اقتباس:
المشاركة الأصلية كتبت بواسطة some1nice
بالنسبه للي اخذ مواعيد طبيه ، ليه ما ياخذه من المغرب ويطلع عالمغرب دايركت ؟
بالنسبه للزواج من المغرب انا ما اقلك مؤيد او رافض ، يعتمد على الزوجة و اهلها ويعتمد عليك انت !
هل عندك درايه كامله بثقافة الشعب المغربي ؟ هل تعرف حياتهم و مجتمعهم ؟ تاكد ان السفر للسياحه غير كافي !
و يعتمد ايضا على اختيارك لشريكه حياتك ، وهل عندها القدره تتعايش مع المجتمع الخليجي ؟
الموضوع فيه اكثر من نقطه ، حاول تكون واضح في الشي الي تبغاه و تكون واضح مع شريكة حياتك في النقاش و الاهتمامات والله يوفقك ... عاى قول اخواننا المغاربه ( كاين طوب ولحجر )
وبالنسبه للتصريح تقدم فيه الاوراق كامله ويجيك الرد خلال ٣ اشهر !
تحتاج تتعب شوي طالع ونازل من الشرطة الجنائية لخلو السوابق واثبات السكن و الاحوال المدينه و المستشفى للفحص الطبي ، لكن مافيه تعقيد ابدا ، اجراء روتيني
الله يوفقك ياعسل
اهلا هلا بالجميل
اعتقد ما يخلونها دايركت عشان محد يدقق على مواعيدهم لان تركيا او الاردن عادي تروح لها علاج بس المغرب جديده يقفطون هههه مع ان حامة مولاي يعقوب علاج باذن الله بس وشلون تجيب موعد منها لوول
ممتاز الاجراءات سهله ونبي نبدا فيها قربب باذن الله لا انا كنت اشتغل بشركة الاهل ومتعود على المراجعات واحمد الله اني صبور وغير مستعجل ومشكور يا امياس على المعلومه اني اقدر ابدا فيها اونلاين
ياحبيبي الغالي انا مقرر من زمان ومتوكل على الله والموضوع محسوم عندي بس كل سنه اقول السنه الجايه بس هالمره جازم بس الله يستر من شيء دايم يخرب علي اذا رحت ههه اما الثقافه الخ فصار لي +10 سنين اروح للمغرب +3 مرات بالسنه واجلس بالشهر والشهرين وما اسكن الا بينهم وبين عوايلهم بالمدن الصغيره والمتوسطه الا حافظهم حفظ ومعجب بكل ثقافتهم وتقاليدهم ومتشربها وفاهمها اكثر منهم حتى الصوفيه احبها قبل المغرب وحبيتها اكثر من حبي لابن الفارض من كنت صغير
والله يابن الحلال ماضيعنا وزاد الطلاق عندنا بنسب عجيبه غريبه مخيفه الا يوم جلبنا مفاهيم الغرب البائسه اللي طلعوها لتعويض عدميتهم المشاركه النقاش والحب الاهتمامات الخ الخ وهذي مفاهيم جيده لكنه غير مؤصله وتخضع للنسبيه (النسبيه اللي دمرت الحياه الاجتماعيه بالغرب) وليتها صدق فورة بيبسي سنه وتروح بينما ديننا والقرآن ذكر التأصيل القوامه والرحمه والموده واللباس والمفاهيم الربانيه العظيمه هذا اللي زواجي يأسس عليه وكل شي له اصل حقيقي وثابت لا يتزعزع وابشرك حتى اللي ناوي اخذ منهم اهل قرآن وسنه عسى الله يجعلني منهم لو عن طريق زوجه تشفع لي والله ان بين المغرب والعشاء بالمغرب فتره مقدسه لي اسمع القرآن على طريقتهم الروحيه الجميله اسمع الرقيق سلطان العاشقين ابن الفارض طيب الله ثراه وش يقول
أُخفي الهوى ومدامعي تبديه
وأُميتُهُ وصبابتي تحييه
فكأنَّهُ بالحُسنِ صورةُ يوسفٍ
وكأنَّني بالحُزنِ مثل أبيه
العاشق الزاهد العابد رحمه الله