من منكم اخذ اللقاح

الله يعين يا اخوي شاعر كازا. بس كلها شهر تقريبا بعد مايفكون الحجر والامور تظبط .
اخوي شاعر كازا بحكم انك شاعر انا ابحث عن قصيدة بعنوان المغرب وكان مطلعها كنسل على الرحلات واحجز لقادير. شاعرها واحد قحطاني من اهل الرياض وتوفى الله يرحمة. وكانت موجودة بااليتيوب وحذفوها تو. الرجاء من شخصكم الكريم لو تعرف القصيدة او تقدر تزودني بها .لاهنت ياالامير .وتقبل فايق تحياتي وتقديري .

موجودة عندي يا نجم المغرب بس حطني بوجهك ليا نزلتها بالمنتدى ما يعطوني توقيف او حظر

__________________
ليت لي من عناء البعد راحه
يابهجة الخاطر وكثر الأمنيات

والله ياجماعة الربع بعد ارتفاع حالات كورونا الايام هاذي اتوقع ماراح يفتح السفر بعد عيد الفطر وتمنى توقعي مايكون صحيح

ابوسمير لا تحلل الله يهدينا ويهديك ، تخف ان شاء الله يجي رمضان والامور طيبه بإذن الله. ترى نشفنا وصرنا نحلم بالسفر خلصنا من اللقاح من شهر وننتظر تذكرة من اول يوم نشلع وباقي في أمل.... تحياتي

هههههههه مجرد احساس وتمنى انه مايصير اخوي مهتم ويعلم الله اني مشتاق لسفر من فترة طويله لاكن بتنفرج باذن الله

تكفى يبو سمير لا تتوقع الله يرضى عليك .. ترى انا طقت كبدي

هههههههه أبشر

انا مع توقعات ابو سمير هههههههه

الحالات زادت ورمضان ماجاء إلى الآن

يعني كلكم تعرفون كيف العزايم والجمعات برمضان بين الاقرباء والاصدقاء الله يستر بس ويخيب توقعي انا وابو سمير

تفائلو بالخير ياحلوين

مااتوقع يكون فيه تأجيل للسفر

لكن احتمال يكون في تشديد واشتراطات صارمة

مثلا يتم منع السفر الى دول معينة ويكون السفر مقتصر على من اخذ اللقاح

بالنسبة للجرعة الثانية اعطوني موعد بداية يونيو وغيرت الموعد وقدمته 3 ايام يعني نهاية مايو

مزاعيطي الكرام _ مافي طريقة منا ولا منا اغير موعد الجرعة الثانية وأخذها برمضان واكون جاهز وقت السماح بالسفر

متفائل لين مل التفاؤل مني .. حجزت ثلاث مرات و نلغي و نأجل وراحت علي فنادق غير قابله للاسترداد لاني كنت مرتكي على علم مو خرابيط واتس و تويتر .. تطعيم من اوائل الناس اللي طعموا و جواز صحي .. بوكس الكمامات في السيارة و في كل مكان .. ولي سنة وشوي ماسلمت على احد .. و تباعد و معقم لين بغيت اشربه .. و غسيل ايدي لين جاني مشق (اكزيما) ..
وفي الشوفه اللي هم يبون اي بلد بس نطلع ..

السفر جزء من حياتي و فصل مهم تعطل بقوه ( مو لازم المغرب ) .. انا لي فلسفة خاصة في السفر و يمكن كثير من علوم الشباب ماهي عندي واجد ..

ياجماعة الطير الحر البالغ اذا صادته الشبكة اجلد مايتحرك لين تجي ياتطلقه ياعادة يموت ..

والله ياأسلوب جاك الذيب جاك وليده انه يوجع .. ياخي رمح تزرق به ولا رمح توعد به ..

والله ان قاله الله لو مافتحوا السفر اني لادور لي منقية حلوه واهج عن المدن واللي سكنها واسج في الخلا الخالي و بيعزيني ..