اريد احد قادم من المغرب الى السعودية

السلام عليكم
اسعد الله صباحكم بالخيرات
لدي شحنة عبارة عن عطر شريته من المغرب
وتم رفضها لشحن من قبل شركات الشحن ترفض العطورات
اذا فيه احد مسافر من المغرب الى السعودية اكون له من الشاكرين

وعليكم السلام
ارحب يابولارا
والله بهالوقت صعب تلقى فأشور عليك تدور هالعطر اونلاين وتشتريه ويشحن للسعوديه من المتجر مباشره

وبالمناسبه نصيحه للجميع ومحشوم يابولارا على اللي بقول لكن من باب الشيء بالشيء يذكر
لا احد ياخذ اغراض احد بالمطارات منت ملزوم ولا تدري وش اللي ممكن يصير خاصه انها ماتسوى ماتقول علاج عاجل والا شيء راس ماله حاجه معوضه ولا تسوى تخاطر عشانها
اذكر بمطار القاهره جاني مصري يبي اشحن له قطعتين عشان يوفر قلت لا المشكله زعل ونشب لي قلت لا تشغلن كيستين كبار يبي لي يومين عشان اشوف وش بهن يبي اشحنهن له باسمي مهب صاحي

حتى العلاجات ما تضمن وش نوع ال ،، الله يكفينا الشر اهل العلوم الردية ما خلوا لنا مجال للفزعة او حسن النية


اما بخصوص موضوعك يا بو لارا مالك الا حل اخونا حبيب طنجة الله يعزه

الله يعزك يالغانم والله انك صادق العلاجات اخطر شيء وانا مسوي انساني انا وراسي ههههه
حاليا الحمدلله ما كثر الا شركات الشحن بدون ذلة فلان او طلبة فلان وابعد عن الشر وغنيله على قولة راشد الماجد

الله يسعدكم جميعا ماقصرتم

يا كثرهم والحمد لله عديناها بسلام

والافضل ابعد عن الاحراج