اقتباس:
المشاركة الأصلية كتبت بواسطة تأبط شر
فعلاً منع السفر لابد الكل يطلع منه مستفيد خاصه الي كان يسافر بكثره ويقول ماقدر ابطي عن المغرب الان عرف انه ممكن يسافر مره بالسنه وعادي ماراح يموت :)
صباح الخير الزميل العزيز تأبط شر
من وين ممكن يالغالي وحنا مغصوبين غصب اجل على كذا نقول للمسجون شفت السجن مفيد هذاك مسجون ولا مت شرايك نسجنك دايم
وبعدين حنا عزاب وعايشين لحالنا والسفر كان المتنفس الوحيد لنا لان الشركات اللي نشتغل فيها مستعبديننا وحارمينا من اي حياة اخرى نداوم 6 ايام بالاسبوع 9 ساعات باليوم تقل حمير وما نعرف بالحياة الا هالمختبر والمغرب ولا عاد فيه لا سفر ولا مغرب الله وكيلك عشر سنين حياة اجتماعيه صفر حتى المباريات اشوف الشوط الاول فقط ماعمري لحقت على الشوط الثاني من يوم كنت بزر الى امس ما كملت مباراة المنتخب بالله مو حرام مدري خطانا والا الشركات اللي جيناهم عودنا غض وخلونا عظم مكسور
اما كلام الاخ محمد 2019 فهو كلام سليم لكن لا يمكن تطبيقه الا بحاله وحده وهي البعد عن الاماكن والاحياء المعروفه بالمدن الرئيسيه بخصوص السكن او استكشاف مدن اخرى غير المدن المعروفه
انا آخر خمس سنوات ما قد سكنت ولا اقمت باحدى المدن الرئيسيه انما اسكن بمدينه صغيره بشرط ما تكون بعيده بالزاف لكن المزاعيط متعلقين بأغلى الاماكن بالمغرب والزين غالي لكن الازين اغلى انا من تجربتي بالمغرب مو شرط الاغلى ازين ولا هو شرط اللي بموقع معروف جودته اعلى انما في كثير من الاحيان العكس صحيح جدا والله اعلم