من منكم اخذ اللقاح

99% قرار استئناف السفر والرحلات مؤكد
بعد يوم 17 مايو

__________________
ليت لي من عناء البعد راحه
يابهجة الخاطر وكثر الأمنيات

لا تخاااف يارجال السفر ماراح يمنعونه
لان الخارج من السعوديه محصن والداخل كذلك

__________________

انا مع توقعات ابو سمير هههههههه

الحالات زادت ورمضان ماجاء إلى الآن

يعني كلكم تعرفون كيف العزايم والجمعات برمضان بين الاقرباء والاصدقاء الله يستر بس ويخيب توقعي انا وابو سمير

تفائلو بالخير ياحلوين

مااتوقع يكون فيه تأجيل للسفر

لكن احتمال يكون في تشديد واشتراطات صارمة

مثلا يتم منع السفر الى دول معينة ويكون السفر مقتصر على من اخذ اللقاح

بالنسبة للجرعة الثانية اعطوني موعد بداية يونيو وغيرت الموعد وقدمته 3 ايام يعني نهاية مايو

مزاعيطي الكرام _ مافي طريقة منا ولا منا اغير موعد الجرعة الثانية وأخذها برمضان واكون جاهز وقت السماح بالسفر

متفائل لين مل التفاؤل مني .. حجزت ثلاث مرات و نلغي و نأجل وراحت علي فنادق غير قابله للاسترداد لاني كنت مرتكي على علم مو خرابيط واتس و تويتر .. تطعيم من اوائل الناس اللي طعموا و جواز صحي .. بوكس الكمامات في السيارة و في كل مكان .. ولي سنة وشوي ماسلمت على احد .. و تباعد و معقم لين بغيت اشربه .. و غسيل ايدي لين جاني مشق (اكزيما) ..
وفي الشوفه اللي هم يبون اي بلد بس نطلع ..

السفر جزء من حياتي و فصل مهم تعطل بقوه ( مو لازم المغرب ) .. انا لي فلسفة خاصة في السفر و يمكن كثير من علوم الشباب ماهي عندي واجد ..

ياجماعة الطير الحر البالغ اذا صادته الشبكة اجلد مايتحرك لين تجي ياتطلقه ياعادة يموت ..

والله ياأسلوب جاك الذيب جاك وليده انه يوجع .. ياخي رمح تزرق به ولا رمح توعد به ..

والله ان قاله الله لو مافتحوا السفر اني لادور لي منقية حلوه واهج عن المدن واللي سكنها واسج في الخلا الخالي و بيعزيني ..

فصلت ..

أنا كيف بصبر من كثير الصبر مليت

احاول ولا ادري كيف بكذب على حالي

عز الله انك قلت ووصفت وأجدت
يابن الحلال خلها على ربك انا ما كنت اعرف الا الدوام والمطار ولو انّا عارفين كان تزوجنا وعيّلنا لكن على قولة الشاعر والفارس محمد الشعلان الرويلي العنزي
"لو عندنا من غيب الايام رسّه ... الآدمي مصلوح نفسه يدلّه" الله اكبر
اما المنقيه فاخوي عنده حلال شمال القصيم على طريق حايل رحت هناك ثلاث اسابيع الحقيقه انه ردة روح والله اني صرت ما الوم اصحاب الحلال على حبهم لحلالهم اكثر من عيالهم لكن العمل اشغلونا بأي لحظه تعال لاني اسوي تجارب صيدلانيه واخذ النتايج واشتغل من اي مكان
اما تأجيل السفر فأنا من البدايه متوقع تأجيله لكن اعتقد انه راح يفتح بموعده المحدد لان اصلا اغلاقه كل هالفتره بشكل كامل ونهائي غريب شوي لان ولا دوله تقريبا قفلته بالشكل هذا انما تقفل بعض الدول وتتطلب اجراءات اكثر حاولت اسافر قبل اسبوعين لفيت ودرت ما ضبطت لكن الخيره فيما اختاره الله
اما الحجز فأنصح المزاعيط بإضافة مبلغ على الحجز عشان يكون مسترد في حال الالغاء انا للحين ما حجزت والو لكن تقريبا على اول رمضان ببدأ اسوي حجوزاتي من طيران وسكن وغيرها والله يعوضك على ما خسرت

الله يحييك حبيب طنجة .. السنة اللي فاتت قلت خلني اروح أدوج في ديارنا الحبيبة شويه .. رحت لجدة مدري وش اللي وداني ماستفدت شي .. ثم رحت لينبع اشوى شوي صدنا ناجل و بياض وكلناه ثم رحت الشرقيه وانا واقف في الواجهة البحرية قلت ماااااش .. قدمت ٣ مرات على ابشر دبي و المانيا و تركيا ومار يطقون لي باصبع .. ربعي يضحكون علي يقولون ناس قدموا عشرات المرات ..
طيب .. نصبر وصبرنا فوق السنه و العمر كم فيه من سنة ؟
اللحين الشهر الفضيل على الابواب الله يبلغنا واياكم .. بطخ و بنصلي و بنترزق الله مع المسلمين لكن لو اجلوا بعده ماعاد عندك الا الحر .. أشهب اللالي .. هنا وش الحل ؟

‏الا ياعيوني ما يفيد النظر والشوف
‏تكافي وكفي لاتراعين ياعيوني

‏تكافي كفاك إمكايد الجادل الغطروف
‏أبو وجنةٍ فيها شرى الموت مقروني

‏أنا اشوف شوفك واتمنى وانامشفوف
‏من اللي سلب عقلي على غير قانوني
‏

الله يبقيك يا أسد
الحقيقه وبدون تفاصيل السياحه الداخليه ما تناسبن ابدا ولا يمكن اصرف ريال عليها ولا اسافر داخليا الا للقصيم وحولها للمزرعه والحلال وجده ومكة شرفها الله للحج والعمره فقط
اصلا كل ديارنا متشابهه ولا فيها فرق بدون زعل يعني

اما الحل طال عمرك اذا اجلوه بالنسبه لي نبي نشوف عن الدراسه يقولون الطلاب يطلعون ويدخلون على راحتهم بس عاد يبي لنا نشتغل على قبول بكليه مغربيه او معهد لتعلم اللغه الفرنسيه ما فيه مشكله خسارة 2000 او 3000 درهم في سبيل السفر لكن انا شبه متأكد ما فيه تأجيل -والعالم الله- وكلامي مب تفكير رغبوي انما تحليل شخصي انا متوقع يأجلون كل المرات السابقه حتى هالمره توقعت بالبدايه تأجيلها لكن الان اتراجع واقول راح يفتحونه سبب تغير رأيي توفر اللقاح وانتشاره ويمكن اشتراطه للداخل والخارج ولا راح تتضرر ... الا اذا كانك للحين ما وثقت بفعالية اللقاح فهذي مشكله عويصه حتى التفكير فيها متعب

من توقعاتي ايضا ان لندن والمغرب -بالذات- راح يكون عليها كثافة سفر من ربعنا لانها من الدول السياحيه القليله اللي آمنه ووضعها جيد ومحبينها مشتاقين و متعلقين فيها ... اوروبا وضعها سيء لآخر السنه ومصر مشاكل من كل جهه وتركيا ممكن تضيفها بحذر للندن والمغرب

للمزاعيط ترى بعد العيد بيدحمونكم الربع ويمكن هناك يعوضون خسايرهم فيكم تحزموا وتجودوا واحجزوا من رمضان والا كل شيء بيتدبل علينا والله اعلم