رايكم نحجز هالاسبوع او ننتظر؟

السلام عليكم
اهل الخبره بالطيران بصراحه دخت وانا احاول الحجز بين عدت خطوط وخايف يمدد منع السفر وتروح الحجوزات
كل طيران له شروط وبصراحه خفت من بعض الخطوط لانهم مايرودون على الاتصالات اصلا(واضح انهم متوهقين مع اللي حجز معهم قبل)
اللي عنده اخبار او حجز ووثق من طيرانه يكتب ما عنده استفيد ويستفيد الاخوان
واهم شي نحجز هالاسبوع او ننتظر مع العلم الانتظار يعني ارتفاع بالاسعار وانا معي عائله يفرق معي السعر
وفي حال احد الامرين ايهم افضل ترنزيت في اسطنبول او القاهره؟ مع مراعات ايهم اكثر حالات كرونا الخوف السعوديه تمنع السفر لها

وعليكم السلام
ــــ حالات الاصابة أرتفعت ، الأفضل تؤجل الحجز حتى تبين الرؤية .
ــــ إذا فيه فرق كبير في سعر التذاكر خلك على السعودية لأنهم يراعون الوضع أكثر من غيرهم بإعتبارهم
جزء من الدولة .
ــــ الترازيت الأقل مدة هو المرجح لأن كلها انتظار في المطار والطيران .

وجهة نظري.
وسلامتك

الاوضاع تبين فيه موجه كورونا ثانيه قوية حول العالم ،، والواضح مافيه شي لين شهر ٦ انجليزي تبين الرؤية اكثر.

احجز تذاكر مستردة وعليك بالخطوط المصرية اذا ماتبي طيران السعوديه ودول الخليج وترى التركيه ماانصحك فيها

__________________
ليت لي من عناء البعد راحه
يابهجة الخاطر وكثر الأمنيات

واضح من اجابتكم متفقين بشكل مباشر اوضمنين الخطوط السعوديه والظاهر هي اللي بحجز عليها مسترده طبعا والله يجزاكم خير على الاقل ارتحت

الخطوط التركية
تقريبا هي الانسب , لانها يعطونك تذكرة مرنه ( تؤجل اذا رغبت )

سبق السيف العدل تم الحجز على الخطوط السعودية مع انها اخر خيار ولكن حسب تعليماتهم انهم يعيدون لك الحجز مجاني خلال ازمة كورونا
الخطوط التركيه بالفعل كلامك صحيح وكثير قالو انها مناسبه لكن رحلاتها ترنزيت في تركيا وربما تضطر لفيزا خصوصا حسب ماقراءت الانتقال من مطار لاخر التنزيت اعتقد بالباص وانا معي عائله وشغاله بالاضافة عندي تخوف تزود حالات الاصابة في تركيا وتكون من ضمن الدول التي يمنع السفر لها عاد ربعنا يدورون الزله عليها

افضل خيار السعودية تغيير الحجز مجاناً وبدون رسوم وبما أن عائلتك معاك الرحلات المباشرة أفضل حتى لو دفعت زيادة ولكن ترتاح من الترانزيت ومشاكله

__________________

ابعد عن تركيا لان الإصابات واصله عندهم باليوم 40 الف

فا مثل ماقلت انت اكيد من ضمن الدول الممنوع السفر إليها والله أعلم

وعليكم السلام والرحمه
هلا بسؤال
ابعد عن القاهره ولا تقربها احسن لك تركيا وضعها ماش بس طيرانهم متساهل وشغال بالجائحه
اما الحجز فأنا ما بعد حجزت لكن بحجز ان شاء الله بنص رمضان وبحجز على السعوديه او المغربيه لان تعرف مشتاقين صعب ترانزيت ولو حصل منع المغرب ما راح تمنع لان وضعها كويس فما تتكنسل الرحله عشان ترانزيت