
ودمتم بصحه وعافيه.

مشكور يامهتم والله مدري هو حسد بس وش عليه هذا لو يشتغل بالصاله الملكيه وش بيقول هههه والا حبكت نظام والا بعض المرات تعرف يجيهم تعاميم ويشددون بفترتها وبعدين يتساهلون
ايه مضبوط معروف الدول اللي تبي ذهاب وعوده المغرب انا قد جيت المغرب من برا السعوديه بتذكرة ذهاب ولا صار شيء الله اعلم عن السبب بس لو تقولنا على اي طيران كنت حاجز ومن اي مطار طلعت عشان نحاول نطلع بتحليل معين مع الشكر
على فكره فيه كثير هناك خليجيين جالسين بدون اقامه بعضهم يطلع كل ثلاث شهور لتونس ويرجع وبعضهم يقول احلها اذا جيت برجع وهذا خطأ طلع اقامه وربح عمرك سهله جدا والا انضبط ولا تجلس اكثر من 90 يوم ياغريب كن اديب
اتوقع مو بس المغرب اللي يطلبها اغلب دول العالم بتطلبها بس ينتظرون تكتمل اللقاحات الحين فيه اربعه والخامس جاي الاسبوع الجاي يعني من شهرين لثلاثه بتتضح الامور والله يطرح بهن البركه
رد مع اقتباس
 الصورة الرمزية أسد الاطلس
أسد الاطلس
مزعوط برونزي
المشاركات: 551
تاريخ التسجيل: May 2020
أسد الاطلس غير متواجد حالياً  
قديم 2021-01-27, 07:23 AM
  المشاركه #29
صبحكم الله بالخير جميع

كانك حاجز ذهاب فقط .. حدد يوم معين للرجعه في بالك و اذا قال الموظف لازم تذكرة عوده اطلب المشرف اذا معك وقت تلقاه يدوج حولهم .. اساله اذا صدق افتح تطبيقك و احجز على يومك اللي في بالك .. دقايق ..ولا تحاكي الموظف ولا عليك منه وان بغيت تثبت الرحلة بعدين او تلغيها فحسب التذكره فيه برسوم و فيه بدون ..
رد مع اقتباس
مهتم
مزعوط قدير
المشاركات: 195
تاريخ التسجيل: May 2019
مهتم متواجد حالياً  
قديم 2021-01-27, 12:23 PM
  المشاركه #30
لا يشترط تذكره عوده، نظام واضح. اذا في جديد بتشوفه بشروط دخول المغرب. المسموح 90 يوم من تاريخ الدخول هو الشرط الوحيد. لا يجي موظف خطوط يتفلسف عليك. لو موجود كان من ضمن الشروط حجز ذهاب وعوده. مثال الشروط الجديده اللي جات على كورونا وهذي مؤقته. بالعربي عادي ... بالنسبه للرحله كانت الإتحاد.
الدمام-ابوظبي-كازا
ذهاب بس. وليتنا جلسنا هناك مارجعنا هههه وا اخا الشريف الطنجاوي،
تصير مواقف زي كذا بالمطار كثيره...
شوف عندك هذا الموقف في المغرب،
جيت في سنة 2005 ، وجالس صار لي اسبوع. كنت في الرباط وتمسك في ليلة فيها "ليتك معي ساهر ليل الهوى كلّه" ههه
إني اسافر تركيا خمس ايام وارجع، واقص تذكره ثاني يوم ذهاب لتركيا وعوده للمغرب على الخطوط المغربية، رجعت وكملت 12 يوم من بعدها، والظروف تسمح.. المراد يوم اللي جيت بسافر لتركيا من مطار كازا ويقول لي موظف الجوازات. يشبه غليص في المسلسل البدوي هههه، ماكاينش الفيزا. قلت وشهو رايح تركيا يعطوني اياها من المطار. انا قلت شكله يتميلح. الا الرجال مصمم،
يقول سير للمكتب، ويأشر عليه. وروح الا هالطير الرسمي ابو ثلاث نجمات. جالس في المكتب دخلت واعرف الحق لي، يوم شفت هديت لو يقولون ارجع وكنسل التذكره، ارجع. تكلمت ياخي هناك بس خلك متزن ووسيع بال تسلك امورك. وتسمعني بعدها قالت سير بسلامه، خمس دقايق ما اخذت.
القاعده دايم اذا تسافر بلد ضروري تعرف متطلبات الفيزا او الدخول ومعلومات عن البلد حسب المصادر الموثوقه. تكون فاهم ولا احد يتفلسف عليك ولا تقع في مواقف في غربه وانت تجهل الأنظمه للسائح او علاج او اقامه او دراسه او عمل كلها لازم تعرف قبل لا تسافر الصغيره والكبيره بالنسبه للفيزا.
عاد موروكو حافظين شروطهم عن ظهر قلب.
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع


الساعة الآن 12:46 PM