بخصوص أطعم واذوق مطبخ في اي مدينه

مرحبا
سؤالي لأهل الذوق في الطعام
ماهي افضل مدينة في المغرب اكلهم مرررره ولذيذ تاكل منه ولاتشبع
لذيذ
مثال بسيط لو تقول لي في تركيا افضل مدينه في الأكل بقول لك مدينه اضنه ومرسين فقط
افدونا ي اهل المغرب
لني ناوي اجلس في هذي المدينه الي اكلهم لذيذ

على حسب وش تبي اكل يا ركوني
بس ارشح لك كازا اشوفها الافضل لسبب بسيط التنوع فيها كل انواع المطاعم فيها
مطاعم مغربيه مليانه ورايعه مشاوي لحم وعلى البخار بمدينة طماريس نص ساعه عنك اكل بحري كازا نفسها فيه واحسن المحمديه حولك وبرضه بوزنيقه فيها مطاعم زوينه مشاوي وسمك
تبي تغير يوم واكل ايطالي او او كازا مليانه بس كثير ما يعرفون عنها لان تصير بزنقه وداخل حاره والا الاكل فخامه

باختصار اذا تبي تاكل وبس ههه خلك بكازا والمدن اللي حولها
واذا تبي اسماء مطاعم محدده من ذوقي وتجربتي ابشر بسعدك بس مشكلتي لازم اتذكرها بالوصف لاني ادرعم واللي يجوز لي اطب فيه هههه يعني اوصفها لك وان شاء الله انك ذيب ولا انت ضايع

اي والله ابي شيء ممتاز ولذيذ لني انا من رواد تركيا المغرب معلوماتي عنها صفر
حتي السفر عدلته الي 20 مايو بدال ابرايل ماهو مني من تاجيل السفر

انا مااخفيك ي حبيب طنجة الاتراك عودوني علي المشاوي اموووت علي شيء اسمه الشوا ع قوله المغاربه بس وين الي يظبطه

أرشح كازا لتعدد المطاعم والخيارات كثيرة ويشتهرون باللحم الطازة على كيفك، لكن كل واحد وذوقة في الأكل ، لكن اهم شي النظافة في الطاهي ون حصل .
آه ياطماريس والسي فود .
أما تركيا مشهورة بالمشاوي والأكل لكن الشاورما اللي في التقسيم إغراء بالمنظر فقط لو شريت ما أكلت فيها طعم غريب .
على العموم المغرب لو ماتاكل مارايح تحس بالجوع وأي طعام تحس أنه لذيذ مهما كان .
الله يهني الجميع بالعافية والاستمتاع بالحياة .

ابشر بعزك يا راكان
حقك علينا مانقصر معاك بكتب لك كل اللي تحتاج من الالف للياء بس خلها بعدين الحين ما عندي وقت بس اوعدك
ودام سافرتك باقي عليها خل بس افضى واروق واعطيك قائمة مطاعم تكفيك شهر

ترى مانسيتك ياراكان بس عجزت القى وقت اكتب على راحتي
بس ابشر هالاسبوع ان شاء الله بسرد لك مطاعم يكفونك شهر من تطب المطار لين ترجع وبركز على كازا واللي حولها من تجربتي ومعرفتي