ليش السكن غالي بالمغرب

معقولة لو اجلس 20 يوم أدفع 10000ريال حق سكن فقط
ليش هالغلاء الفاحش .

هلا ابوفحيل اسمح لي لي وجهة نظر
المغرب غلاء فاحش للي يبي الغلاء الفاحش بس اللي فعلا يبي يوفر ويدور المعقول يلقى
بقولك كيف باختصار

تروح لمنتجع بمراكش فاهمك ويلعب على مخاوفك اللي اغلبها وهم ويعرف كيف تفكر قبل لا تفكر وتقول غلاء فاحش انت اللي اخترت
اغلى شي بالمغرب مراكش خاصه السكنات والمنتجعات المشهوره لانها اولا توفر لك اجواء ما يتوفر بغيرها فحقهم يزيدون السعر وثانيا لانهم فاهمين وش تبي ويلعبون على هالحبل ويستغلون وانا رحت لها وماودي اغلط
انا عني ما اسكن مكان فيه اهانه لي باي شكل من الاشكال ولا اسكن بمكان فيه استغلال ولا ادفع باي سكن بالمغرب اكثر من 600 درهم وغالبا اقل مب لاني ذكي والا بي زود لا لاني اروح وادور بنفسي ولا اقرب مكان مشهور ومعروف ويستغل شهرته باي طريقه ادور رجال وناس ينحطون على الجرح يبرى وهم كثار بالمغرب وابشرك اسكن ارخص شيء والجوده اعلى شيء والعلاقه علاقة احترام وموده والله انهم يجهزون لي الشقه بحب وادفع لهم زود من الحشمه اما اروح عشان والله اخذ راحتي بالموسيقى ويدخلون الضيوف والا مدري ايش لا ياحبيبي خل ضيوفك عندك ولا تذلنا ولا تخوفنا بدرك ومرك وفرك ومراكش كلها عفناها خلها لك انا جاي انبسط واشتري راحتي ولا تلعب علي وربعنا بعضهم لازم الموسيقى اعلى شي ولازم الخ الخ ياحبيبي اركد مب كذا والا ادفع ولا يكثر اما بتروح تقضي امورك بهدوء وذوق والله ما تدفع بالسكن اكثر من 10 الاف درهم بالشهر ويمكن اقل بعد وسلامتك

منور ابو فحيل بخصوص ارتفاع اسعار السكن ماتحصله الا بالمنتجعات المعروفه واللي يتوافد عليها الخليجيين بكثره قيمة السكن بالمغرب تعتبر رخيصة مره اذا ابعدت عن المنتجعات هاذي وبنفس الوقت المنتجعات هاذي تاخذ راحتك فيها وتنبسط اكثر وعلشان تاخذ راحتك اكثر من غيرها يرفعون السعر علييك

احسنت اخوي حبيب طنجه:maroc (934):

كلامك صحيح اخوي بوسمير
حتى بشرق اسيا نفس الموضوع
للمكان اللي يرتاده الخليجيين احد الاسعار فيه مولعه
تبعد شوي تحصل ارخص باكثر من نصفو القيمه
بانكوك شارع العرب رواده الاغلب خليجيين وكل شي فيه نار
تطلع الجهة الثانية من الشارع تجد كل شي رخيص من سكن اكل وتسوق الخ
اللي 100 ريال بشارع العرب بالجهة المقابلة تحصله 20 ريال

يا ابو فحيل انما الأعمال بالنيات فمن سافر يبحث عن الخضرة والأجواء الجميله ويفعل مثل الأجانب الفطور ٦ صباحا ويخرج للنزهه ويعود ٦ المغرب يتعشى وينام فهذا ممكن يسكن احسن سكن ب ٤٠٠ درهم أو ٦٠٠ كما تفضلت. أما واحد يروح يقعد له ١٥ يوم في المغرب ما يشوف النهار وهدفه استقبل وودع فهذا من حقه يدقق في السكن طالما فيه سهر وزوار وكيف. لأنك وضعت نفسك في دائرة الضعف والقانون ممكن يكون ضدك لو حصل مشكل وتدخل في مشاكل مالها نهاية. انت رايح تشتري راحتك فلا بد ان تدفع كثيراً حتى ترتاح كثيراً. الشقق ليست مريحة بحكم الجيران. الفلل والشاليهات أفضل وهي أغلى في الثمن. تبقى المغرب غالية ورخيصة لخصوصية نوع السياحة