فحص كورونا والسفر

ههههههههه افا اجل ضاعت علومك يوم شفت ابوثلاث نجمات لا ويجيك يميل القبعة تقول غزال تايه ههههه والله انك صادق اذا هو نظام وش النظام وليش ماتعمه وتنبه عليه وتوضحه واذا هو اجتهاد ليش ماتخلي اجتهادك عندك ولا تشغلنا فيه بس الله اعلم ان موظفين الرياض مزعجين وبراسهم حرش لان للحين كل المواقف بمطار الرياض والا هانت من الدمام ولا صار شيء

نعم المغرب خلك هادي ووسيع صدر ومبتسم وتزين كل امورك شعب تحرجه الطيبه والاخلاق وعلى سجيته ولا مانع من خفة اليد بين الفينة والاخرى يقولون الاولين لا يخدم بخيل وبرضه يقولون الاولين اللي ما خلوا للتالين شيء اطعم الفم تستحي العين وكذلك اللهم ارزقني وارزق مني احب الامثال انا ههههه

ارحب حبيب طنجة،،
وبيقول المثل الشامي،، بكره يدوب التلج ويبان المرج... ههههه.
الكورونا الافريقي الجديد مسمينهB117 ما ادري وش هالاسم، من يدخل المناسم يصيب ههههه
المهم شهر اربعه، علمني ديرتك الصغيرة اللي تقول حول طنجه وين تزبن. شكلك في أصيلة او القصر الصغير.. ما يعجبك طريقه اكيد تعرفه وانت طالع من ملباطا.

مرحبا حبيب طنجة
انا اشهد ان طنجة تستاهل الحب

نعم انا قد حصل لي موقف قريب من موقفك وموقف العزيز كوفيد وبرضه بمطار الرياض كنت حاجز على الاماراتية الرياض - دبي - كازا وقالوا هات رحلة عودة المشكلة اني كنت بروح من المغرب لأمريكا حاولت افهم الموظف ويقول مب شغلنا فطلعت اللاب توب وحجزت رحلة عودة كان فيها خاصية الالغاء وألغيتها اول ما وصلت المغرب ورجعت فلوسي

انا استغربت وقتها وحاولت اوضح له واثبت له رحلة امريكا لانها كانت محجوزة وعندي تأكيد الحجز والتذكرة وكل شيء كازا - نيويورك بعد تقريبا شهر من رحلة الرياض - كازا لكن الموظف قال مو بيدي لازم عودة وقدرنا نلملم الموضوع بأقل الخساير بعدها صرت حذر جدا بهالخصوص اعتقد والله اعلم انها توجيهات مشتركة لا تصل لنظام لكن تفاهمات والله أعلم لانها صارت لكثيرين لما سألت وانتم اكدتوها

تحياتي لك وللجميع

الشوام عاد اهل الامثال كل هرجهم امثال عندهم ذكاء بالربط عجيب
من طنجه لتطوان لاي مدينه حولها الطرق جبليه واعره واعره بالمعنى حقنا هههه والمعنى حقهم واعره من الوعوره وواعره من الزين انا افضل اسوق قير عادي بهالمناطق والسياره اس يو في معامل النيسان الاكس تريل اسمه الظاهر كذا رهيب بس مب دايم متوفر عند الكراء او هيونداي السنتافي او الجيب مع كرهي للسيارات الامريكيه بس دامها كم اسبوع ماتفرق بس لا تقرب الداسيا حتى العايلي عزمه ضعيف ويطلع اصوات مكينه وشكمان هههه واهم شي بهالطرق تمسك الدركسون صح وتنتبه للطريق مب تطقها رقبه بهالمناظر الساحره ماتدري الا انت قالب بسم الله عليكم هههه متعودين نخاف من البعارين ههه

اصيله واعره بالزاف عن طنجه حول ساعه جنوب والمزاعيط مايعترفون فيها هههه اجيها احيانا امرح احيانا لا وامرح باللبناني ههه قصدي بالقصيمي يعني انام مره جيتها بالصيف ومصادف مهرجان الفن الدولي مهرجان ديال الرسامين والفنانيين وانا ما اعرف امسك قلم والله اني انجح ممتاز والاول على المدرسه وارسب بالفنيه ايام المتوسطه والله اني فرحت يوم رحت الثانوي عشان افتك من الفنيه ههه الله لا يوفق من اضافها ماده حطها نشاط للمهتمين لابوكم وش دخلنا حنا

المهم مره رحت للمهرجان صادفته والا ما دريت عنه المهم انا وواحد صديقي ولد اختي مزعوط قبلي هههه ندور وانا قامط اخاف واحد يعطين ريشه والا يختبرن للحين متعقد وخويي مسوي فاهم ويقدر الفن يدور عليهم ويصورهم مهرجان رسم وموسيقى بس اغلبه رسومات وجداريات شي ما لنا فيه ابد ههه المهم ندور ونطيح بهولنديه ويدردش معها الزميل وتنشب لنا تقول ما اعرف احد هنا جايه للمهرجان ومدري ايش ونسكن باصيله عشانها لقينا شاليه شقه صغيوره على البحر لو اقولكم سعرها ما تصدقون والله انه ب 300 درهم يصحيك صوت البحر تفتح على الشاطي مباشره بس صراحه خليناها تستاجرها كلمناهم وهي تقولهم حدكم 30 يورو مهب سهله الشقرا شديده هههه وهذي من افكار الزميل انها تكلمهم والا انا طقها والحقها زي عبدالعزيز الجنوبي ظهير النصر الله يذكره بالخير الهولنديه نشبت للولد تبي تاخذه معها لامستردام ههه هي من مدينه باقصى الشمال هاوزن او هوازن مب القبيله ههه تعرف اللغه الهولنديه dutch صعيبه بالزاف نسيت بس عزمتنا فيذاك وبيني وبينك عزمتن مجامله والا ماتبين معكر الجو مثلما يقول المثل الامريكي الغبي الفيل في الغرفه كان بالجو غيم بوجودي مع طيور الحب قلت امشي بكرامتي هههه رحت لحبيبتي طنجه راح لها لهولندا قلت والله ما اروح والله اني كارهها عشانها رسامه متعقد والا هي احليله اقولها وش تشتغلين تقول لي خمس سنين امارس التأمل بالرسم قلت ماشاء الله عظيمه هالشغله كم يخصمون التامينات هههههههه

طلعنا عن الموضوع وشو الموضوع اصلا هههه ايه اصيله اصيله صغيره مره قريه صراحه شاطي نظيف مافيها ذيك المطاعم اغلبها مطاعم اسبانيه بس اكرم الله النعمه يحطون شي على اكلهم مدري وشو ماعلينا فيها المدينه العتيقه ههه من كبرها المهم بيوتهم على الطراز الاندلسي والجدران البيضاء الزرقاء ورسمات على الجدران يسمونها فن الجداريات وبيني وبينك اسميه ازعاج الجدران هههه كلام فاضي
اصيله تصلح للي ياخذ شاليه على الشاطي ويعيش كم يوم بعيد عن المدنيه والحداثه والصخب بس اعلمك بالليل ظلام احلف ههه اكيد بالليل ظلام ههه ظلام دامس مخيف وهدوء مزعج ههه انا ما اخاف بس اللي معي كانوا خايفين علاش ما بعرف انا اهم شي حولي دخان وصافي منت ميت قبل يومك ولا مهرب ولا مفر من الموت خلك رجل وواجه الناس والعالم وان مت مات اللي اطيب من ومنك الموت سنة الحياة واللي يقول توي صغير والله لو تعيش لين 70 تبي تنبسط اكثر الدنيا مثل ماء البحر مالح ولا يروي مهما شربت طلعت عن الموضوع مره خامسه ههه واضح فاضي

مدينتي والله ما اقولها هههه ترى مافيها زود بس وما حب الديار شغفن قلبي ولكن حب من سكن الديارا ايييه يا ليلى العامرية

طولت اسف اي سؤال عن اصيله هههه مافيها شي والله بحر نظيف وشاطي هادي وشخبطة جدران وذكريات هولنديه وصافي

ارحب يامرتاح
اسمعها دابا
عساك في ناظري ماشفت
كيف المعاليق يومن لك

ارحب ارحب
اشكرك على الاضافه المهمه والله كلنا نفس الوضع مطار الرياض رحله ترانزيت شكل البلا بالمطار والموظفين تصدق رحلتي كان فيه واحد زيك عنده رحله دوليه بس لبريطانيا مب امريكا والا كان قلت انت ههههه نبي ناخذ الحذر ونحجز عودة لو بتاريخ تقريبي ونخليها مرنه صح والا لا هذا حل وسط
اشكرك

على قولة اخونا صمتك كلام عندك الحق ياحبيب طنجه
اجلوا السماح بالسفر للعيد بعد رمضان وان بقت الامور كذا بيأجل لما بعد الحج والله اعلم

الخبر من العربية

السعودية: تأجيل رفع قيود السفر إلى هذا الموعد

يقولون السبب ما وصلنا لمناعة المجتمع ونحتاج نطعم ناس اكثر
الله يكتب اللي فيه الخير

السفر ملحوق يالربع اهم شي السلام عشرين سنه وانا اسافر المغرب بس الحين السلام اهم

صادق والله ياخوي السلامه والصحة لا تقدر بثمن الله يستر علينا وعلى جميع المسلمين

مادري اصيله وش فيها مميز لكن ماتصلح لاكثر من شخص

بحرها تمشيه على رجولك ومافيها شي مميز

مدينه قديمه مثل ماقلت مافيها شي

مش حقت سكن تقدر تدور فيها اربع ساعات بس

تصلح للمغاربه لانهم شعبيين مايحبون الفنادق يحبون الشقق

ويبون شي رخيص ويجلسون يسبحون طوول النهار ويطالعو ناس طول الليل

جلست فيها شهر في الزمان الغااابر .. لاطقني الجوع توهقت .. مالي الا روح مطعم على طريق

برا اصيله اخذ مشويات منه .. وانسى تلقى ثلج هناك ههههههههه

الاكل مافي ولا مطعم مميز ماعدا مطعم اسباني بحري وسكر مؤخرررا

ارجع واقول تصلح للمغاربه بس او تصلح للشعبيين مافيها مطاعم .. مرجاان ولاشي

اه نسيت شغلتين

مطاعم السمك اللي ع الشارع كليت مره منهم جاني تسمم

والشغله الثانيه مره رحت اسهر في مكان سهر

لقيت جنبي بياااع الخضااار والطاوله الثااانيه لقيت الجزااار هههههههههههه

سقا الله ذيك الايام كان الواااااااحد خبل ههههههههه