اصدار تأشيرة عامله مغربيه

السلام عليكم واسعد الله صباحكم

استفسار عن طريقة اصدار تاشيرة عامله مغربيه وكم تكلف .. كذلك وش الافضل اصدرها بنفسي والا عن طريق مكتب ،،،

يا سمو هالحين ممنوع تجيب عامله بدون مكتب لازم عن طريق برنامج مساند
والا انت تنسق مع مكتب اذا تعرف صاحب مكتب تتفاهم معاه
السعر يختلف من مكتب لمكتب بس تكلف +10 الاف ريال بس ادخل برنامج مساند وتلقى مكاتب موثوقه ويتنافسون بالاسعار
واحسن لك لو انت تعرف راعي مكتب تنسق معه اذا معين اللي بتجيبها اذا ما عينتها يبي لك مكتب وانت وحظك

انا قبل سنه بالضبط ما طلبو كذا صحيح يحطون مساند ولكن تسوي تفويض الالكتروني وعقد عمل وترسلها لاي مكتب بالمغرب يسويها ، اتوقع 2000 يخلص الشغله بالانترنت ابحث تجد بس اذا في هالسنه جاء امر جديد ماعرف بس اتوقع مايقدرون لان المكاتب تبي تاكل الناس من 2000 الى 12000 فيه واحد ارسل لي عروض قبل اسبوع اذا تبيه خبرني على الخاص واذا غير ممنوع احط رقمه هنا ولكن الانترنت مليان لو تبحث يتنافسون على المائه ريال
اعتقد الجنسية الفلبينيه لازم مكتب (ولكن فكرة مكتب يقصد التفويض الالكتروني)

مغربيات كثيرات بسعوديه واغلبهن بتاشيرة كاوفيره او صالون مشغل نسائي
لكن عامله او مربيه او خادمه نادر جدا وعن طريق مكاتب واصله مع وزارة الخارجية

اذا قدرت تطلع تاشيرة عامله او مربيه لا تبخل علينا بكيفية اجراءاتها

__________________
ليت لي من عناء البعد راحه
يابهجة الخاطر وكثر الأمنيات

شوف اخوي شاعر انا قدمت العام الماضي وصح مثل ماقلت يصعبون المغرب بالذات ولكن ليس ممنوع، يعني انا جيت مكتب العمل قالو الجنسيات المسموح بها هنا ورقه مو مسجل المغرب، قلت طيب انا بجيب مغربيه تعرفها وحده هنا تربي العيال قال خلاص قدم وقدمت واول مره رفضو التقديم الالكتروني جتني رساله بعد ربع ساعه بالرفض رجعت للموظف قال نسوي لك مره ثانيه بسرعه بعد يعني يمكن دقيقتين سو وجات الموافقه طبعا هذا بعد ما اتصلت بالرقم المجاني حقهم وقلت ويش سبب الرفض قالو احيان خطا بالسستم والظاهر مثل ماقلت يصعبون على المغربيات المهم رفعت وتمت الموافقه، يجيك الدور الثاني لما جيت اسوي تفويض الالكتروني مكاتب قليله تسوي جنسية المغرب وغاليا تخيل شرق اسيا 600 ريال والمغرب 1500 المهم سويت التفويض وجات باقل من اسبوع ، وفيه طريقة ثانيه ... مكاتب عند وزارة الخارجية بالرياض يسوون طلب زيارة وبعدها تتحول عامله مافيه مستحيل بس مشكلتنا مانحاول
بالمناسبه حتى الاعزب يطلعون له عامله اتوقع الى 4 فيز او 2 مني متاكد بس فيه تصعيب واسباب مثل امه كبيره اي عذر

يعطيكم الصحه حبايبي ...

شكل الاجراءات متعبه ولكن بانتظار المزيد من التوضيحات ،، مع العلم اني ابغاها وحده معينه ما ابغى خبط لزق

ياحبيبي انت تقدر 4 معينات الشرع حلل لك 4 (بس يمدحون القرى اترك المدن)الزين و..

لتوضيح النظام يسمح 4 ولكن وقتها كنت مسرح الله يسمحني
انت لما تسوي التفويض الالكتروني سجل اسم المعينة وانتبه نفس الاسم بالجواز حقها وتجيك المعينة في خمس ايام

الله يسعدكم ..

ابغى اجراءات التأشيره خطوه بخطوه اذا امكن

اول خطوة تروح مكتب العمل وتقدم طلب استقدام وتحدد المغرب اذا متزوج الامور تمشي، اذا اعزب تحتاج عذر مثل تخدم امك او ابوك او تحتاج من يساعدك من هالاعذار مع العلم اني سمعت مكاتب لهم طرق يطلعون بدون عذر للاعزب وتجد اعلانتهم بالانترنت ..شروط مكتب العمل تعريف بالراتب او رصيد بالبنك اكثر من 50 الف وكرت العائلة وورقة تسجلها عندهم وتقدم الطلب... بعد دقائق تجيك رساله نصية بالقبول او الرفض يعني لا تبعد عن المكتب انتظر فيه لو رفضو عندهم رقم مجاني طبعا مسجل عند الاستقبل لمكتب العمل سجله واتصل استفسر عن طلبك لو تمت الموافقة امورك طيبه ما تمت ارفع مره ثانيه بنفس الوقت بعد قبول الطلب تدخل موقع مساند وتشوف التفعيل لانه ياخذ يومين ويتفعل الخطوة التالية مساند فيه مكاتب عماله مسوين لهم دعاية اذا تبي يخلص بالمكتب ولا انصح فيه اقل شي 12 الف والحل؟ ابحث بالانترنت عن مكتب يسوي لك تفويض الالكتروني وعقد عمل اكتب بجوجل(تفويض الكتروني باقل الاسعار) وزر بحث وتحصل آلف المكاتب اللي حاط وتساب واللي حاط رقم بس الاغلب وتساب ارسل له كم تسوي لي تفويض الالكتروني وعقد عمل لعامله مغربية اعرفها يعطيك السعر غالبا 1200 ريال بس هنا لازم تبحث بجوجل عن مكتب بالمغرب يخلص الجزء الثاني والحل؟فيه من يخلص لك الشغله كلها ب 2500 او 2000 مني متاكد هو نفس اللي يسوي تفويض يجمع لك الشغلات يسوي تفويض الالكتروني وعقد عمل ويرسلها للمغرب بالبريد ومكتب بالمغرب يخلصها فحص وتقديم الاوراق لسفارة السعودية ويخلص كل شي بس تعطيه رقم العامله هو يتواصل معها وتجيه الرباط تفحص يوم واحد ويخذ جوازها حتى يدخل السفارة وبعدها تنتظر يومين وخلاص يتم التفييز ويحطونه بالجواز وتستلم هي الجواز تاشيرة 90 يوم بعدها احجز لها اقرب طياره وانتبه من الترنزيت لا تضيع احجز مباشره وخلاص انتظرها بالمطار لان النظام الآن ما يوقفونها بالمطار تعتبر حالها حال اي مسافر تركب اقرب تكسي مو لازم تستقبلها
المهم بالامر حتى لا يدخل شي بذمتي استفسر وتاكد من اللي يسوون تفويض قبل تقدم فيزا هل تغير شي بالانظمة خلال هالشهور لان حسب علمي ما تغير شي بس لو شي ولا حاجه ماتحمل دعوة تاكد من اللي يسوي تفويض قل(لو بطلع فيزا تسوي الاجراءات وبكم؟)
السعر تقريبا
2500 مكتب بالسعوديه يخلص لك كل شي + مكتب بالمغرب يخلص الفحوصات والاوراق
وممكن اقل لاني قدمت مره ب 2500 ومره 4500 ومره 5000حسب شطارتك ولازم تبحث بالنت اقل شخص يسوي لك تفويض الالكتروني وعقد عمل اعرف الشرح لخبطه بس
لا تدفع لاحد هلله حتى يتم التفييز من السفارة السعودية وتحصلها في ابشر مربوطه عندك، اشترط هالشي على اللي يخلص لك الشغله لان بعضهم يبي كاش ويقفل جواله واشترط المدة